Nipadrelane 21:3 - Ngudradreadrekadhane Ka Sisiu 魯凱語聖經

³ Kialalraku ku akwadrau ku lingau ku twalai ki taetalane, ku amia kai, “Ku daane ki Twaumase yakainga kawmasane! Lri taelrenga ki umawmase, kwi lalasu lai lri kisumawmasenga iniane. Ku Twaumase lri ngikakamaninga ikai tapalra liniane, lri a Twaumase liniane.

Nipadrelane 21:3 Cross References

1 Latalialalai 8:27

“Twaumase, patenganesu ka lri ikai kai ki kadaengane? Adravane ka kadrwa ku talikaiyane ka subelebelenge kai lri makakelrete lu ikaisu, sikamanianenga kikai tudaaneli kai daane ki Twaumase?

2 Lacaili 6:18

“Twaumase, lrika patenganesu ka lri ikai kai ki kadaengane? Si ikai kai ki umawmase? Adravane ka kadrwa ku pagisane ka subelebelenge kai lri makakelrete muswane, sikamanianenga kikai pasikaili muswane tudaane kai daane ki Twaumase?

Takatwasane Izipiti 25:8

Ku mapapangale lri pasikai nakwane tudaane ku Alrivilrivi ka taikaikaiyane, la nau ikai liniane.

Takatwasane Izipiti 29:45

Lri ikaiyaku ki mapapangale ki swa Iseraylri, lri a Twaumasaku liniane.

Isaiya 12:6

Ku yakai Ziyungu ku laumawmase lri kiraragai senai makanaelre; ku saniange ka Twaumase ki swa Iseraylri saniangelriinga! Ku Twaumase yakai ki laumawmase ka swa Iseraylri.

Yerimia 31:33

Ku bavane ka samakaketeketaneli ki swa Iseraylri miyaiya kai: Ku hulriceli lri pikaiyaku ki tuku lini, pacase pikai ki belenge ki kidremedreme lini. Lri a Twaumasaku liniane, kwi lalasu lai lri akawkawlu nakwane.

Yerimia 32:38

Lukamaninga kwidra kwi lalasu lri akawkawlunga nakwane, lai lri a Twaumasaku liniane.

Izikile 37:27

Lri ikaiyaku taelre liniane. Lri a Twaumasaku liniane; kwi lalasu lai lri akawkawlu nakwane.

Izikile 43:7

Amia kai, “Lri tara kawlrau ka umawmase, kikai taikaiyane kai yai taetalaneli; lri ikaiyaku ki swa Iseraylri, si kapalralrawthunga rathudu liniane. Ku swa Iseraylri si latalialalai lini kai lri sukubunga ki lasamiamiange lai kai lri cegecegenga ku nagane ki wapacainga ka latalialalai tusinalreme ki saniange ka naganeli.

Izikile 48:35

Ku balingibingi ngithalringulu ki cekele ku lragiane 9,000 ka mituru. Twalainga kaikameane, kikai cekele lri ki pasi, “Ku Tamatama yakai kai”.

Zakaria 13:9

Ala kwini abalu si panianiake ka taingeea ikai ki taitulrwane, lri kilrialringavaku, kwi lalasu lai kabula, mia ki gingi ka kiathalethale ki apwi. Lri kilrialringavaku liniane, mia ki kialrialringau ki kingi, kwi lalasu ala lri papia nakwane inulri, lai lri kilalraku. Lri pelaelaku liniane, kwi lalasu lrika kawkawlungali; kwi lalasu lri pelaela pathingale, kunaku ka Tamatama amaniaku ku Twaumase lini.”

Zakaria 8:8

patwalai tali talrawane tali talriwgane ki vai alra ililuku liniane pasiwlri, la paikai liniane ka Yerusalrime. Kwi lalasu lri kamani ku kawkawluli; lai lri a Twaumasaku liniane, si arakai ku kapatengatenganane, si aparamaramavane rathudu liniane.”

Yuhani 1:14

Ku Vaga aumawmase, si ikai mitane, la suete ku sakialibake si patengane ka sabulrwane. Wadrelengata ku lriguini, kikai lrigu ala amani ku alrane ki beraberathane ka Lalake ki Tama.

Yuhani 14:23

Ku Yesu la tubalre, “Ku kialibake nakwane lri thingale si makitu paluludu ku vagali. Ku Ama lri tara kilibake iniane, si ku Ama si kwaku lai lri mwa nai iniane kwini, si taelre iniane.

2 Kurintu 6:16

Ku daane ki Twaumase si samiamiange pikakwa tara acegecege? Amanita ku mabula ka daane ki palralrawlrawthu ka Twaumase. Mia ku taiyane ki Twaumase kai: Lri taelreaku ki umawmaseli, si ikai liniane masasawlriwlri. Lri a Twaumasaku liniane; lai aumawmase nakwane.

2 Kurintu 6:18

Lri a Tamaku numiane; lai ka lalalakeli numiane. Kikai vaga yai amaniaku ka sapupukuanenga ka Tamatama ka amia.

1 Tisaruniki 3:11

Ku Twaumase ka Tamaita si Tamatamata ka Yesu ani kamani ku swadalrane, la nai dulru mwa numiane kwini.

Hiburu 11:16

Kudra akulikuli lini amani kudra mathaithariri ka cekele ibelenge, la kamani, ku Twaumase kai ngwalai ku ta si Twaumasane lini iniane si kalrumale, asi lwiyane padulrunga pasikai liniane ku vaeva ka cekele.

Hiburu 8:10

Ku Tamatama la iya kai: Lubibilrili, lri kiketeketaku ku miyaiya kai ki swa Iseraylri: Lri pikaiyaku ki lusu lini ku hulriceli, si pacase pikai ki kidremedreme lini. Lrika Twaumasaku liniane; kwi lalasu lai lri akawkawlunga nakwane.

Hiburu 8:2

La ikai ki Alrivilriviilrivinga ka taikaikaiyane kipuawngane ka abebeelengenga ki barakalai, kikai Alrivilrivi ka taikaikaiyane kaika tudaane ki umawmase, paacegecege ki Tamatama ka patengane ka Alrivilrivi ka balrawbau.

Nipadrelane 10:4

Nau pacase ku taiyane ki pitu ka dreredrere iyaku, yakai ku lingau ku twalai belenge kainganai, si iya kai, “Kwi taiyane kawriva ki pitu ka dreredrere, madha paucale kikai niseketane, madha pacapacase!”

Nipadrelane 10:8

Sakabilrili, la kilalraku kudra aswalaala ku twalai belenge ku lingau amianga kai nakwane, “Lu katwasa, si malra pwakai ku ecenge ki acegecege ikai ki laveke si daedae ka sasiakawlu belenge ku nipaipadhane ka nibalrubalrulane ka hungu.”

Nipadrelane 12:10

La kilaalranga naku ka belenge yakai ku akwadrau ku lingau iya kai, “Kikai asasane amani ku apalribulane ki Twaumase! Ku Twaumase pwataluvaivainga paadrelane ku lrekeme si sarathudaneini; ku cegecegeini ka Kirisitu la mialri paadreelane ku lrekemeini. Kudra piavaiyane pimaungu icucubungu ki Twaumase si kukusu ki laretesaneta, twalainga ka belenge kiverevere pulebe.

Nipadrelane 21:7

Ku pamalebe ku umawmase lri dulru tarumara kilakikai, amani kai: Lri a Twaumasaku iniane; kwi lasu lai alalake nakwane.

Nipadrelane 22:3

Ikai adringi ki cekele kadrwanga ku pusu ki Twaumase. Ku taetalane ki Twaumase si Lrulai ka Kiu lri ikai adringi ki cekele; ku lasasiakawluini lai lri sukusukubu iniane makanaelre.

Nipadrelane 7:15

Ngwalai kai, kwi lalasu acegecege icucubungu ki taetalane, si pivai pimaungu ikai ki daane ki Twaumase kawaungu pasikai iniane. Kwini wanene ikai ki taetalane ka Twaumase lri ngikakamani palribulu liniane.