फिलिप्‍पी 1:12 - नेवाः बाइबल

¹² यःपिं दाजुकिजापिं, जितः थथे जूवःगु दुःखकष्‍टं भिंगु खँ झन बय्‌बय् जुयावंगु दु धकाः सीकि।

फिलिप्‍पी 1:12 Cross References

एस्‍तर 9:1

झिंनिला अर्थात अदार लाया झिंस्‍वन्‍हु खुन्‍हु जुजुयागु उजं पूवंकीगु दिं वल। उखुन्‍हु हे यहूदीतय् शत्रुतय्‌सं इमित थःगु अधिकारय् हयेगु आशा याःगु खः। तर उकिया अखः इमित घृणा याइपिं यहूदीतय्‌सं इमित अधिकार याइगु जुल।

भजनसंग्रहया सफू 76:10

मनूतय्‌सं गुलि तं क्‍यनी, उलि हे छिगु नां तःधनी। लडाइँपाखें बचय् जूपिन्‍सं छिगु नखः हनी।

प्रस्‍थान 18:11

मिश्रीतय्‌सं इस्राएलीतय्‌त क्‍वह्यंकूगुलिं परमप्रभुं इमित अथे यानादीगु दु। आः जिं परमप्रभु मेपिं द्यःत स्‍वयाः तःधंम्‍ह खः धकाः सिल।”

लूका 21:13

थुकथं छिमिसं इमिगु न्‍ह्यःने जिगु साक्षी बी खनी।

प्रेरित 8:4

उखेंथुखें जूपिं विश्‍वासीतय्‌सं भिंगु खँ न्‍यंकाजुल।

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

रोमी 8:37

अय्‌नं झीसं दुःखकष्‍ट सी माःसां झीत माया यानादीम्‍हय्‌सिनं यानाः झीपिं त्‍याका वःपिं स्‍वयाः नं तःधंपिं खः।

फिलिप्‍पी 1:5

छाय्‌धाःसा भिंगु खँ न्‍यंकेगु ज्‍याय् छिमिसं जितः न्‍हापांनिसें ग्‍वाहालि यानावयाच्‍वंगु दु।

फिलिप्‍पी 1:7

छिमित जिं थःगु नुगलय् तया तयागु दु। छिमिगु खँय् जिं थुकथं मतिइ तयागु पाय्‌छि हे जू, छाय्‌धाःसा छिमिसं जितः थथे कुनातःबलय् नं अले मतःबलय् नं भिंगु खँ न्‍यंकेत व थुकियागु पंलिनाः साक्षी बीगुलिइ नं ग्‍वाहालि याःगु दु।

फिलिप्‍पी 2:22

तिमोथी गज्‍याःम्‍ह मनू खः धकाः ला छिमिसं सि हे स्‍यू। छम्‍ह काय्‌नं थः बौनाप ज्‍या याये थें वं जि नाप भिंगु खँ न्‍यंकाजुल।

फिलिप्‍पी 4:15

थ्‍व खँ छिमिसं सि हे स्‍यू माकेडोनियां भिंगु खँ न्‍यंकाः वने त्‍यनाबलय् नं छिमिगु मण्‍डलीं हे जक जितः ग्‍वाहालि यात, मेगु गुगुं नं मण्‍डलीं मयाः।

फिलिप्‍पी 4:3

अले विश्‍वास याये बहःम्‍ह पासा, थुपिं मिसातय्‌त ग्‍वाहालि या। छाय्‌धाःसा इमिसं जि नाप भिंगु खँ न्‍यंकेगु ज्‍या याःगु दु। थुलि जक मखु, इमिसं क्‍लेमेस व जि नाप ज्‍या याःपिं जीवनयागु सफुलिइ नां दुथ्‍याःपिं मेमेपिं मनूतलिसे नं भिंगु खँ न्‍यंकूगु दु।

१ तिमोथी 2:8

मिजंतय्‌सं न्‍ह्याथाय् नं तं मचासे व जवाःसवाः मयासें दुनुगलंनिसें पवित्र ल्‍हाः ल्‍ह्वनाः प्रार्थना यायेमाः।

२ तिमोथी 2:9

थ्‍व हे भिंगु खँ न्‍यंकाः जिं थथे अपराधीयात थें नेवलं चिकाः च्‍वनेमाली। तर परमेश्‍वरयागु वचनयात सुनानं चिनातये फइ मखु।

२ तिमोथी 4:17

उबलय् प्रभुं हे जि नाप झायाः जितः बांलाक भिंगु खँ न्‍यंकेत शक्ति बियादिल। अय्‌जूगुलिं जिं यहूदीमखुपिन्‍त भिंगु खँ न्‍यंके फत। थुकथं वय्‌कलं जितः सिंहयागु म्‍हुतुं बचय् यानादिल।