फिलिप्‍पी 2:30 - नेवाः बाइबल

³⁰ ख्रीष्‍टयागु ज्‍याया निंतिं जितः ग्‍वाहालि बीत वं थःगु ज्‍यान तकं पात। छिमिसं जिगु निंतिं पूवंके मफुगु ज्‍या वं पूवंकल।

फिलिप्‍पी 2:30 Cross References

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

रोमी 16:4

जितः बचय् यायेत इपिं थःपिं हे झन्‍दलय् सीत्‍यंगु खः। जिं जक मखु, फुक्‍क जात जातियापिं मनूत दुगु मण्‍डलीं नं इमित सुवाः बियाच्‍वंगु दु।

१ कोरिन्‍थी 15:53

छाय्‌धाःसा सीपिं म्‍वाना वये हे माः, अले सीमानिपिं गुब्‍सं मसीपिं जुइ हे माः।

१ कोरिन्‍थी 16:10

तिमोथी आम्‍कन वःसा वयात दुनुगलंनिसें लसकुस या, छाय्‌धाःसा जिं थें वं नं प्रभुयागु ज्‍या यानाच्‍वंगु दु।

१ कोरिन्‍थी 16:17

स्‍तिफनास, फोर्टुनाटस व अखाइकसपिं जिथाय् वःगुलिं जि तसकं लय्‌ताः छाय्‌धाःसा इमिसं छिपिं मदुसां दु थें च्‍वंकाबिल।

२ कोरिन्‍थी 12:15

छिमित ग्‍वाहालि यायेत जिके दुगु फुक्‍कं बी। थथे याये दःसा जि लय्‌ताः। थुलि जक मखु, छिमिगु निंतिं सी माःसां जि लय्‌ताः। जिं छिमित थथे यक्‍व माया यानागुलिं हे छिमिपाखें जिं कम माया काये खंगु ला कि छु?

२ कोरिन्‍थी 4:12

थुकथं जिमित कालं त्‍वपुयातःगु दु। छिमिसं धाःसा जीवन कयाच्‍वंगु दु।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

फिलिप्‍पी 2:27

व धात्‍थें हे सी थें च्‍वंक म्‍हंमफुगु खः। अय्‌नं परमेश्‍वरं वयात दया यानादिल। वयात जक मखु, वय्‌कलं जितः नं दया यानादिल। मखुसा ला जितः दुःखय् हानं मेगु दुःख जू वइगु खः।

फिलिप्‍पी 4:10

प्रभुलिसे जि तसकं लय्‌तायाच्‍वनागु दु। तःन्‍हु लिपा छिमिसं जितः हानं लुमंकाः हल। अथे ला छिमिसं न्‍हापांनिसें लुमंकाच्‍वंगु खः। ई जक चू मलाःगु खः।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

फिलेमोन 1:13

वयात जि नाप हे तये मास्‍ति वःगु खः। भिंगु खँ न्‍यंकाः झ्‍यालखानाय् लाःबलय् छंगु पलेसा वयात हे जितः ग्‍वाहालि यायेत जिथाय् तयेगु खः।

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।