Nipadrelane 8:7 - Ngudradreadrekadhane Ka Sisiu 魯凱語聖經

⁷ Ku aswalaalanga ka sasiakawlu belenge sangirapa, yakai ku kananu si apwi, ka eraeradhane, la pwa gugu pulebe. Kai kadaengane ku taingeane ki nipau tulrwane, si angatu ka taingeane ki nipau tulrwane, la kulama patueelre; sanaka ubulu la kulama patuelre.

Nipadrelane 8:7 Cross References

Lasenai 105:32

Ku Twaumase pwalebe ku kananu pawbalrithi ki udale, la salraelre kawmasane ku lrikace.

Takatwasane Izipiti 9:33

Ku Musi la katwase twalai ki talialalai ki swa Izipiti, mulatadre ki cekele, la ciliki ku alrima papia ki Tamatama kitubi. Ku dreredrere udale si kananu la makakaai makitu idrengere.

Isaiya 28:2

Ku Tamatama padulrunga kudra sapukwane ka umawmase kulri kainganai kikaruburu liniane. Kwini lasu lu kela, lri mia ki valrigi, lri mia ki umuku, lri mia ki lriau salraelre sanaka kadaengane.

Isaiya 29:6

Ku Tamatama ka abebeelengenga ki sanaka kwapingi lri arakai ku pakialringau ku dreredrere si lingilingi, lri sikawlu ki kwadrau ka lingau, maadrau ka valrigi, si kelrabe ka apwi kainganai palribulu muswane.

Isaiya 30:30

Ku Tamatama lri pakilalra sanaka umawmase ku lingau ki lrekemeini; ku Twaumase lri arakai ku apwi, ku ememe, ku kananu, si udale pathingale ki umawmase ku elathaneini.

Isaiya 32:19

(Ai ku kananu lri mulebe ikai ki angatungatu, ku cekele lri kikabebetethe.)

Izikile 38:22

Lri arakaiyaku ku swalrubu si atueraeradhane pathavungu iniane. Lri arakaiyaku ku maadrau ka udale, kananu, maadrau ka apwi, si balaru pulebe pwa ki kinawmasane ki ililukuini ka lakwapingi si marasikaikaini ka langiaelre ka kwapingi.

Yuile 2:30

Lri ikaiyaku belenge lebe padrelane ku pinangu Twaumasane ka puku, yakai ku erai, yakai ku apwi, yakai ku makeceege ku ebelre.

Yakubu 1:11

Sana ngibwale ku vai, la kusasevere ki culwane, ku angatu, ku ubulu, la karudame la kalraici si mururu ku bengelrai, ku matidadalamane patuelre la kawlrawnga. Ku maesaesaesai ku umawmase lu karacacaacange ki la awngane, lrika miyaiya ki kai suludru si kawlrau.

Yesua 10:11

Sa kisaladhaladha ki swa Iseraylri kwini swa Amuri, mwabere papia kwini tangutikiane ki lregelrege, ku Tamatama la pawruru ku kananu tarakadadalranane papacai liniane, daruru kavai Azeka. Ku kiapapacai ki kananu takakalra ki kiapapacai ki kwapingi ki swa Iseraylri.

1 Pitiru 1:24

Mararaamau ku taiyane ki Sisiu: Kai umawmase makanaelre, mia ki ubulu, ku tangiesadhanane lini mia ki bengelrai ubulane, kai ubulu lri karudame, kai bengelrai lri kalraici,

Nipadrelane 12:4

Kwi baralebale la arakai ku tawthu pelrepelre ku taingeane ki nipautulrwane ki tariau subelebelenge, si verevere pikai lebe. La acegecege ikai cucubungu kwini ki lri tulalakenga ka ababai, lri ukalava kwini ki daini sana kitulalake, lai lri malra thamukulu.

Nipadrelane 16:2

Ku aswalaalanga ka sasiakawlu belenge la mwa, si malra kwini yakai iniane kwi kisi si gugu pikai kawmasane; ala kirimu ikai ki kinawmasane cebe kapapu pakilringau kudra ki lapinuhangeane ka waudriwdripi ka samiamiange si la wasukubunga ki nituwaudriwdripane ka samiamiange.

Nipadrelane 16:21

Ku latadradrau ka kananu la twalai belenge mucilri si makakai ki laumawmase, ku vaeva ku telregane masupatele ka kukingi. Ngwalai kikai pakilringavane ulebe ki kananu, kai umawmase twadreadrekase ki Twaumase.

Nipadrelane 6:8

Sadrelaku, laka vaeva ka ngilrawlrawlrapungu ka rigi; kudra ngwarigirigi ku nagane sia Wapacai, kai swadriadringi twapapalra iniane. Kwi lalasu wamalra ku puku, si la marasikai erece ki taingeane ki nipau supatane ki kadaengane, lri arakai ku amakakaruburane, silravane, swalrubu, si waudriwdripi ikai lebe papacai ki umawmase.

Nipadrelane 7:1

Sakabilrilinga, wadrelaku ku tasupate ku sasiakawlu belenge ku acegecege maececebe ki babiabila ki kadaengane, si telenge ki valrigi ki twalai ki kadaengane kidruanga, ku kaika avalrigane ikai ki kadaengane, ki laveke, si angatu.

Nipadrelane 9:15

Kwini tasupate ka sasiakawlu belenge la kipulatadre. Kwi lalasu kiakelretenga, ka lri ikai kai ki caili, ki dramare, ki vai, ki zikange, papacai patuelre ki taingeane ki nipautulrwane ki sanaka umawmase.

Nipadrelane 9:18

Ku taingeane ki nipautulrwane ki umawmase la kipapacai kwini ki twalai ki ngudui ki rigi burusu kwi apwi, ebelre, si thilaru.

Nipadrelane 9:4

Kwi laapapawku kiadrekase ku kaika akabebetethane ikai kai ki kadaengane ki ubulu, angatu, si drumane ka lawacebecebe, akabebetethane sikakathane kudra ki la kai kiapuhange papunu ki Twaumase ku umawmase.