Nipadrelane 22:3 - Ngudradreadrekadhane Ka Sisiu 魯凱語聖經

³ Ikai adringi ki cekele kadrwanga ku pusu ki Twaumase. Ku taetalane ki Twaumase si Lrulai ka Kiu lri ikai adringi ki cekele; ku lasasiakawluini lai lri sukusukubu iniane makanaelre.

Nipadrelane 22:3 Cross References

Lasenai 16:11

Lri pelaelasu ku kadalranane ki niake nakwane. Ikai cucubungu muswane, swaete ku sakiaragaili; ikai thili muswane, yakai ku akaesadhaneli palralrawthu.

Lasenai 17:15

Asi lwiyane mwalecegaku, lri dulrwaku kikawriva muswane; lu pacununga naku, ku tatapalranesu lri suete ki kidremedremeli ku sakiaragai.

Isaiya 12:6

Ku yakai Ziyungu ku laumawmase lri kiraragai senai makanaelre; ku saniange ka Twaumase ki swa Iseraylri saniangelriinga! Ku Twaumase yakai ki laumawmase ka swa Iseraylri.

Isaiya 51:11

Kudra la kiapalribulu muswane ku laumawmase lri kainganai siwlri, kiraragai kela Yerusalrime, la kiraragai senasenai, si akwadradradrau karariau. Kwi lalasu lri palralrawthunga kiraragai, kai lri tubinga kwalri ku kidremedreme.

Izikile 37:27

Lri ikaiyaku taelre liniane. Lri a Twaumasaku liniane; kwi lalasu lai lri akawkawlu nakwane.

Izikile 48:35

Ku balingibingi ngithalringulu ki cekele ku lragiane 9,000 ka mituru. Twalainga kaikameane, kikai cekele lri ki pasi, “Ku Tamatama yakai kai”.

Zakaria 14:11

Ku laumawmase lri sutelrainga ikai Yerusalrime, lri kai ikainga ku matiwkuludrane ku akipapacadhane kipakamudu.

Matai 25:21

Ku tawki la iya kai, ‘Ala mathariri turamuru, kusu ka mathariri si matiasudralru ka sasiakawlu! Pangiamiasu ikai ki bekeelane, lri sudralrwaku pamarasikaiyaku muswane kai makaalra. Bwala mudaana si tupapalra ki tawkisu kisupisupilri si kiraragai!’

Matai 25:41

“Ku talialalai ala papia ki tali virini ka umawmase iya kai, ‘Katwasa! Kunumi ka nipuswane ki Twaumase, katwasaili! Si mwa kudra ki palralrawthu kai kaedrepe ka apwi ka nipadulrudulrwane pasikai ki Akema si twapapapalra iniane!

Yuhani 12:26

Ku aneane ku lri pasikai nakwane, lrika amani ku twapapalra nakwane; ku taikaiyaneli, lri ikai kwini ku sasiakawluli. Kudra pasiakai nakwane ku umawmase, ku Ama lri tara tukucingalre arakai iniane.”

Yuhani 13:32

Kudra lrigu ki Twaumase pangwakainga ki Lalake ki Umawmase paathingalane, lalri ngikakamani paathingalane ku lrigu ki Lalake ki Umawmase, si lai makakaai lrigu iniane.

Yuhani 14:3

Lu katwasenga naku pasikai numiane padulru ku taikaiyane, lri kainganai naku ngusela, si malramalra numiane mwa nakwane, pakai ku ataelreane numi nakwane ikai kwini.

Yuhani 17:24

“Ama! Kwini ki lalasu wabaaingasu nakwane; lu ikainwaku, ani taelre nakwane ikai kwini, pakai ku adrelane lini ku baaisu nakwane ku lrigu, asi lwiyane sakaiyana bekace kawmasane, kialibakengasu nakwane.

Tapelane Drekase 27:26

“ ‘Ku kai paluludu ku hulrice si sabulrwane ki Twaumase, lri kipusu ki Twaumase.’ “Ku mapapangale lri tubalre, ‘Amingi!’ ”

Nipadrelane 7:10

Kwi lalasu la akwadrau tawtau iya kai, “Ku sapalribulane twalai ki wanene ikai ki taetalane, ka Twaumaseta si Lrulai ka Kiu, kainganai!”

Nipadrelane 7:9

Sakabilrilinga, wadrelaku, ala ka laumawmase tathathatha, kai asipane ku tatathane. Kwi lalasu twalai ki lakuni, ki cacekele, ki laminzuku, ki makaelaela ku vaga kainganai, si acegecege makanaelre icucubungu ki taetalane si Lrulai ka Kiu, la silaimai ku lrawlrapungu, si ecenge ku ricingi ki abare.