Nipadrelane 2:10 - Ngudradreadrekadhane Ka Sisiu 魯凱語聖經

¹⁰ Madha ukulukuludru ku lrika akipadradresenganesu ku akwalriane. Drela! Lri kilrialringau numiane kwi Akema, lai malra patwalai numiane ku tapiya ku umawmase si pwadringi ki takiememengane; lri kipakwalri numi ku minaka mangealane. Kapatengatengana kwi kidremedremesu pakela ki wapacai, la nau baai muswane ku civare ki niake.

Nipadrelane 2:10 Cross References

Lasenai 31:23

Patengatengaane ka kawkawlu ki Tamatama, musakena kilibake ki Tamatama. Ku Tamatama palakebe ki masalru kapatengatengane ka kawkawlu, la pangicaeme pathavungu ki ngiakalrilrigu ka umawmase.

Silringau 3:57

Twabalrengasu nakwane, si pelaela nakwane madha kakiwcu iya.

Daniele 1:12

si iya kai iniane, “Pakaana naiane ku lalacenge si paungulu ku marenge, palalavaana, lu maka mangealenga ala apadredrela naiane kudra ki lawakanekane ku akaneane ki yakai ki daane ki talialalai kudra ki layacengecenge, ala singikaiyanga ku tadrelanesu si pangimia!”

Daniele 1:14

Ku tarakadrekadrenge palraingi liniane palalava maka mangeale ku vai.

Habakuke 2:3

Kusu malra pacase, asi lwiyane kudra lrika angimiane ka vai kaiyana wakeela. Ai lri padaalrunga si kela ku vai, ku pelaelali muswane lri padaalrunga si ngimia. Ani ngiabalainga alau lri iyasu, ai mukalavaa, lri tara ngimiya, si lai lri kai pwigananenga.

Matai 10:22

Ngwalai nakwane kai laumawmase lri kalisi numiane; ai kudra maka kiadili patulrepenge ku umawmase lri tara kipalribulu.

Matai 10:28

Kudra wadulru papacai ki kinawmasane sikakathane, lai kai lri dulru papacai ki abake, madha mukulukuludru; ku amukuludrane amani ku Twaumase, kathane ku lri dulru alra ki beate si abake cilri pwa swadriadringi.

Matai 24:13

Ai, ku maka kiadili patulrepenge ku umawmase lri tara kipalribulu.

Maruku 13:13

La lri ngwalai nakwane, ku laumawmase lri kalisi numiane. Ai kudra maka kiadili patulrepenge ku umawmase lri tara kipalribulu.”

Maruku 8:35

Asi lwiyane kudra kiasanu ngipapalribulu ku niakeini, lri sakaciilrilringa ku niake; kudra pasiakai nakwane si pasikai ki hukuingi cilri ku niakeini, lri maalralringa ku niake.

Luka 21:12

Ai paswala ki angimiane kilakikai, lri kipwalra numi si kihakegai; ku umawmase lri malra iluku numiane baai purarubwane ki swa Yuda pakisaibange, lai lri pakiemenge numiane. Ngwalai nakwane, lri kililuku numi pucucubungu ki talialalai si tararathudu.

Yuhani 12:25

Kudra ngiatataulra ku niakeini, lri sakacilri ku niake; ala ku palraingi ngiacacilri ku niakeini ikai kai kawmasane, lrika amaanilringa ku magagemegeme kikai niake pakela palralrawthu.

Yuhani 13:2

Ku Yesu si situini sa tukwauawbu, ku aidridringane yakainga ki kidremedreme ki Yuda ka swa Isekaliwte ka lalake ki Simune, kai lasu la kalrithethenga ku akilangadhane ki Yesu.

Yuhani 13:27

Sa tarumara ku Yuda ku pange, ku Satange la muadringi ki kidremedremeini. Ku Yesu la iya kai iniane, “Lu kirimwa pia, ku lrika apianesu!”

Nisikawlane 20:24

Ai, pakai ku atulrepengane ku kipuawnganeli, si pangimia ku baai nakwane ki Tamatama ka Yesu ku awngane, amani ku apelaelane ku hukuingi ki migemi ki Twaumase yai, kainaku ngiatataulra kai niakeli.

Nisikawlane 21:13

Ai, ku Pawru amia kai, “Kunumi anungitha mia kikai tubi, pakasuburu ki kidremedremeli? Ngwaladhaku ki Tamatama ka Yesu, ani ikaiyaku Yerusalrime kikerenge, ani ikaiyaku kwini pacai akiragadhaneli.”

1 Kurintu 9:25

Sanaka tara lailailai tara kiasamula kicawcakwane, pakai ku amalrane kwini lri kalisi ka pagamucu; ai ku urikaikaita amani kwidra kai lri kalisi ka pagamucu.

Ipisu 2:2

Sakamani kwidra, twapapalra numi kai ki ngialisiane ka kakudhane ki kawmasane, si pasalaladha kai ki magagemegeme ki ngwababelenge, amani kai marasiakai ruthuku kudra ki lakiaecebe ku drekase ki Twaumase ka ngialisiane ka ri.

Ipisu 6:12

Asi lwiyane kaita ka lri kiecebe ki yakai ku erai ku beate ka umawmase, amani kwidra ngwababelenge ka aidridringane, amani kikai ki madradrimiti ka zidai, ka magagemegeme ku puku, kai puku ki yakai kai ki kiacaebe belenge ka ngialisiane ku akikaruburaneta.

Yakubu 1:12

Ku kiakituthiathingale si maka kiaadili patulrepenge ku umawmase lri kaesai; asi lwiyane lu ngilribate ku takikilrialringavane, kwini lasu lri tarumara ku nipalrainganenga ki Twaumase ku civare ki niake.

1 Pitiru 5:4

Lukamiyaiya kai, lu kelaanga ku Tamatama ki taraagu yai, lri tarumara numi ku lrika palralrawthu kai kaelanga ku talikalikathane ku pagamucu.

1 Pitiru 5:8

Kipapawlringava padulru, kwidra badha numi ka Akema mia ki raiyungu girigiringi masasawlriwlri dadavace, silasilape ku alredaneini ku umawmase.

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 13:2

Ku dreleli kwini waudriwdripi mia ki vaeva ka lrikulau; ku drapale mia ki drapale ki cumai, ku ngudui mia ki ngudui ki raiyungu. Ku baralebale la malra ku pukuini ku taetalane ku takatalialaladhaneini si maadrau ka lrekeme baai patuelre kwini ki waudriwdripi.

Nipadrelane 13:7

Kwini waudriwdripi kiapalraingi ku akikaruburaneini ki umawmase ki Twaumase, si pamalebe liniane; la kibaai ku puku ku aerecane ki cacekeceekele, ki laminzuku, ki lakuni, si lamakaelaela ku vaga ka umawmase.

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 2:13

Wathingalaku kwi taikaiyanesu amani ku tagemegemane atalialalai ki Satange. Tengatengane kwi kidremedremesu papia nakwane, adravane kipapacai ku taraakasikasi nakwane ka Anetipase ikai ki taikaiyane ki Satange, kaisu wacilri ku salrwanesu papia nakwane.

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!