Nipadrelane 7:12 - Ngudradreadrekadhane Ka Sisiu 魯凱語聖經

¹² la iyaiya kai, “Amingi! Ku sadrengedrengerane, lrigu, lrigilane, sakiaseasenane, kiwsakenane, lrekeme, si puku lri papia ki Twaumaseta, lri kai kaelaelanga palralrawthu! Amingi.”

Nipadrelane 7:12 Cross References

Nihimi 12:46

Twalai ki zidai ki talialalai ka Davidi si tarakinkiu ki senai ka Asape pakeelanga kikai, kudra tarasenai amani ku tarasangililuku senai ku sadrengedrengerane si sakiaseasenane ki Twaumase.

Nihimi 12:8

Swa Lrivi: Tarasenasenai ku sakiaseasenane ka Yesua, Binui, Kademile, Serebia, Yuda si Matania.

Lasenai 100:4

Arakaiya ku sakiaseasenane ku kidremedreme si mudaane ki daaneini; arakaiya ku sadrengedrengerane si mudaane ki Alrivilrivi ka taikaikaiyaneini. Kiaseasena iniane, la drengedrengere iniane!

Lasenai 106:48

Drengedrengera ki Tamatama ka Twaumase ki swa Iseraylri! Twalai ku nadrumadrumadruma pakela lumamilringi! Sanaka umawmase ani masasilange iya kai: Amingi! Haliluya!

Lasenai 107:22

Kwi lalasu nai papia iniane patarumara ku sakiaseasenane ka sapatarumarane, si arakai ku sakiraragadhane ka senai pelaelaela ku tapianeini.

Lasenai 116:17

Tamatama, lri papiaku muswane patarumara ku sapatarumarane kiaseasene, si kitubi ki naganesu.

Lasenai 147:7

Senadha kiaseasene ki Tamatama; patungutunga drengedrengere ki Twaumaseta.

Lasenai 41:13

Ku Tamatama ka Twaumase ki swa Iseraylri ani kidrengedrengere! Ka palralrawthu si kakadrwa ku talikaiyane! Amingi! Amingi!

Lasenai 50:14

Arakaiya ku kiaseasenane tusapatarumarane baai ki Twaumase; lri papiasu ki Abebeelengenga sawlri baai ku kiketeketesu.

Lasenai 72:19

Palralrawtha drengedrengere ku lrigu ka naganeini; ku draredrareini ani salraelre ki kadaengane! Amingi! Amingi!

Lasenai 89:52

Ku Tamatama ani kidrengedrengere palralrawthu pakela lumamilringi! Amingi! Amingi!

Lasenai 95:2

Lri arakaita ku kiaseasenane ku kidremedreme mucucubungu iniane! Lri papiata iniane senai ku sadrengedrengerane ka senai!

Isaiya 51:3

Lri kakalithaku ki Yerusalrime, si sasa kudra yakai ki tawlrakavane ku laumawmase. Kudra aubulanenga ku kadaengane lri mianga ki Idingi ka mawivaivai; ku tawlrakavane lri paababengelradhane ki Tamatama. Ikai kwini lri tara ikaai ku sakiararagai, yakai ku kiarararagai, yakai ku lingau ku wadrengedrengedrengere, kiaseaseasene ku waseasenai.

Yerimia 33:11

Ku lingau ki kiarararagai mawlrakalrakalrakai si marudrarudrange ngiakanekaneane. Lai lri kilalra numi ku patarwamaramara ku Sakiaseasenane ka lrisi ka senai ikai ki daane ki Tamatama; kwi lalasu lri senai: Akiaseasenane ki Tamatama ka abebeelengenga ki sanaka kwapingi! Asi lwiyane kwi lasu masulrapele; ku sakialibakeini lri ikai palralrawthu. Lri pasiwlriaku numiane mubalriu, si tupela tucekele. Tamatamaku; ka amia kikai pelaela.”

Yerimia 33:9

Ku swa Yerusalrime lri pakiragai nakwane, pakiwsakene si kisupilri ku lrigu. Kai kawmasane ku lakuni lu kilalra ka swabulrubulrwaku ki laumawmase ki swa Yerusalrime, si ngipelanenga ngiradhekane kikai cekele, lri kathathiburu manugiligili.”

Yuna 2:9

Ai lri senadhaku drengedrengere muswane; lri papiaku muswane patarumara ku sapatarumarane ku waudriwdripi, si baai sawlri patuelre ku ngikakiketeketeli. Ku sapalribulane kathane ku Tamatama ku tatwaladhane!

Matai 6:13

Madha pakipadradresedresenge naiane ku kai ka amalralremeane nai siamece ku akikituthiathingalane; la palribula naiane pakidaili ki alrima kudra ki ngialisiane.

Ruma 11:36

Asi lwiyane kikai sanaka maneemane twalai iniane, ngwakai iniane, lalri papia iniane. Ku lrigu ani papia iniane, pakeela apalralrawthu! Amingi.

1 Kurintu 14:16

Lu kaika miyaiya kwini, lu arakaisu ku abake kiaseasene ki Twaumase sikakathane, ikai ki tayelrelreane ku kai wathingale ki vaga ki abake ku umawmase kai pwalringalringau ku taiyanesu lukamanemane, ara maka duulru tupapalra ki kidremedremesu si “Amingi” iya? Kwi lasu kai lri maka thingale luka tumana amiamiasu.

2 Kurintu 4:15

Kikai patuelre pasiakai numiane; ku Twaumase ku pwalebenga ku migemi makakai ki takaalra ka umawmase, la lrika takaakalra ku umawmase ku patarwamara ku kiaseasenane si lrigu ki Twaumase.

Kulusia 2:7

ikai iniane adringi tubalace, kaadrau, paacegecege ku salrwane, paiya numi kikai ku takibulrwane numi. La mialria pasuetea ku sakiaseasenane ku kidremedreme.

Kulusia 3:17

Adravane ka atumanane ku manemane, ku aiyane ku manemane, pangukaiya ki nagane ki Tamatama ka Yesu patuelre kiaseasene ki Tama ka Twaumase.

Yuda 1:25

Kikai vaeva ka Twaumase ka kadrwa ku sakadrusaini, pangwakai ki Tamatamata ka Yesu Kirisitu si palribulunga mitane. Ani kaamani ku wamalra ku lrigu, papedrengane, puku, si lrekeme, twalai kunadruma pakeelanga kaiasasane, pakela palralrawlrawthu. Amingi!

Nipadrelane 1:18

Palralrawthaku ikai! Nawapacainga naku, ai panianianiakenga naku kaiasasane, si ka palralrawthunga panianiake. Wagemegemaku kai sawsi ki apacadhane si swa swadriadringi.

Nipadrelane 19:4

Ala kudra, ta 24 ku ciwru si supate ka panianianiake ka waudriwdripi la gurapangane sukusukubu ki wanene ikai taetalane ka Twaumase, si iya kai, “Amingi! Haliluya!”