Nipadrelane 17:3 - Ngudradreadrekadhane Ka Sisiu 魯凱語聖經

³ Kiavelevelaku ki Siri, ku sasiakawlu belenge la malra ililuku nakwane pwa ubulane. La drelaku ku tangea ku ababai ku ngwarigirigi ki vaeva ka duduli ka waudriwdripi; kwini kinawmasane ki waudriwdripi la suete ku pinacasane ku satudreadreadrekasane ka lanagane, la tupitu ku awlru si mangeale ku lawngu.

Nipadrelane 17:3 Cross References

1 Latalialalai 18:12

Lwiyasi ku Ri ki Twaumase lu katwasengaku la malra muswane pwa ki talidrumane ki takilelepengane, laka peaelaelangaku ki Ahabe ka yakaisu kikai, lu kai kidringai muswane, lri tara papacai nakwane. Singika vavalakaku kisamula musakesakene ki Tamatama.

2 Latalialalai 2:16

si iya kai, “Kawvai nai ka tamalrimale, idrepele ka sapukwane; ala nai mwa silape ki tawkisu, alau wamalra ku Ri ki Tamatama si iluku iniane, si pikai iniane kavai lregelrege valrwalru.” Ku Ilrisa la tubalre, “Ini, kunumi madha mwamwa!”

Senai 8:5

Kavai mararake ki kadalameini si twalalai calragulragu udradhadradha kainganai yai aneane? Ikai tailebe ki pinku ka angatu, waaceacaku muswane. Ikai kwini, ku tinasu ngwalai muswane kiangeange; ikai kwini, ku tinasu twalalake muswane.

Izikile 11:24

Ikai ki maburusi, ku Ri ki Tamatama pwabelenge nakwane, si iluku nakwane mwa kudra tamwane acaicali ki lasakacekele kavai Babilunia. Ala kawlrau kwini maburusi.

Izikile 3:12

Pacungulu, ku Ri ki Twaumase waciliki nakwane, la kilalraku ilrilrikudru nakwane yakai ku waguruguru ku lingau ku amia kai, “Drengedrengera ku lrigu ki Tamatama ka yabelenge!”

Izikile 8:3

Kwi lasu la sege ku vaeva ku mia ki alrima, si taisiu nakwane. Pacungulu, ikai ki maburusi, ku Ri ki Twaumase la alra nakwane pwa ka belenge, si ililuku nakwane mwa ka Yerusalrime. Kwi lasu waililuku nakwane mwa ki daane ki Twaumase tali dradha ki lrawlrawdru tali daane kalatadrane ki samamudaane. Ikai kwini yakai ku vaeva ku wagirimucu ki Twaumase ku samiamiange.

Daniele 11:36

“Ku talialalai ki swa Siria lri ngilralraaingi ku apiane, si ngikalrilrilrigu ka sanianiange ki sanaka twaumase, ka walriibate ki sanaka twaumase ka Twaumase. Kwi lasu lri pacungulu pia kikai ngikarakacane pia sanaka manemane, pakeela ku tapathavungane iniane ki Twaumase ka vai. Ku Twaumase lri tara pangimia ku kikakeini, kai lri akabalrithi lutumane.

Daniele 7:20

La mialriaku apithingale ku pacugane kudra yakai belenge ki awlruini kudra mangeale ka lawngu si wacebe sakabilrilane ka tikiyane ka lawngu, la malra tuluthu kudra ki drumane ku tulru ka lawngu. Kwini tikiyane ka lawngu yakai ku maca si wadulru tuadrau lu kawriva ka ngudwi, athingalane ka matikikiwcu ki drumane ka lawngu.

Daniele 7:25

Kwi lasu lri palribate ku vaga, si kiecebe ki Abebeelengenga ka Twaumase, si tulilisi ki kawkawlu ki Twaumase. Kwi lasu kiadremedremedreme ku apakabalrithane ki lahulrice ki takisuswane si latatulrisilrisiane. Ku kawkawlu ki Twaumase lri kirathudu iniane taratulru ka caili si apararamau.

Daniele 7:8

Sa icengecengaku dredredrele kilakikai lawngu, kudra kabicelrakane ki lalawngu wacebe ku tikiyane ka maelane ka lawngu; kikai tikiyane ka lawngu la malra patwalai ki mangeale ka sakwa ikaai ka lawngu akucu ngutulru. Kikai tikiyane ka lawngu yakai ku maca ki umawmase si vaeva ka twaadrau turamuru lu kawriva ka ngudwi.

Matai 27:28

Kwini lalasu la mwalra ku laimai ki Yesu, si pasilaimai iniane ku duduli ka palimemelre,

Nisikawlane 8:39

Kwini lalasu sa ubelenge twalai ki acilai, ku Ri ki Tamatama la malra iluku ki Pilripi, la kai drelenga iniane kwini mabelenge, kwi lasu la pacungulu ukadalranane katwase, si suete ku sakiaragai ki kidremedremeini.

2 Tisaruniki 2:4

Kwini tarapasalrisalriu ka umawmase lri baebalre patuelre kudra ki kiatu twaumase si la kiasukusukubu ki umawmase, si lalri ngitatu abelenge ka sabebeelengenga sanaka maneemane, si la pakeela ku wamwa nene ikai ki daane ki Twaumase, si ngitatu Twaumase.

Nipadrelane 1:10

Yakai sakavai ki Tamatama, ku Siri la suete nakwane, la kilalraku ku akwadrau ku lingau, mia ki lingau ki ngiarapapa, kudra yalrilrikudru nakwane la iya kai nakwane kawriva:

Nipadrelane 12:14

Kwini ababai la malra ku drusa ka maadrau ka paridi ki adrisi, lri dulru ngipalai muubulane, mwa ki taikaikaiyaneini. Ikai kwini, lri kisirapale taratulru ka caili si apararaamau si kai kikace ki sulrau.

Nipadrelane 12:3

Kai belenge la adrelaneana ku vaevanga ka matiasamaimali ku tangimiane: Yakai ku vaeva ku duduli ka maadrau ka baralebale, twapitu ku awlru, laka mangeale ku lawngu, ku awlru la sipagamucu ku pagamucu ki talialalai.

Nipadrelane 12:6

Kwini ababai mwabere muubulane, wamwa kudra padulru ki Twaumase pasikai iniane; ikai kwini, kwi alisu la kisirapale tara 1,260 ka vai.

Nipadrelane 17:18

“Kwini drelesu kwini ababai amani kudra warathudu ki latalialalai kawmasane ka maadrau ka cekele.”

Nipadrelane 17:4

Kwini ababai sialaimai ku thilalatadhane ka duduli ka laimai, si pasuete ku sangiragelanane ku kingi, tinukucingalrane ka lrenege, si sisilu. Ku alrimaini la ecenge ku kupu ka kingi, ki kupu paswaete ku apairairairangeini ka lamatialrase kakudrulru.

Nipadrelane 18:12

Kadrwanga ku umawmase ku lri langai ku kingi lini, si gingi, tinukucingalrane ka lrenege, si tinukucingalrane ka sisilu; lai lrika kadrwanga ku lri langai ku lalasare ka kaimadhane lini si lapaivavalri, la tinukucingalrane ka thilalatadhane si duduli ka makalrilau, si makaelaela ka sangwalreeme ka angatu, ka makaelaela ku tatulawbubulane ka valisi ki zu, ka latakuciacingalre ka angatu ka lawbubulu, si lriwlu, si adreme, si lrenege ka lawbubulu;

Nipadrelane 18:16

Kwi lalasu la tubi turamuru, si iya kai, “Kikai maadrau ka cekele! Matiangeange! Matiangeange! Kwi alisu natasilaimadhane ku lalasare ka kaimadhane, ku tinukucingalrane ka thilalatadhane si duduli ka laimai, lakingi, si tinukucingalrane ka lrenege, si sisilu ku tinukucingalrane tusangiragelanane!

Nipadrelane 21:10

Ku Siri la padrekadrekase nakwane; ku sasiakawlu belenge la iluku nakwane pwa ki abeelenge ka lregelrege, ku adrelaneli ku twalai ki Twaumase, twalai belenge kela mulebe ka Alrivilrivi ka cekele ka Yerusalrime.

Nipadrelane 4:2

Ku Siri la makakai sangiluku nakwane. La drelaku ku vaeva ku taetalane ka belenge; la ikai ku tangea ku wanene ikai taetalane.