Nipadrelane 15:4 - Ngudradreadrekadhane Ka Sisiu 魯凱語聖經

⁴ Tamatama, aneane ku lri lreme kai musakene si mukuludru muswane? Aneane ku lri kai drengedrengere ki naganesu? Kathaanesu ku amani ku sanianiangenga. Sanaka kuni lri kela makanaelre, si ikai cucubungu muswane sukubu, asi lwiyane ku takaungane ki dringelresanesu athingalanenga utaluvaivai.

Nipadrelane 15:4 Cross References

Lasenai 105:7

Amanini ka Tamatama, ka Twaumaseta; ku pukuini salraelre kai kawmasane.

Lasenai 111:9

Ku Twaumase palribulu ki kawkawluini, si kapalralrawthu ku kiketeketeini liniane. Saniange si matiukuludru!

Lasenai 22:23

Ku mwasakene mukuludru ki Tamatama ka umawmase, senadha drengedrengere iniane! Lamwabaibalrithi ki Yakubu, lrigwa iniane! Laumawmase ka swa Iseraylri, musakena mukuludru iniane!

Lasenai 22:27

Kai kawmasane sanaka kuni ani ngulringalringaunga ki Tamatama, si papia iniane tupapalra; sanaka zuku ani sukubu iniane.

Lasenai 22:3

Ai, kiamusakenesu ka amani ku sanianiangenga, amanisu ku drengedrengedrengere ki swa Iseraylri.

Lasenai 86:9

Ku bekacesu ku lakuni lri papia muswane pidruru sukubu; kwini lalasu lri senai drengedrengere ku takasanianganesu.

Lasenai 89:7

Ikaisu ki tayelrelreane ki latwaumase kiwsaesakenengasu; kiamusakenesu kiwkuludru ki ngiathalringulu ka latwaumase.

Lasenai 97:8

Tamatama, amani sapikaisu ku aparamaramavane saibange, ku laumawmase Ziyungu kiararagai; ku lacekele ki Yuda kiararagai.

Lasenai 99:5

Drengedrengera ki Tamatama ka Twaumaseta! Icucubunga ki taetalaneini sukubu! Ku Twaumase saniange matisalru!

Lasenai 99:9

Drengedrengera ki Tamatama ka Twaumaseta; ikaiya ki saniange ka lregelregeini sukubu iniane. Ku Tamatama ka Twaumaseta saniange matisalru!

Isaiya 24:15

ku swa talrawane ku laumawmase lri drengedrengere iniane; ku yakaikai babiabila ki laveke ku laumawmase lri drengedrengere ki Tamatama ka Twaumase ki swa Iseraylri.

Isaiya 25:3

Lakamani, ku magarange ka laumawmase lri drengedrengere muswane; ku cekele ki magarange ka kuni lri mukuludru muswane.

Isaiya 26:9

Luka maungu, lri kitubiaku muswane, pakaeelre kai kidremedremeli akuli muswane. Lu saibangesu kai kawmasane, sanaka umawmase ala lri thingale ka manemane kudra dringelresane.

Isaiya 45:23

Kawarivaku ku patengane ka sabulrwane, ku pukawnuli kai lri akabalrithi palralrawthu. Lri papiaku ki niakeli kiketekete: Sanaka umawmase lri papia nakwane guruthungane sukubu; ku ngudwi ki laumawmase lai lri kiketekete papia nakwane ku lri kaika akaelane ku kidremedreme.

Isaiya 57:15

“Kwaku ka sabebelengenga, ka saniange ka Twaumase; palralrawthaku ikai. Yakaiyaku ki abebeelengenga ka saniange, ai mialriaku ikai ki kiangeangeange ngitatasiwlriwlri si ngitatupela si ngiatatwalebe ka umawmase. Kudra ki ngiatatwalebe ku umawmase lri pasiwliwlianaku ku salrwane ku kidremedreme, ku kiangeange ngitatasiwlriwlri si ngitatupela ku umawmase lani malra ku sasiadradrama.

Isaiya 6:3

Kwi lalasu la matubaebaebalre iya kai: Sanianiangenga, sanianiangenga, sanianiangenga! Tamatama ka abebeelengenga ki sanaka kwapingi! Ku lriguini swaete kawmasane.

Isaiya 60:5

Wadrelesu kikai patuelre lri kai besere ku akiraragadhane; kwi kidremedremesu lai lri itituku ki sakiararagai. Twalai talikaiyane kavai ki laveke, ku kingi gingi lri mwaludru kainganai; ku tacekecekelane ki sanaka kuni lri mwamwa ki alrimasu kai kareteretege.

Yerimia 10:7

Talialalaisu ki sanaka kuni, aneane ku kai lri musakene mukuludru? Naika kiamusakenesu. Sanaka kuni ku ngiathingale si latalialalai kadrwa ku natangeeanga ku lri lribate muswane.

Yerimia 16:19

Tamatama, kusu yai pukuli si kepaleli; amanisu ku takilakebaneli lu matikurukurwaku. Sanaka kuni lri twalai kai kawmasane kidruanga kainganai mucucubungu muswane, si iya kai, “Ku cucungulane nai wasukubu ki kaika patengane ka latwaumase, si sukubu sikakathane ki kadrwa ku paluludane ka lasamiamiange.

Yerimia 5:22

Kwaku ka Tamatama nau kivaga numiane: Anu kai mukuludru musakene nakwane? Ikai cucubungu nakwane, anu kai ukuludru? Paswatelradhaku ki aenaenai tupagisane ki laveke, ku laveke kai lri maka lribate kai ki pagisane. Adravane ka lriau ki acilai ki laveke kai lri dulru lribate; ku bikabiki ki laveke kai lri maka buruku.

Husia 3:5

Lu ngilribatenga kai ki zikange, ku swa Iseraylri lri tupela siwlriwlri ku kidremedreme, si kisilape ki Tamatama ka Twaumase lini, lai lri siwlri mwa ki wacekecekele ki Davidi ka talialalai. Lu ngimia kai, lukabibilrili, kwi lalasu lri musakene mukuludru ki Tamatama, si tarumara ku makaalra ka pakalrevaini.

Habakuke 1:12

Tamatama, Twaumasengaasu twalai satau pathagili. Amanisu ku Twaumaseli, ka sanianiangenga, ka palralrawlrawthu. Tamatama ka tarapalribulribulu nakwane, wapilrisu ki swa Babilunia, si pakagarange liniane, pakai ku apathavungane naiane.

Zakaria 14:16

Lukabilrilinga, kudra la abalu si panianiake ku la kiakaruburu ki swa Yerusalrime kudra lakuni, lri picaili mwa kwini sukubu ki sapupukwanenga ka talialalai ka Tamatama, ka abebeelengenga ki sanaka kwapingi, si lai paluludu ku Talakangane ka lrisi.

Zakaria 2:11

Lukamaninga kwidra, lri takaalra ku kuni kulri papia ki Tamatama, si akawkawlunga iniane. Kwi lasu lri ikainga numiane, ala lri thingale numi ka siakawlu nakwane ku Tamatama ka abebeelengenga ki sanaka kwapingi mwa numiane kwini.

Malaki 1:11

Ikai kidruanga ku umawmase mwasaakene nakwane makanaelre. Kwi lalasu la ikai kiinunga papiapia nakwane lama ku sangwalreeme, si patarumaramara ku mabula ku lamanemane. Kwi lalasu mwasakene nakwane makanaelre ka Tamatama ka abebeelengenga ki sanaka kwapingi!

Ruma 15:9

laka thadaalrane ku adrengedrengerane ki sakamaelanane ka umawmase ku thalradhane ki Twaumase. Mararamau ku taiyane kai ki Sisiu: Ngwalai kai, lri ikaiyaku ki sakamaelanane ka umawmase drengedrengedrengere muswane; lai senadhaku ku naganesu.

1 Pitiru 1:16

Amia kikai kai Sisiu, “Kunumi kabula, asi lwiyane mabulaku.”

Nipadrelane 11:15

Ku mwasakapitu ku sasiakawlu belenge sangirapa, ka belenge la ikai ku akwadrau ku lingau iya kai, “Ku maadrau ka puku ku sarathudane ki lepawngane Tamatamanengata si cegecegeini ka Kirisitu; Kwi lasu lri magagemegeme ku puku, kai lri kaelanga palralrawthu!”

Nipadrelane 14:7

Kwi lasu akwadrau iya kai, “Usakena ukuludru ki Twaumase, si drengedrengere ku sanianganeini! Asi lwiyane wakelanga ku asaibanganeini ki umawmase. Sukuba kudra ki wabekace belenge, kadaengane, laveke, si sanaka berai ka Tamatama!”

Nipadrelane 16:5

Kialalraku kwidra taramarasikaikai ki acilai ka sasiakawlu belenge amia kai, “Sanianiangenga kunadruma si kaiasasane! Amanisu ku madringelrese ka tarasaibaibange.

Nipadrelane 16:7

La kilalra naku ku twalai ki tapatarumaramarane ku lingau ku amia kai, “Tamatama ka sapupukuanenga ka Twaumase! Ku tasaibanganesu tengatengaane ka madringelrese!”

Nipadrelane 19:2

Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”

Nipadrelane 19:8

Ku Twaumase wabaainga ki alisu ku lrawlrapungu si likaliikathe ku lalasare ka kaimadhane ka laimai.” (Kwi lalasare ka kaimadhane amani ki dringelresane ku tangivelevelane ki umawmase ki Twaumase.)

Nipadrelane 3:7

“Kusu tigamia si baai ki sasiakawlu belenge ki swa Piladilapia kiwkai, iya kai: “Kudra amani ku saniange si ka patengatengane, ka magagemegeme ku sawsi ki Davidi, sana muelebe kadrwanga ku umawmase ku lri dulru elebe, sana elebe ku lrawlrawdru la kakadrwa ku umawmase ku lri dulru muelebe, amia kai kawriva:

Nipadrelane 4:8

Kwini supate ka panianianiake ka waudriwdripi, eneme ku sapakepake lini makanaelre, ku taiadringane ku taibelengane swaete ku maca. Kwi lalasu la pivai pimaungu senasenai kai idrengedrengere iya kai: Sanianiangenga! Sanianiangenga! Sanianiangenga! Tamatama ka sapupukuanenga ka Twaumase, yakai sakanadruma, la ikai kaiasasane, lubibilrili lai lrika palralrawthu ikai!

Nipadrelane 6:10

Kwi lalasu akwadrau tawtau iya kai, “Sanianiangenga ka patengatengane ka magagemegeme ka Tamatama! Luiganenga lri saibangesu ki umawmase lebe, pusakai ku tatueraeradhane nai?”

1 Samuile 2:2

Kathane ku Tamatama ka sanianiangenga; kathaneini, kadrwa ku saniange. Ku Twaumaseta kathane ka tarapalribulu.