Nipadrelane 18:4 - Ngudradreadrekadhane Ka Sisiu 魯凱語聖經

⁴ La kilalraku ku taingeane ka lingau ku twalai belenge ku amia kai: Ulatadra, ka laumawmaseli! Twaladha kwini ki cekele si kainganai ulatadre! Amani lu kisacepe numi kilrinini kwi pasalrisalriuini, si kivala ku amatikurwaneini!

Nipadrelane 18:4 Cross References

Tabekacane 19:14

Ku Lute la katwase silape ki siasilangane ki lalakeini ka ababai, pelaela liniane iya kai, “Kirarimwa katwase, ku Tamatama lri amudu kai ki cekele.” Ai kwini lalasu parwarwaruthale amiamia iniane.

Lasenai 50:18

Lu kipadradresengesu ki sadre la sitalragisu liniane; si taelrelre ki wacapange ka umawmase.

Isaiya 48:20

Bwala twaladha Babilunia mubere! Ngilralrainga katwase! Akwadrava pelaela kikai mathariri ka vaga; mwa kidrwadrwadruanga salraelre pelaela: Ku Tamatama palribulunga ki sasiakawluini ka swa Iseraylri!

Isaiya 52:11

Katwasa, kirarimwa katwase Babilunia! Ku wangeale ku lalawbubulu ki daane ki Tamatama ku laumawmase, madha pungupungupungu ki kaika mabula ku lamanemane; lu katwase numi katakabulana.

Yerimia 50:8

“Swa Iseraylri, twaladha Babilunia mubeere! Kisaswarava katwase mawbebere kwini!

Yerimia 51:45

Swa Iseraylri! Kirimwa mubere kikwini! Mubera, mubera ki lisianeli!

Yerimia 51:50

Ku Tamatama amia kai ki yakai Babilunia ka swa Iseraylri, “Malrabuthunga numi ki apacadhane, kaiasasane lu kirarimwa katwase, madha ukalavanga! Adravane ka wadailinga numi ki cekele, ai kunumi ngulringavaili ka Tamatama numi, si kabarengere Yerusalrime.

Yerimia 51:6

Mubera, kirarimwa katwase Babilunia! Madha tupapapalra ki pasalrivaneini kamudu. Asi lwiyane kaiasasane yacengecengaku singikaikai ku naika akibilriane ki swa Babilunia pathavungu iniane.

Yerimia 51:9

Ku yakai Babilunia ku maelane ka kuni ku laumawmase amia kai, ‘Tasulrau pawdringai amiamianga naai iniane, ai ngiabalainga. Kikai asasane ila takatwasenga, siwlri mwa ki ceekeleta! Asi lwiyane ku Twaumase pakaelrenga ku pukuini pathavungu ki swa Babilunia si pakisaalrunga amudu iniane.’ ”

Matai 23:30

si la iya kai, ‘Alaiyasi panianiaketa ikai ki zidai ki cucungulaneta, nai kaita pakela ku ngialrau liniane pia kwidra papacai ki yuginsia.’

2 Kurintu 6:17

Ngwalai kai ku Tamatama la iya kai: Kunumi yai katwasa liniane, twaladha liniane kainganai kitukudha, madha kisaelaela ku kaika mabula ku lamanemane, la nau tarumara numiane.

1 Timuthi 5:22

Madha cacaapange ansu ki palrapalra, madha mwamwa kipaelre ki pasalrivane ki palrapalra, ngilalakeba ku bulanesu.

2 Yuhani 1:11

asi lwiyane lu kikawriva numi liniane, lrika kiaredelanenga numi ikai ki ngangane lini.