फिलिप्‍पी 2:10 - नेवाः बाइबल

¹⁰ थुकथं स्‍वर्गय् च्‍वंपिं, पृथ्‍वीइ च्‍वंपिं व पातालय् च्‍वंपिं फुक्‍कसिनं वय्‌कःया नामय् पुलिं चुइमाः।

फिलिप्‍पी 2:10 Cross References

उत्‍पत्ति 41:43

वं वयात गयेत थःगु स्‍वयाः क्‍वय्‌यागु बग्‍गी बिल। अले व गन गन वन मनूतय्‌सं न्‍ह्यःने न्‍ह्यःने वनाः “पुलिं चु, पुलिं चु” धकाः हालावन। थुकथं योसेफ मिश्र देशया हामा जुल।

भजनसंग्रहया सफू 95:6

वा, झीसं छ्यं क्‍वछुकाः वय्‌कःयात आराधना यायेनु, झीत दय्‌कादीम्‍ह परमप्रभुया न्‍ह्यःने पुलिं चुयेनु।

मत्ती 12:40

गथे योना न्‍यायागु प्‍वाथय् स्‍वन्‍हु स्‍वचा तक च्‍वन, अथे हे मनूया काय् नं पृथ्‍वीया दुने स्‍वन्‍हु स्‍वचा तक च्‍वनी।

मत्ती 27:29

कंयागु श्रीपेच दय्‌काः वय्‌कःयात पुइकाबिल। वय्‌कःयागु जव ल्‍हातय् तिंकथि छपु नं ज्‍वंकल। अले वय्‌कःया न्‍ह्यःने पुलिं चुयाः थथे धयाः हाय्‌कल – “यहूदीतय् जुजुया जय जुइमा।”

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

रोमी 11:4

परमेश्‍वरं वयात छु लिसः बियादिल? “बालद्यःयात पुजा मयाइपिं न्‍हय्‌द्वः मनूतय्‌त जिं ल्‍यंकातयागु दु।”

एफिसी 1:10

पाय्‌छिगु ई वइबलय् स्‍वर्ग व पृथ्‍वीइ दुगु फुक्‍क खँ ख्रीष्‍टया अधीनय् हयेगु परमेश्‍वरया ग्‍वसाः खः।

एफिसी 3:14

उकिं जिं पुलिं चुयाः परमेश्‍वर बाःयात प्रार्थना यानाच्‍वना।

एफिसी 4:9

प्रभु थाहां झाल धाःगु छु खः? थुकिं ख्रीष्‍ट पृथ्‍वीइ क्‍वय् थ्‍यंक झाःगु दु धकाः सीदत।

हिब्रू 1:6

वय्‌कलं थः दकलय् तःधिकःम्‍ह काय्‌यात संसारय् छ्वया हयादीबलय् थथे धयादिल – “फुक्‍क स्‍वर्गदूततय्‌सं वय्‌कःयागु आराधना यायेमाः।”

प्रकाश 20:13

समुद्रं समुद्रय् सीपिं फुक्‍कं लित बिल, मृत्‍यु व पातालं सीपिं फुक्‍कं लित बिल। थुकथं इमिसं यानावःगु थथःगु ज्‍या स्‍वयाः इमित न्‍याय यात।

प्रकाश 4:10

इपिं म्‍ये हालाच्‍वंबलय् सिंहासनय् दीम्‍हय्‌सिगु न्‍ह्यःने निइप्‍यम्‍ह थकालिपिन्‍सं क्‍वछुनाः भागि यात। अले थथःगु श्रीपेच वय्‌कःया सिंहासनया न्‍ह्यःने तयाः थथे धाल –

प्रकाश 5:3

स्‍वर्गय्, पृथ्‍वीइ व पृथ्‍वी क्‍वय् नं थ्‍व भ्‍वंथू फ्‍यने फुम्‍ह व थुकी दुने स्‍वये फुम्‍ह छम्‍ह हे मदु।