Nipadrelane 15:3 - Ngudradreadrekadhane Ka Sisiu 魯凱語聖經

³ La senasenai ku senai ki sasiakawlu ki Twaumase ka Musi si senai ki Lrulai ka Kiu iya kai: Tamatama ka sapupukuanenga ka Twaumase, ku takaunganesu ala matiasalru si matisamali turamuru! Talialalai ki sanaka kuni, ku kadalrananesu ala patengane ka mwalecege!

Nipadrelane 15:3 Cross References

Tabekacane 17:1

Ku Aberame satara 99 ku cailini yai, ku Tamatama adrelane iniane. La iya kai, “Amaniaku ku wadulru sanaka manemane ka Twaumase. Lri pasalaladhasu nakwane, kamani ku twakapatengatengaane ka mwalecege ka umawmase.

1 Lacaili 6:49

Ku Arungu si lamwabaibalrithi iniane ka tarapadaladalai ku sangwalreme, si ikai ki tapatarumaramarane patarumara ku Lama ka lrisi. Ku awngane ki lalasu amani ku taramarasikaikai ikai ki Alrivilriviilrivinga ka taikaikaiyane ku la asukubane, si patarumara ku sapatarumarane ka waudriwdripi. Kwini lalasu singiakai ku tapelaelane ki sasiakawlu ki Twaumase ka Musi pangimia kikai, pasikai ki swa Iseraylri mupasalrivane.

2 Lacaili 24:6

Ku Yuase la dawlu ki kiacapili lini ka Yehuiada, kivaga iniane, “Asu kai sangiluku ki swa Lrivi mwa ki laumawmase ki Yuda si swa Yerusalrime malra ku kazilu? Kikai kazilu yai, amani ku sasiakawlu ki Tamatama ka Musi pakai ku sarakaiyane ki Alrivilrivi ka balrawbau ki Tamatama kalri ka mapapangale ku wabaai.”

Nihimi 9:14

Ani pasusu la iyasu liniane ki taisadrasadrane ka vaisu si tusaniange ka vai; pangwakaisu ki sasiakawlusu ka Musi patarumara ku hulrice ka padradrekase.

Yubu 36:24

Ku tapiapianeini lri palralrawthu kidrengedrengere; la mialrisu drengedrengera iniane.

Yubu 5:9

Kadrwa ku apatwaladhaneta pulringalringau ku piaini ku maadrau ka takaungane; ku matisamaliane ku tapianeini kadrwa ku talikaiyane.

Lasenai 100:5

Ku Tamatama mathaithaariringa, palralrawthu ku sakialibakeini; ku takapatengatengananeini lri pakela ki mwabaibaibalrithi ka palralrawthu ikai.

Lasenai 105:5

Mwabaibalrithi ki sasiakawlu ki Twaumase ka Aberahame, agagane ki pilrini ka Yakubu, ngwalringau madu ku matisamaliane ku tapianeini, ngulringava ku tapangimianeini saibange.

Lasenai 111:2

Ku tapiane ki Tamatama matiasamali matisalru turamuru! Sanaka madalame iniane ku umawmase makanaelre apiathiingale.

Lasenai 111:7

Ku tapianeini patuelre patengatengane la aparamaramau; ku padradrekaseini patengatengane ka asudralrwalrwane.

Lasenai 139:14

Wadrengedrengeraku muswane, asi lwiyane ku takibekacaneli matiasamali matiamukuludru; kwi tapianesu matiasamali turamuru. Kai kidremedremeli wathingale.

Lasenai 145:17

Ku tapiane ki Tamatama patuelre yai madringelrese; ku piaini yakaai ku kalithane.

Lasenai 145:6

Ku laumawmase lri mapelaelaela ku matiaukuludru si maadrau ka pukusu; lri pelaelaku pasalraelre ku sanianganesu.

Lasenai 18:30

Kikai Twaumase, ku tatumananeini kiatulrepenge turamuru! Ku vagaini matiasudralru turamuru! Mia ki vaeva ka alathare palakebe sanaka satalu iniane ka umawmase.

Lasenai 78:12

Ku Twaumase ikai ubulane Zuane, ikai Izipiti, pia cucubungu ki cucungulane lini pia ku pinangu Twaumasane ka puku.

Lasenai 92:5

Tamatama, matiasamali turamuru ku tapianesu! Ku takidremedremanesu mwaadringi turamuru!

Lasenai 99:4

Maadrau ku puku ka talialalai, madalamesu ki aparamaramavane; yakaisu ki daane ki swa Iseraylri cegecege ku aparamaramavane; pwasakaisu ki dringelresane, si paulrudru ki paramaramavane.

Isaiya 33:22

Adravane ikai ku varukuru ki badha ku mwadaane ki tawbilabilane ki lavarukuru, ku saerecane ku calrisi lri kalruka, ku balrawbau ki varukuru kai lri maka ngipaipai; ku yabelenge ku lalawbubulu lri aniravasanenga mitane ka lawbubulu, adravane ka mapiapilai ka kai maka wadulru dadavace lri ikaai ku drulru lini. Ku Tamatama amani ku tarasaibaibange mitane, ku tarakelrekelrete ku hulriceta, ku talialalaita; ku Twaumase lri palribulu mitane.

Isaiya 45:21

Bwala, mwa tasaibaibangane si kukusu! Pamadrekadrekasana ki kiahukuku. Aneane ku paswalanga yugingi ku lrika angimiane? Kainaku ka amani ka Tamatama? Kathanaku kadrwa ku drumane ku Twaumase; aparamaramavaku, ka palribulu ka Twaumase, kathanaku kadrwa ku drumane.

Daniele 6:20

Ku talialalai samwa thili ki taraiyungane, la karacange si akwadrau kawriva, “Daniele, sasiakawlu ki palralrawthu panianiake ka Twaumase! Ku tuvaevasu kisusususu ka Twaumase kai palribulu muswane pakidaili ki langudwi ki laraiyungu?”

Daniele 9:11

Sanaka swa Iseraylri wabaebalrenga ki hulricesu makanaelre, kadrwa ku kialalra paluludu muswane. Pasaalriwnga nai muswane. Ngwalai kikai, kudra nipacasane pikai ki hungu ka hulrice ki sasiakawlusu ka Musi ku sapuswane wamwanga ki kinawmasane nai patuelre.

Husia 14:9

Ku ngiathingale kalrigili ka umawmase anithingale makanaelre kai tapacasane kai ki hungu; lani pikai ki kidremedreme lini. Ku kadalranane ki Tamatama madringelrese; ku madringelrese ka umawmase paluludu kai ki kadalranane, ku pasalrisalriu ka umawmase la ngwalai ku tatudrekasane kai ki kadalranane si tubakebake.

Mika 7:20

Mararaamau ku tapalrainganesu ki cucungulane nai, lri padrelanesu ki mwabaibalrithi ki Aberahame si Yakubu ku takapatengatengananesu si kai maelaela ka sakialibakesu.

Zipania 3:5

Ai ku Tamatama yakaaiyana kai ki cekele; paiya ku madringelrese, kai lri pia lutumane ku kai madringelrese. Lukavaivaivai ki mialrealre, papia ki laumawmaseini padrelane ku dringelresaneini, kadruana ku tapamamane. Ai kudra kai madringelrese ka laumawmase pacungucungulu kanganga, kai thingale ku inwane.

Zakaria 9:9

Kunumi ka umawmase ka swa Ziyungu, kiraragadha! Laumawmase ka swa Yerusalrime, putariria! Drela! Wakelakelanga ka talialalai numi! Kwi lasu pamalebenga, si takuputaritariri kainganai, ai ngiatatualebe si ngukai ki ruba, ka vaeva ka tikiane ka ruba.

Yuhani 1:17

Ku Twaumase pangwakai ki Musi pelaela pathingale ku hulrice, ai ku migemi si patengane ka sabulrwane pangwakai ki Yesu Kirisitu kainganai.

Tapelane Drekase 31:30

Sakabilrilane, ku Musi la ikai cucubungu ki mapapangale ki swa Iseraylri silrigu kikai senai kai.

Tapelane Drekase 32:3

Lri pelaelaku pasalraelre ku saniange ka nagane ki Tamatama, si senai drengedrengere ku takasaniangane ki Twaumase.

Tapelane Drekase 34:5

Ku sasiakawlu ki Tamatama ka Musi la pacai ikai ki kadaengane Muabe, mia kudra taiyane ki Tamatama.

1 Timuthi 1:17

Ku niwsakenane si lrigu ani palralrawthu papia kudra ki palralrawthu ka talialalai, ka amani kudra kai yakawlravane, kaika amakadredrelane, vaeva ka Twaumase! Amingi.

Hiburu 3:5

Ku Musi ikai ki wacekecekele ki Twaumase patuelre pangiamia pasingikidremedreme ku takasasiakawlane, ka amani ku peaelaela ku lrika akawrivane ki Twaumase lubibilrili.

Yesua 22:5

Kunumi tara pudriadringadha paluludu kudra patarumara numiane ki Musi ku hulrice: Tara kilibaka ki Tamatama ka Twaumase numi, paluludu ku kidremedremeini, pasalaladha ku padradrekaseini, tukucingalre iniane, si pakaelre ku kidremedreme gathimi marasikaikai iniane.”

Nipadrelane 1:8

Yakai kunadruma, la ikai kaikameane, lubibilrili lai lri ikai palralrawthu ka Tamatama ka sapupukuanenga ka Twaumase amia kai, “Alepaku, ka sapathagili, Umigaku, ka satwalrepenge!”

Nipadrelane 11:17

la iya kai: Kunadruma, si kaiasasane ka Tamatama ka sapupukuanenga ka Twaumase! Kiaseasene nai muswane; asi lwiyane arakaisu ku maadrau ku puku, rathudu.

Nipadrelane 14:3

Kwi lalasu acegecege ikai cucubungu ki taetalane si supate ka panianianiake, si laciwru, la senai asivaeva ku bavane ka senai; kikai senai kathane kudra twalai lebe si kipalribulu ku ta 144,000 ka umawmase ka wathingale senai.

Nipadrelane 14:8

Ku mwasakadrusa ka sasiakawlu belenge la kabibilrili iya kai, “Maburukunga! Ku maadrau ka Babilunia maburukunga! Asi lwiyane kwi alisu wamalra kwini pairairangane ka makecenge ka bava si paungulu sanaka umawmase.”

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 19:16

Ikai ki laimaini si drapaleini wapacase ku nagane iya kai, “Talialalai ki sanaka talialalai, Tamatama ki sanaka tamatama.”

Nipadrelane 19:2

Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”

Nipadrelane 4:8

Kwini supate ka panianianiake ka waudriwdripi, eneme ku sapakepake lini makanaelre, ku taiadringane ku taibelengane swaete ku maca. Kwi lalasu la pivai pimaungu senasenai kai idrengedrengere iya kai: Sanianiangenga! Sanianiangenga! Sanianiangenga! Tamatama ka sapupukuanenga ka Twaumase, yakai sakanadruma, la ikai kaiasasane, lubibilrili lai lrika palralrawthu ikai!