फिलिप्‍पी 2:17 - नेवाः बाइबल

¹⁷ छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

फिलिप्‍पी 2:17 Cross References

गन्‍ती 28:6

थ्‍व सीनै पर्वतय् थापं याःगु न्‍ह्याबलेंया होमबलि खः। थ्‍व परमप्रभुयात लय्‌ताय्‌कीगु विशेष देछा नस्‍वाःगु होमबलि खः।

गन्‍ती 28:7

न्‍हियान्‍हिथं न्‍हापांम्‍ह बां बीगु भ्‍याःचानापं त्‍वँसाबलिकथं छगू हीनया प्‍यब्‍वय् छब्‍व दाखमद्य वेदीइ छायेमाः। थ्‍व त्‍वँसाबलि नापलायेगु पालया चुकय् च्‍वंगु वेदीइ परमप्रभुया निंतिं प्‍वंकेमाः।

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 21:13

पावलं धाःसा थथे लिसः बिल – “छिकपिन्‍सं थथे ख्‍वयाः हालाः जिगु मन क्‍वतुंकेत स्‍वयां छु याये? प्रभु येशूयागु नामय् ज्‍वनाः चिकेत जक छु सीत तकं लिचिले मखु।”

रोमी 12:1

यःपिं दाजुकिजापिं, थथे परमेश्‍वरयागु दया मायां यानाः वय्‌कःयात यय्‌क, पवित्र जुइक, छिमिगु जीवन वय्‌कःयात बलिकथं देछाया ब्‍यु। थथे यायेगु हे दुनुगलंनिसें सेवा यायेगु खः।

रोमी 15:16

जितः यहूदीमखुपिन्‍त परमेश्‍वरयागु भिंगु खँ कनेत ख्रीष्‍ट येशूयाम्‍ह च्‍यः यानादीगुलिं पुजाहारीं छाःथें जिं नं परमेश्‍वरयात यःगु पवित्र आत्‍मां शुद्ध यानातःपिं यहूदीमखुपिन्‍त छाये हयागु दु।

२ कोरिन्‍थी 12:15

छिमित ग्‍वाहालि यायेत जिके दुगु फुक्‍कं बी। थथे याये दःसा जि लय्‌ताः। थुलि जक मखु, छिमिगु निंतिं सी माःसां जि लय्‌ताः। जिं छिमित थथे यक्‍व माया यानागुलिं हे छिमिपाखें जिं कम माया काये खंगु ला कि छु?

२ कोरिन्‍थी 4:12

थुकथं जिमित कालं त्‍वपुयातःगु दु। छिमिसं धाःसा जीवन कयाच्‍वंगु दु।

२ कोरिन्‍थी 6:10

नुगः ख्‍वःपिं थें जूसां न्‍ह्याबलें लय्‌तायाच्‍वना। जिपिं गरीब जूसां मेपिन्‍त तःमि यानाबिया। जिमिके छुं हे मदु थें च्‍वंसां जिमिके सकतां दु।

२ कोरिन्‍थी 7:4

छिमित जिं यक्‍व हे पत्‍याः यानाच्‍वनागु दु। छिमिगुपाखें जिं फुइँ यायेथाय् दु। छिमिगुपाखें सान्‍त्‍वना दयाः न्‍ह्यागु दुःखकष्‍ट जूसां जितः लय्‌ता वः।

फिलिप्‍पी 1:20

अय्‌जूगुलिं जि छुकी नं लज्‍या चाये माली मखु धकाः जितः आशा व भरोसा दु। अले न्‍ह्याबलें थें जि आः नं ग्‍याये मखु, सीसां म्‍वाःसां जिगुपाखें ख्रीष्‍टयागु नां जक तःधना च्‍वंसां जितः गाः।

फिलिप्‍पी 2:18

अथे हे छिपिं नं जि थें लय्‌ताया च्‍वँ।

फिलिप्‍पी 2:30

ख्रीष्‍टयागु ज्‍याया निंतिं जितः ग्‍वाहालि बीत वं थःगु ज्‍यान तकं पात। छिमिसं जिगु निंतिं पूवंके मफुगु ज्‍या वं पूवंकल।

फिलिप्‍पी 4:18

छिमिगुपाखें जितः मतिइ तयागु स्‍वयाः अप्‍वः हे दत। छिमिसं इपाफ्रोडिटसयात बीके छ्वयाहःगु ग्‍वाहालि नं जिगु ल्‍हातय् लात। छिमिसं छ्वयाहःगु थ्‍व ग्‍वाहालि ला नस्‍वाः वःगु व परमेश्‍वरयात यःगु बलिदान थें खः।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

१ थेसलोनिकी 2:8

जिमिसं छिमित धात्‍थें हे माया यानाच्‍वनागु दु। परमेश्‍वरयागु भिंगु खँ जक मखु, छिमित थःगु प्राण तकं बी माःसां जिमिसं लिफः स्‍वये मखु, छाय्‌धाःसा जिमित छिमिगु तसकं माया वं।

२ तिमोथी 4:6

छाय्‌धाःसा जिं ला थःत हे पाये धुन। जिगु ला सीगु ई नं वये धुंकल।

१ पत्रुस 2:5

अले छिपिं नं म्‍वाःगु ल्‍वहं जुयाः आत्‍मायागु छेँ दनेत ज्‍यालगय् जूपिं जुयाच्‍वँ। छिपिं परमेश्‍वरयात यःकथं येशू ख्रीष्‍टपाखें पवित्र आत्‍मां धाःथेंज्‍याःगु बलिदान बीपिं पुजाहारीत नं खः।

१ यूहन्‍ना 3:16

थुकथं झीसं माया धयागु छु खः धकाः स्‍यू – झीगु निंतिं ख्रीष्‍ट सिनादिल, उकिं झीसं नं झी दाजुकिजापिनिगु निंतिं सीत तकं लिफः स्‍वये मज्‍यू।