Nipadrelane 20:4 - Ngudradreadrekadhane Ka Sisiu 魯凱語聖經

⁴ La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.

Nipadrelane 20:4 Cross References

Daniele 2:44

Kudra warathudu lu icengecengeana itaetalane, ku Twaumase ka yabelenge lri cegecege ku vaeva ku kadrwa ku alikaiyane ka kuni. Kikai kuni kai lri kipamalebe lutumane, lri amudulringa kamani ki sanaka kuni lai lrika palralrawthunga ikai.

Daniele 7:18

Ai ku kawkawlu ki Abebeelengenga ka Twaumase lri tarumara ku kindri ki talialalai, lri ngipapikai kikai kindri ki talialalai, pakela lu palralrawlrawlrawthu.”

Daniele 7:22

Sakabilrilinga, la kela kudra yakai palralrawthu, si pusakai ki kawkawlu ki Abebeelengenga ka Twaumase. Ku atarumarane ki kawkawlu ki Twaumase ku kindri ki talialalai wakelanga.

Daniele 7:27

Ku kawkawlu ki Abebeelengenga ka Twaumase lri tarumara ku puku ki kawmasane ki lakuni; ku kindri ki taatalialaladhane lini lri kai kaelanga, ku latararathudu ki kawmasane lai lri kauawngunga pasikai liniane, si pasalaladha liniane.”

Daniele 7:9

Sa icengecengaku dredredrele, wadrelaku ku piya ku nipikaiyane kwini ku taetalane. Kudra yakai palralrawthu wanene ikai kwini ki vaeva ki lataetalane. Ku laimaini mia ki pasabu ku bulane, ku isiu mia ki ubale ki kiu ku lrapungane. Ku taetalaneini yai wakelrakelrakelrabe ka apwi, swatelrai ikai belenge ki madrareeange ka apwi ka palridingi.

Malaki 4:5

“Ai, sakaiyana kela kudra matiaukuludru ka vai ki Tamatama, lri sikawlaku ki yuginsia ka Ilria pamwa numiane kwini.

Matai 19:28

Ku Yesu la iya kai liniane, “Nau pelaela numiane, ikai lukabibilrili ki bavane ka zidai, ku Lalake ki Umawmase lu nene ikai ki lrigu ka taetalaneini, kunumi ka twapapapalra nakwane ka umawmase lri nene numi ikai ki tai 12 ka taetalane, si saibange ki swa Iseraylri ka tai 12 ka zuku.

Matai 24:10

Lri takaalra ku umawmase ku lri cilri ku salrwane lini, si lri makilangalangai, makababadha;

Maruku 6:16

Ku Hirudi sa kilalra kikai lavaga, la iya kai, “Kwini lasu amani kwidra kia pakavathale nakwane ku awlru ka tarapabanau ka Yuhani, kwini lasu sielanenga panianiake!”

Maruku 6:27

Ngwalai kikai kwi lasu la makakaai drekase ki tarakadrekadrenge ka kwapingi lu malra ku awlru ki Yuhani si kainganai iya. Ku kwapingi la katwase, mutaememengane, si vathale ku awlru ki Yuhani.

Maruku 9:11

Kai lalasu la kivagana ki Yesu, “Ani iya kai ku latarabulrubulru ki Sisiu lri tara aswala ku Ilria kela?”

Luka 1:17

Lrika amani ku aswala ki Tamatama, ka makeecenge si sapukwane, mia ki yuginsia ka Ilria. Lrika amani ku twapela pakakadalru ki marudrawdrange si lalalake, si pasiwlriwlri ki wabaebaebalre ka umawmase, si pangukakai ki kadalranane ki madringelrese si malrigili; lri paralubu ki umawmase pakidredresenge ki Tamatama.”

Luka 14:14

lu piasu kai, yakainga ku akaesadhanesu, asi lwiyane kwini laumawmase kadrwa ku puku lini pangibilri muswane. Ala kudra luka tasielane ki madringelrese ka umawmase, ku Twaumase lri ngikakamani pangibilri muswane.”

Luka 22:30

Kunumi lri ikai numi ki kunili si kibalrubalrulu nakwane kanekane ungungulu, si lai nene numi ikai ki taetalane si saibange ki swa Iseraylri kudra ki tai 12 ka zuku.”

Yuhani 14:19

Lri kai tarathainunga, kai yakawmasane lai kai lri maka drelenga nakwane; ai lri drele numi nakwane, si ngwalai ku tapanianiakaneli, lai lri mialri numi panianiake.

Ruma 11:15

Alaiyasi kicilri kwi lalasu la makakadalru kai yakawmasane ki Twaumase, kudra lalasu lu kitarumaranga, ku wapacainga ku umawmase kai lri malranga ku niake?

Ruma 8:17

Kudra lalalakengata ki Twaumase, lri kisupilrita kudra akaesadhane ka padulrudulru pasikai ki laumawmaseini ki Twaumase, lai lri kathadalranengata ki Kirisitu kisupilri ku pasikai ki Twaumase iniane; asi lwiyane, sana kivalata siamece ku sakwalrialri ki Kirisitu, lri kisupilrita ku lriguini.

2 Timuthi 2:12

Alaiyasi patulrepengeta kiadili, lri dulruta tupapalra iniane magagemegeme ku puku. Alaiyasi kaita thingale iniane, lri kai thingale mitane.

Nipadrelane 1:2

Ku Yuhani la pelaela liniane makanaelre ku dreleini, si akasi pasikai ki vaga ki Twaumase si kudra ki patengane ka sabulrwane ka pelaela ki Yesu Kirisitu.

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 11:11

Lu ngilribatenga ki makatulrulu si apararamau, ku la yakai ki niake lri twalai ki Twaumase kainganai, si mu adringi liniane, kwi lalasu lai lri acegecege; ku wadrele ku umawmase lai lri ngituluku kathathiburu turamuru.

Nipadrelane 11:15

Ku mwasakapitu ku sasiakawlu belenge sangirapa, ka belenge la ikai ku akwadrau ku lingau iya kai, “Ku maadrau ka puku ku sarathudane ki lepawngane Tamatamanengata si cegecegeini ka Kirisitu; Kwi lasu lri magagemegeme ku puku, kai lri kaelanga palralrawthu!”

Nipadrelane 11:3

Lri sikawlaku ku tadrusa ku sialaimai ku kaimadhane ku lri akasi; kwi lalasu lri pelaela ku vaga ki Twaumase tara 1,260 ka vai.”

Nipadrelane 11:7

Kwi lalasu sapelaelanga ku vaga ki Twaumase, kudra kaiyanganai twalai ki valrulrange ka waudriwdripi lri kikaruburu liniane, lai pamalebe liniane, si lri papacai liniane.

Nipadrelane 12:11

Ku laretesaneta ngwakainga ki erai ki Lrulai ka Kiu si tapelaelane lini ku patengane ka sabulrwane si pamalebenga ki baralebale; kwi lalasu pakeela ku walreme ngiacacilri ku niake lini.

Nipadrelane 14:11

Kudra pakiangeangeange liniane ka ebelre lri palralrawthu kai idrengere ku atuebebelrane. Kudra la wasukubu kwini ki waudriwdripi si waudriwdripi ka samiamiange, si kudra tarwamaranga ku sapatuthingalane ku naganeini, kai lri kasulivatenga pivai pimaungu.”

Nipadrelane 15:2

La dreeleanaku ku mia ki garase ka laveke, kiaibu ku apwi. La mialria naku drele ku laumawmase; kwi lalasu pamalebenga kudra ki waudriwdripi, si tinuwaudriwdripane, amani kwidra niarakaiyane ku asipi patukamani ki nagane ka laumawmase. Kwi lalasu acegecege makanaelre ithili ki garase ka laveke, si ecenge ku baai ki Twaumase liniane ka patungutungu,

Nipadrelane 17:8

Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.

Nipadrelane 2:26

Kudra pamalebe, la dulru pacuungulu paluludu ku drekaseli ku umawmase pakela ki abibiilrilinga, lri baadhaku iniane ku lrekeme, mararamau ku baai nakwane ki Ama; lri baadhaku iniane ku lrekeme lai rathudu sanaka kuni, lri arakai ku adreme ka ukudru rathudu liniane, mia lu cwake ki dilrungu pakatatuthiri liniane. Lai lri baadhaku ku sapakataleare ka tariau ki pamalebe ka umawmase.

Nipadrelane 20:6

Kudra la yakai ki aswalaalanga sielane panianiake ku umawmase yai mabula ka lri kaesai! Ku saka kingipusale pacai kadrwa ku kingidri ruthuku liniane; kwi lalasu lri abarakalai ki Twaumase si Kirisitu, lri taelre ki Kirisitu atalialalai tara kudrulu ka caili.

Nipadrelane 22:5

Ikai kwini lri kai ikainga ku dradrimitane; kwi lalasu lai kai murikainga ki ledra ki tinaki si ledra ki vai, asi lwiyane ku Tamatama ka Twaumase amani ku ledra lini. Kwi lalasu lri atalialalai si rathudu, pakeela apalralrawlrawthu.

Nipadrelane 3:21

Kudra pamalebe ku umawmase, lri baadhaku iniane ku maelane ka puku, lri taelre nakwane nene ikai ki taetalaneli, mia nakwane ka pamalebenga, kaiasasane tadrusa nai nene ki Ama ikai ki taetalaneini.

Nipadrelane 4:4

Ku ngiathalringulu ku lataetale ki taetalane 24, la ibelenge nene ku ta 24 ku laciwru, si silaimai ku lrawlrapungu, la sitalrupunu ku kingi ka pagamucu.

Nipadrelane 6:9

Ku Lrulai ka Kiu sa mucaebe ku mwasakalrima ku hange wadrelaku ikai tailebe ki tapatarumaramarane yakai kudra laabake ki nangwakai ku tapelaelane ku vaga ki Twaumase, pakaelre ku kidremedreme pathingale si kipapacai ka umawmase.

Nipadrelane 7:3

“Madha kabebebetethe ki kadaengane, laveke, si angatu, nai paaswalana puhange pikai ki punu ki sasiakawlu ki Twaumase.”