फिलिप्‍पी 2:1 - नेवाः बाइबल

¹ ख्रीष्‍टयात विश्‍वास यानाः छिमित साहस वःगु दु ला? वय्‌कःयागु मायां छिमित तिबः ब्‍यूगु दु ला? छिमिसं पवित्र आत्‍मां धाःथें याना जुयागु दु ला? छिमिसं थःथवय् दया माया याना जुयागु दु ला?

फिलिप्‍पी 2:1 Cross References

भजनसंग्रहया सफू 133:1

दाजुकिजापिं मिलय् जुयाः च्‍वनेगु गुलि बांलाःगु व न्‍ह्यइपुसे च्‍वंगु खँ खः।

यशैया 16:11

अथे जुयाः जिगु नुगः मोआबया निंतिं अले जिगु मन कीर-हरेशेतया निंतिं बिनाया सः थें ख्‍वख्‍वं दुखं च्‍वनी।

लूका 2:25

अबलय् यरूशलेमय् शिमियोन धाःम्‍ह छम्‍ह मनू दु। थ्‍व मनू तसकं धर्मीम्‍ह व परमेश्‍वरया भक्त खः। व इस्राएलीतय्‌गु उद्धार जुइगु दिं स्‍वयेत पियाच्‍वंम्‍ह खः। पवित्र आत्‍मा वयाके च्‍वनादीगु दु।

यूहन्‍ना 14:18

“जिं छिमित मांबौ मदुपिं थें त्‍वःतावने मखु, जि छिमिथाय् हानं लिहां वये।

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

यूहन्‍ना 17:13

“आः जि छिथाय् वयेत्‍यना। इमिगु नुगः जिगु आनन्‍दं जायेमा धकाः संसारय् दनिबलय् हे जिं थथे धयागु खः।

प्रेरित 2:46

छगू हे मन यानाः न्‍हिं न्‍हिं फुक्‍कं देगलय् मुना च्‍वनेगु, हानं छेँय् छेँय् मरि कुचा थलाः फुक्‍कंनापं च्‍वनाः लय्‌तातां नयेगु यानाच्‍वन।

प्रेरित 4:32

फुक्‍क विश्‍वासीतय्‌गु मन व नुगः छगू थें जू। अथे जूगुलिं सुनानं थ्‍व जिगु व छंगु धकाः मधासे फुक्‍कं मंकाः याना तल।

रोमी 5:5

झीत निराश याइ मखु, छाय्‌धाःसा परमेश्‍वरं झीत पवित्र आत्‍मा बियादीगु दु। पवित्र आत्‍मां झीगु नुगलय् परमेश्‍वरयागु माया तयादीगु दु।

रोमी 8:26

गथे यानाः प्रार्थना यायेमाः धकाः झीसं मस्‍यूगुलिं व झीगु विश्‍वास बमलाःगुलिं पवित्र आत्‍मां झीत ग्‍वाहालि यानादी। थथे पवित्र आत्‍मा थःम्‍हय्‌सिनं हे माक्‍व खँ धयाः झीगु निंतिं बिन्‍ति यानादी।

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

१ कोरिन्‍थी 15:31

यःपिं दाजुकिजापिं, छिमिगु विश्‍वासं यानाः जिं प्रभु येशू ख्रीष्‍टया न्‍ह्यःने छ्यं धस्‍वाकाः धयाच्‍वना – “जि न्‍हिन्‍हिं सिना च्‍वना।”

१ कोरिन्‍थी 3:16

छिपिं परमेश्‍वरयागु देगः खः, उकिं पवित्र आत्‍मा छिमिके च्‍वनादी धकाः छिमिसं मस्‍यू ला?

२ कोरिन्‍थी 13:14

प्रभु येशू ख्रीष्‍टयागु दया, परमेश्‍वरयागु माया, अले पवित्र आत्‍मायागु संगति छिपिं सकल नाप दयाच्‍वनेमा।

२ कोरिन्‍थी 2:14

परमेश्‍वरयात सुभाय् दु, छाय्‌धाःसा ख्रीष्‍टलिसे तुं जिपिं नं न्‍ह्याबलें त्‍याना च्‍वनेत वय्‌कलं जिमित दया माया यानादीगु दु। अले जिमिगुपाखें भिंगु खँ नस्‍वाः थें न्‍यंकभनं न्‍यंकादीगु दु।

गलाती 4:6

झीपिं नं परमेश्‍वरया काय्‌पिं खः धकाः सीकेत परमेश्‍वरं थः काय्‌यागु आत्‍मा झीगु नुगलय् तयादिल। अले थ्‍व हे आत्‍मां झीगु नुगलं “अब्‍बा, जिमि बाः” धकाः धयादी।

गलाती 5:22

पवित्र आत्‍माया फल धाःसा माया यायेगु, लय्‌तायेगु, शान्‍ति याकेगु, सह यायेगु, दया यायेगु, ग्‍वाहालि यायेगु, विश्‍वास यायेबहः जुइगु,

एफिसी 4:4

गथे परमेश्‍वरं छिमित छगू हे आशाया निंतिं सःतादीगु खः, अथे हे छिमिगु म्‍ह नं छगू हे, आत्‍मा नं छगू हे खः।

फिलिप्‍पी 1:8

ख्रीष्‍ट येशूं थें जिं छिमित दुनुगलंनिसें माया यानाच्‍वनागु दु। थ्‍व खँ परमेश्‍वरं स्‍यू।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

कलस्‍सी 2:2

छिमित साहस दयेमा, अले थःथवय् माया यानाच्‍वनेमा धकाः जिं थथे यानाच्‍वनागु खः। अले छिमिसं फुक्‍क खँ ध्‍वाथुइके फइ। थुकथं छिमिसं परमेश्‍वरयागु गुप्‍ति खँ ख्रीष्‍टयात नं बांलाक म्‍हसीके फइ।

कलस्‍सी 3:12

छिपिं परमेश्‍वरं ल्‍ययातःपिं पवित्रपिं व वय्‌कःया यःपिं मनूत खः। उकिं छिमिसं दया माया यायेगु, क्‍वमिलु जुइगु, स्‍वजा जुइगु, सह यानाच्‍वनेगु यायेमाः।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।

१ यूहन्‍ना 3:24

परमेश्‍वरयागु आज्ञा मानय् यानाच्‍वंम्‍ह मनू वय्‌कः नाप दइ, अले वय्‌कः व नाप दइ। झीगु नुगलय् पवित्र आत्‍मा तयादीगुलिं झीसं थ्‍व स्‍यू।

१ यूहन्‍ना 4:12

परमेश्‍वरयात सुनानं खंगु मदुनि। तर झी थःथवय् माया याना च्‍वंसा वय्‌कः झीगु नुगलय् च्‍वनादी। अले वय्‌कःयागु मायां झी जाइ।

१ यूहन्‍ना 4:16

अले झीत परमेश्‍वरं माया यानादिल धकाः झीसं सि नं स्‍यू, अले विश्‍वास नं याना। परमेश्‍वर माया खः, उकिं माया यानाजुइम्‍ह मनूयागु नुगलय् वय्‌कः दयाच्‍वनी। अले व नाप दइ।