फिलिप्‍पी 2:25 - नेवाः बाइबल

²⁵ जितः ग्‍वाहालि याके छ्वयाहःम्‍ह किजा इपाफ्रोडिटसयात छिमिथाय् हे लिछ्वया हयेमाः थें जिं ताय्‌का। जिपिं निम्‍हय्‌सिनं नं नापं ज्‍या याना, अले भिंगु खँ न्‍यंकेगु ज्‍याय् नं जिपिंनापं हे जुया।

फिलिप्‍पी 2:25 Cross References

हितोपदेश 25:13

विश्‍वास याये बहःम्‍ह दूतं थः मालिकया नुगःयात सामाज्‍याया इलय् ख्‍वाउँ लखं थें सिचुकाबी।

यूहन्‍ना 13:16

जिं छिमित खःगु खँ धाये – दास मालिक स्‍वयाः तःधं जुइ मखु। अथे हे खबर छ्वया हइम्‍ह स्‍वयाः ज्‍वना वइम्‍ह तःधं जुइ मखु।

यूहन्‍ना 17:18

छिं जितः संसारय् छ्वया हयादीथें तुं जिं नं इमित संसारय् छ्वया।

रोमी 16:3

जिनापं ख्रीष्‍ट येशूयागु ज्‍या याइपिं प्रिस्‍का व अकिलासपिन्‍त ज्‍वजलपा दु धकाः न्‍यंकाब्‍यु।

रोमी 16:9

झी नाप नापं ख्रीष्‍टयागु ज्‍या यानाच्‍वंम्‍ह उर्बानस व जितः यःम्‍ह स्‍ताखुसयात ज्‍वजलपा दु धकाः न्‍यंकाब्‍यु।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

२ कोरिन्‍थी 2:13

अय्‌नं किजा तीतसयात लुइके मफुगुलिं जितः तसकं सुख मन्‍त। अय्‌जूगुलिं जि अनं बिदा कयाः माकेडोनिया वना।

फिलिप्‍पी 2:26

वं छिमिगु ख्‍वाः स्‍वयेमास्‍ति वय्‌काच्‍वंगु दु, छाय्‌धाःसा छिमिसं व म्‍हंमफुगु खँ न्‍यंगुलिं व छिमिथाय् वयेत तसकं आय्‌बुया च्‍वंगु दु।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

फिलिप्‍पी 4:3

अले विश्‍वास याये बहःम्‍ह पासा, थुपिं मिसातय्‌त ग्‍वाहालि या। छाय्‌धाःसा इमिसं जि नाप भिंगु खँ न्‍यंकेगु ज्‍या याःगु दु। थुलि जक मखु, इमिसं क्‍लेमेस व जि नाप ज्‍या याःपिं जीवनयागु सफुलिइ नां दुथ्‍याःपिं मेमेपिं मनूतलिसे नं भिंगु खँ न्‍यंकूगु दु।

कलस्‍सी 1:7

थ्‍व हे वचन छिमिसं जिपिं थें ज्‍याःम्‍ह प्रभुया दास इपाफ्रासयापाखें सय्‌का काःगु दु। व विश्‍वास याये बहःम्‍ह ख्रीष्‍टया छम्‍ह दास खः।

कलस्‍सी 4:11

युस्‍तस धाःम्‍ह येशूं नं छिमित ज्‍वजलपा धयाहःगु दु। परमेश्‍वरयागु राज्‍ययागु भिंगु खँ न्‍यंकेगु ज्‍याय् जि नाप जुयाच्‍वंपिं यहूदीत थ्‍व हे स्‍वम्‍ह जक खः। थुमिसं जितः यक्‍व तिबः बियाच्‍वंगु दु।

१ थेसलोनिकी 3:2

छिमित साहस बीत व विश्‍वासय् बल्‍लाकेत जिपिं नाप भिंगु खँ न्‍यंका च्‍वंम्‍ह परमेश्‍वरया सेवा याइम्‍ह किजा तिमोथीयात छिमिथाय् छ्वयाहयागु खः।

फिलेमोन 1:24

जिनापं ख्रीष्‍ट येशूयागु ज्‍या यानाच्‍वंपिं मर्कूस, अरिस्‍तार्खस, डेमास व लूकां नं छिमित ज्‍वजलपा धयाहःगु दु।

हिब्रू 3:1

यःपिं दाजुकिजापिं, छिमित हे खः, परमेश्‍वरं सःतादीगु। झीसं विश्‍वास यानाच्‍वनाम्‍ह येशूयात हे परमेश्‍वरं छ्वयाहयाः दकलय् तःधंम्‍ह पुजाहारी यानादिल। वय्‌कःयाके थःगु मन तया च्‍वँ।