Nipadrelane 7:9 - Ngudradreadrekadhane Ka Sisiu 魯凱語聖經

⁹ Sakabilrilinga, wadrelaku, ala ka laumawmase tathathatha, kai asipane ku tatathane. Kwi lalasu twalai ki lakuni, ki cacekele, ki laminzuku, ki makaelaela ku vaga kainganai, si acegecege makanaelre icucubungu ki taetalane si Lrulai ka Kiu, la silaimai ku lrawlrapungu, si ecenge ku ricingi ki abare.

Nipadrelane 7:9 Cross References

Tabekacane 13:16

Lri paedhalaku ki lamwabaibalrithi muswane, ku pangalane kadrwa ku umawmase ku lri maka asipi; kai umawmase lu dulru asipi ki enai kai ki kadaengane lri maka asipi ki lamwabaibalrithi muswane.

Tabekacane 49:10

Yuda lrika takamaniane ka wagemegeme ku puku ki talialalai; ku mwabaibalrithi iniane lri kawlai rathudu. Sanaka kuni lri kela bulri tuswalupu; sanaka umawmase lri pidruru sukubu iniane.

Lasenai 2:8

Lu kitubisu, lri patarumaraku baai muswane kai lakuni; kai kawmasane patuelre lai lri ka musuanenga.

Lasenai 22:27

Kai kawmasane sanaka kuni ani ngulringalringaunga ki Tamatama, si papia iniane tupapalra; sanaka zuku ani sukubu iniane.

Lasenai 76:4

Twaumase, ala salriguanesu! Sapamakisu ki badha, si twalai ki lalregelrege kainganai, matiasalru turamuru!

Lasenai 77:2

Lu kwalrialriaku, kiatubiaku ki Tamatama; watalearaku ciliki kai alrima inulrinulri, ai kadrwa ku sasasane.

Lasenai 98:3

Ku Twaumase pathingalane ku tapukawnwaneini papia ki swa Iseraylri, arakai ku patengatenganane si kai maelaela ka sakialibake marasikai liniane. Kai kawmasane kai umawmase makanaelre wadrelenga ku taakaciane ki Twaumaseta!

Yerimia 16:19

Tamatama, kusu yai pukuli si kepaleli; amanisu ku takilakebaneli lu matikurukurwaku. Sanaka kuni lri twalai kai kawmasane kidruanga kainganai mucucubungu muswane, si iya kai, “Ku cucungulane nai wasukubu ki kaika patengane ka latwaumase, si sukubu sikakathane ki kadrwa ku paluludane ka lasamiamiange.

Yerimia 3:17

Lu kelanga kwidra, lri pasudalepe ki Yerusalrime pasi ‘Taetalane ki Tamatama’ iya; sanaka kuni sanaka umawmase lri yelrelre ikai kwini sukubu nakwane. Kwi lalasu kai lri kiililukunga ki kudrusulrane si ngialisiane ka kidremedreme si pia ku ngialisiane.

Izikile 47:5

Kwi lasu la peelanga twalai kwini papucucubungu lekete tu 500 ka mituru, ku mwadringane ki acilai kaidu wadulrunga pangu talubalre, lu langudhane maka wadulru madu lribate.

Daniele 4:1

Ku tapapiane pelaela pasalraelre kai kawmasane ki sanaka lakuni, lazuku, si kudra makaelaela ku vaga ka umawmase ki talialalai ka Nibukadenezere amani kai lebenga: “Anu kasulivalivate katharithariri ku kinawmasane!

Daniele 6:25

Sangilribatenga kwini, ku talialalai ka Dariuse kawariva ki yakawmasane ki lakuni, zuku, si makaelaela ku vaga ka laumawmase: “Anu kasulivaliivate katharithariri ku kinawmasane!

Husia 1:10

Ku umawmase ki swa Iseraylri lri drima, lri mia ki enai ki laveke ka kaika amaka asiasipane, kaika amaka bungubungane. Kaiasasane ku Twaumase amia kai liniane, “Kunumi yai kaika kawkawluli;” ai lri ikai ku vai, ku Twaumase lri iya kai liniane, “Kunumi yai lalalake numi ki palralrawthu panianiake ka Twaumase.”

Lrivi 23:40

Ki aswalalanga ka vai, kunumi malra ku mathariri ku madru ki angatu, ricingi ki abare, ku maribecele ku vasau si ricingi ki yanagi ikai cucubungu ki Tamatama ka Twaumase numi kiraragai tulrisisi.

Zakaria 10:8

Lri dawlaku ki kawkawluli, si sarubu liniane. Lri palribulaku liniane, lai lri ngimia kunadruma ku takalrane ku umawmase.

Zakaria 2:11

Lukamaninga kwidra, lri takaalra ku kuni kulri papia ki Tamatama, si akawkawlunga iniane. Kwi lasu lri ikainga numiane, ala lri thingale numi ka siakawlu nakwane ku Tamatama ka abebeelengenga ki sanaka kwapingi mwa numiane kwini.

Luka 12:1

Kikwidra, tathathatha ku laumawmase taelre madrikidrikidrikisi, la madredredredrenga. Ku Yesu la paswala ki lasitu iya kai, “Kunumi ngipapalakeba ki sapawsemasemakane ki swa Palrisai, amani kudra ngikathaithaitharirane lini.

Luka 21:36

Kunumi kasimeameaca, kai reteretege ku ainulriane, lanu maka sapukwane kiadili kudra lrika angimiane patuelre, si dulru acegecege icucubungu ki Lalake ki Umawmase.”

Yuhani 12:13

Kai lalasu wamalra ku vasau ki abare si katwase kidredresenge iniane, la kiraragai makakawkau iya kai, “Takiraragai ki Twaumase! Ku Twaumase ani subulrubulru kwini ki nipangukaiyane ku nagane ki Tamatama si kainganai! Ku Twaumase ani subulrubulru ki talialalai ki swa Iseraylri!”

Ruma 11:25

Laretesane, yakai ku vaeva ka kaika athingalane ka matiasamaimali ka patengane ka sabulrwane, ana thiingale amiaku numiane, amani lu malrigilaku luka taiyaane numi. Kikai patengane ka sabulrwane yai: Kudra nakelrathane ki swa Iseraylri kai lrika palralrawthu, lri ukalava ki sakamaelanane ka umawmase ku akisuswane ki Twaumase makamaelre.

Ipisu 6:13

Lakamani, kunumi ngirarukudra arakai ku baai ki Twaumase ku sakikaruburane ki kwapingi, la dulru ikai kai ki matiaukuludru ka vai si kiecebe ki badha, patulrepenge kikaruburu, si drangalru kwini taikaiyane numi.

Hiburu 11:12

Adravane kai Aberahame ka maru wapacainga, patwalai iniane ka tangeangea kudra mwacungulu ku agagane la mianga ki tariau belenge si enai babiabila ki laveke ku kalraane.

Hiburu 12:22

Ai kaiyanganai numi mwa lregelrege Ziyungu, ka kaiyanganai numi mwa ki cekele ki palralrawthu ka Twaumase, ka Yerusalrime ka belenge, yakai ku kaika asiasipane ku sasiakawlu belenge.

Nipadrelane 11:15

Ku mwasakapitu ku sasiakawlu belenge sangirapa, ka belenge la ikai ku akwadrau ku lingau iya kai, “Ku maadrau ka puku ku sarathudane ki lepawngane Tamatamanengata si cegecegeini ka Kirisitu; Kwi lasu lri magagemegeme ku puku, kai lri kaelanga palralrawthu!”

Nipadrelane 22:3

Ikai adringi ki cekele kadrwanga ku pusu ki Twaumase. Ku taetalane ki Twaumase si Lrulai ka Kiu lri ikai adringi ki cekele; ku lasasiakawluini lai lri sukusukubu iniane makanaelre.

Nipadrelane 3:18

Lakamani, lri pakalrumalaku muswane, papiaili langai kai nithalethalane ka kingi, lasu satacekecekelane; la langadhaku lrawlrapungu ku laimai si silaimai, lani paidringi kwini ki matiainu ka vilralralrakane ka kinawmasane; la langai ku sasulravane ki maca si sakidri ki macasu, lasu dulru drele.

Nipadrelane 4:4

Ku ngiathalringulu ku lataetale ki taetalane 24, la ibelenge nene ku ta 24 ku laciwru, si silaimai ku lrawlrapungu, la sitalrupunu ku kingi ka pagamucu.

Nipadrelane 5:11

La pelanga naku masiasirare; la kilalraku ku tapaangale turamuru ku lingau ki sasiakawlu belenge. Kwi lalasu ngiathalringulu acegecege ikai ki taetalane, si supate ka panianianiake ka waudriwdripi, si laciwru,

Nipadrelane 5:9

Kwi lalasu la senai ku vaeva ku bavane ka senai: Kathaanesu ka swadalepe tarumara kwini nibalrulane ka hungu, si mucaebe kwi hange belenge; asi lwiyane nakiapapacaingasu! Ngwalai ku tangicacilrianesu tueraerai, patwalaisu ki cacekecekele, ki makaelaela ku vaga, ki laminzuku, ki lakuni, walangaisu sawlri si malra ki umawmase, la baai ki Twaumase.

Nipadrelane 6:11

Kwi lalasu la tarumara makanaelre savavaeva ku lrawlrapungu ka laimai, la kilalra ku vaga ku peaelaela liniane, ku aisadrane lini padaalru, ukalava pakela kudra ki redelane lini kawaungu pasikai ki Tamatama si kudra laretesane ku lrika angimiane liniane kipapacai, si padarurunga ku atathane ku umawmase.

Nipadrelane 7:8

Ku ngwakai ki zuku ki swa Zibulungu, ta 12,000 ku umawmase; ku ngwakai ki zuku ki swa Yusepe, ta 12,000 ku umawmase; ku ngwakai ki zuku ki swa Biniyamingi, ta 12,000 ku umawmase.