फिलिप्‍पी 2:12 - नेवाः बाइबल

¹² यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

फिलिप्‍पी 2:12 Cross References

एज्रा 10:3

अथे जुयाः आः झीसं झी प्रभुयागु व थः परमेश्‍वरयागु आज्ञा मानय् याइपिनिगु सल्‍लाहकथं थज्‍याःपिं सकलें मिस्‍त व इमि मस्‍ततय्‌त त्‍वःतेत परमेश्‍वरया न्‍ह्यःने छगू बाचा चीनु। अले व्‍यवस्‍थाकथं ज्‍या यायेनु।

भजनसंग्रहया सफू 119:120

छिगु भयं यानाः जिगु म्‍ह खाइ, अले छिगु विधि खनाः जि ग्‍याना।

भजनसंग्रहया सफू 2:11

परमप्रभुया भय कयाः वय्‌कःयात तःधंकि। अले थरथर खानाः न्‍ह्यइपुकि।

हितोपदेश 10:16

भिंगु ज्‍याया सिरपाः जीवन खः, तर पापं पाप हे अप्‍वय्‌की।

हितोपदेश 13:4

अल्‍छी मनूतय्‌सं न्‍ह्याक्‍व मनंतुंसां पूवनी मखु। मेहनत याइपिन्‍सं न्‍ह्याक्‍व मनंतुंसां पूवनी।

यशैया 66:2

छु थःगु हे ल्‍हातं जिं आकाश व पृथ्‍वी दय्‌कागु मखु ला? अले फुक्‍कं थथे जू वःगु मखु ला? परमप्रभुं घोषणा यानादी। “आत्‍माय् चीमि खनीपिं व नुगः ख्‍वःपिन्‍त अले जिगु वचनय् थरथर खाइपिन्‍त जिं दयां स्‍वये।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

मत्ती 11:12

बप्‍तिस्‍मा बीम्‍ह यूहन्‍नां भिंगु खँ न्‍यंकूसांनिसें स्‍वर्गयागु राज्‍यय् दुहां वनेत मनूतय्‌सं धित्तुधिनाः जुल। थुकथं इमि दथुइ धेंधेंबल्‍लाः जुल।

मत्ती 11:29

जिगु जुवा छिमिसं क्‍वब्‍यु, अले जिके स्‍यना का, छाय्‌धाःसा जि स्‍वजाम्‍ह व क्‍वमिलुम्‍ह खः। अले छिमिसं दुनुगलंनिसें आराम कायेखनी।

प्रेरित 16:29

थ्‍व न्‍यनाः व हाकिम मत ज्‍वनाः झ्‍यालखानाय् दुने ब्‍वाँय् वन। अले थरथर खाखां पावल व सिलासया तुतिइ भ्‍वसू वन।

प्रेरित 9:6

आः दनाः शहरय् हुँ, अन हे छन्‍त यायेमाःगु ज्‍या कनी।”

रोमी 2:7

धैर्यसाथं भिंगु ज्‍या यानाः प्रशंसा, इज्‍जत व नाश मजुइगु जीवन मालीपिन्‍त अनन्‍त जीवन बियादी।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

१ कोरिन्‍थी 2:3

जि आम्‍कन वयाबलय् कमजोर जुयाः ग्‍याःगुलिं थरथर खात।

१ कोरिन्‍थी 4:14

छिमित लज्‍या चाय्‌केत मखु बरु जि यःपिं मस्‍तय्‌त थें छिमित सल्‍लाह बीत थ्‍व च्‍वयाच्‍वनागु खः।

२ कोरिन्‍थी 7:15

छिमिसं वयात ग्‍याग्‍यां जूसां लसकुस यात, अले वं धाःगु खँ न्‍यनेत छिपिं फुक्‍क न्‍ह्यचिल। उकिं वं छिमित तसकं माया यानाच्‍वंगु दु।

एफिसी 6:5

दासतय्‌सं थः मालिकयागु आज्ञायात मनय् ग्‍याःभय तयाः ख्रीष्‍टयागु आज्ञा थें ताय्‌काः मानय् यायेगु या।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

फिलिप्‍पी 1:29

ख्रीष्‍टयात विश्‍वास यानाच्‍वनेत जक मखु, वय्‌कःया निंतिं छिमिसं दुःखकष्‍ट नं सीमाः धकाः वय्‌कलं थथे यानादीगु खः।

फिलिप्‍पी 1:5

छाय्‌धाःसा भिंगु खँ न्‍यंकेगु ज्‍याय् छिमिसं जितः न्‍हापांनिसें ग्‍वाहालि यानावयाच्‍वंगु दु।

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

फिलिप्‍पी 2:19

तिमोथीयात छिमिथाय् याकनं हे छ्वयाहये फइ धकाः जिं प्रभु येशूयाके आशा यानाच्‍वनागु दु। अले छिमिगु भिंगु खँ न्‍यने दयाः जितः लय्‌तावइ।

फिलिप्‍पी 4:1

अय्‌जूगुलिं यःपिं दाजुकिजापिं, थुकथं हे प्रभुयात क्‍वात्तुक विश्‍वास याना च्‍वँ। जि छिमित नापलायेत आय्‌बुयाच्‍वनागु दु। छिपिं जिगु लय्‌ताः व श्रीपेच खः।

फिलिप्‍पी 4:15

थ्‍व खँ छिमिसं सि हे स्‍यू माकेडोनियां भिंगु खँ न्‍यंकाः वने त्‍यनाबलय् नं छिमिगु मण्‍डलीं हे जक जितः ग्‍वाहालि यात, मेगु गुगुं नं मण्‍डलीं मयाः।

१ थेसलोनिकी 1:3

परमेश्‍वर बाःया न्‍ह्यःने छिमिसं विश्‍वास याःथें ज्‍या यानाच्‍वंगु, थःथवय् माया यानाः अज्‍ज अप्‍वः मन तयाः प्रभुया ज्‍या यानाच्‍वंगु व आशा मत्‍वःतुसे प्रभु येशू ख्रीष्‍टयात क्‍वात्तुक विश्‍वास यानाच्‍वंगु खँ जिमिसं लुमंकाच्‍वनागु दु।

२ तिमोथी 2:10

अय्‌जूगुलिं परमेश्‍वरं ल्‍ययातःपिं मनूतय्‌गु निंतिं जिं न्‍ह्यागुं सह याये फु। अले इपिं ख्रीष्‍ट येशूं बियादीगु सदां दइगु मुक्ति कयाः तःधने फयेमा।

हिब्रू 12:1

थुकथं झीसं झीगु प्‍यखें थुलिमछि विश्‍वासया साक्षीत खनाच्‍वनागु दु। अय्‌जूगुलिं झीपिं नं झीगु लँय् वइगु न्‍ह्याथें ज्‍याःगु पंगः व अःपुक झीत तक्‍यंकीगु पापयात चीकाः थ्‍यंकेमाःगु थासय् थ्‍यंक हे वने धकाः धैर्य यानाः ब्‍वाँय् वनेनु।

हिब्रू 4:1

थथे झासु लंके बियादी धकाः परमेश्‍वरं पाफयादीगु झीगु निंतिं नं खः। उकिं होश या, छिपिं मध्‍ये सुं नं झासु लने मखंकाः च्‍वने म्‍वाःलेमा।

हिब्रू 4:11

थथे जूगुलिं झीसं नं फक्‍व कुतः यानाः झासु लने थाय् वनेगु स्‍वये माल। तापाःबाज्‍यापिन्‍सं वय्‌कःयात मानय् मयाःगुलिं वय्‌कः नाप झासु लने मखन, उकिं झीसं नं इमिसं थें याये मज्‍यू।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।

२ पत्रुस 3:18

झी प्रभु व मुक्तिदाता येशू ख्रीष्‍टयागु दया माया अप्‍वः दयावनेमा। अले छिमिसं वय्‌कःयात अझ नं बांलाक म्‍हसीका वने फयेमा। वय्‌कःयागु नां आः व सदां तःधना च्‍वनेमा। आमेन।