Nipadrelane 13:2 - Ngudradreadrekadhane Ka Sisiu 魯凱語聖經

² Ku dreleli kwini waudriwdripi mia ki vaeva ka lrikulau; ku drapale mia ki drapale ki cumai, ku ngudui mia ki ngudui ki raiyungu. Ku baralebale la malra ku pukuini ku taetalane ku takatalialaladhaneini si maadrau ka lrekeme baai patuelre kwini ki waudriwdripi.

Nipadrelane 13:2 Cross References

2 Latalialalai 2:24

Ku Ilrisa la ngibangulu, lengethe liniane, la pangukai ki nagane ki Tamatama pusu liniane. La ngibwale ku drusa ku tina ka cumai twalai ki angatungatu, si thuriace ikai liniane ki ta 42 ka langukathathabarane.

Lasenai 22:21

Kiatubiaku muswane palribulaili patwalai ki ngudwi ki laraiyungu; lu ikaiyaku cucubungu ki yaubulane ka lalwange kadrwa ku paralubu nakwane!

Kavagavagane 17:12

Nai kipadradresenge madu ki ngwalalakane ka cumai, si kai kipadradresenge ki ngiasasingikaai ku nau pia iyaini ka makulrungu ka umawmase.

Kavagavagane 28:15

Ku ngiakarakacane ka talialalai lu rathudu ki matiakukuru ka umawmase, mia ki wagirigiringi ka raiyungu, si wasilasilape ku akaneane ka cumai.

Isaiya 5:29

Ku kwapingi lini makakaraleale, mia ki raiyungu lu giringi, la mia ki lrulai ka raiyungu ka wapana, kadrwa ku umawmase ku lri dulru palribulu.

Yerimia 13:23

Ku maicelrenge ku umawmase wadulru pakabalrithi ku lrangicini? Ku lrikulau lri dulru mwalra ku kulawini? Alaiyasi dulru, kusu ka twalrawnga pia ku malisi ka umawmase lri mialrisu pia ku mathariri.

Yerimia 5:6

Lakamani, Ku raiyungu lri twalai ki angatungatu kainganai si lrede liniane; ku tawpungu ubulane lri twalai calragulragu kainganai si baburau liniane; ku lrikulau lri ngithalringulu ki cekele lepenge liniane; ku aneane ku mwalatadre, lrika aneeane ku kiababurau. Asi lwiyane kwi lalasu apapelaela katwase si cilri ki Twaumase; kwi pasalrivane lini kaika amaka asiasipane.

Husia 11:10

“Lri ngimiaku ki raiyungu papia ki labadha ki swa Iseraylri giringi, kai kawkawluli lai lri tupapalra nakwane. Kwi lalasu lri twalai tali sapakalriwgu karidare siwlri mwa nakwane.

Amuse 3:12

Ku Tamatama amia kai, “Lri mia ki taraagwagu ki kiu ka umawmase ku malraini ribici patwalai ki ngudwi ki raiyungu drwadrusanga ka drapale ki kiu si vaeva ka calringa, kai yakai Samaria ka kadrwa ku ngikakelretane ku tacekecekelane ka swa Iseraylri lri mialri ka tabeekele ku lri dulru ngilribate ki matikurwane.”

Amuse 5:19

Kudra vai lu kelanga, kadrwa ku amwane numi mubere, lri mia kudra ki umawmase ku tau mubebere ki raiyungu, ala kipadradreesengenga ki cumai! Lai lri mia kudra ki tangeea ka umawmase ka kiadulru turamuru, sa darurunga tavanane, la sutalu ki raedre ku alrimaini, ala kikaace ki sulrau!

Habakuke 1:8

“Ku larigi lini mariaridare ki lrikulau, ku lisiane silrialribate ki masilrau ka tawpungu ubulane. Ku tarangurigi ka kwapingi singiadaili kainganai; kwi lalasu ku ridarane kainganai, mia ki takanga lu daysi.

2 Timuthi 4:17

Ku Tamatama yakai thili paraluralubu nakwane, si baai nakwane ku puku, ala dulrwaku pelaela kikai kiatulrepenge ka hukuingi ki sakamaelanane ka umawmase makanaelre, laka kiapalribulunga naku twalai ki ngudui ki raiyungu.

1 Pitiru 5:8

Kipapawlringava padulru, kwidra badha numi ka Akema mia ki raiyungu girigiringi masasawlriwlri dadavace, silasilape ku alredaneini ku umawmase.

Nipadrelane 12:13

Kwini baralebale sa ngithathingale ka kiaverevere pikai lebe, matwase saladha ki twalalake ku sawvalai ka ababai.

Nipadrelane 12:15

Kwini sulrau yakai ilrilrikudru ki ababai, si patwalai ki ngudui burusu palriau ku acilai, ka apakialudrane ki alisu.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:12

Kwi waudriwdripi la ikai cucubungu kwidra ki aswalala ka waudriwdripi, si arakai patuelre kudra lrekeme ki aswalaala ka waudriwdripi. Kwi waudriwdripi wavutha kai ki kadaengane si yakai ki kadaengane patuelre, pasukubu kudra aswala ku namadula pakilriingau si laka mwadringainga ka waudriwdripi.

Nipadrelane 13:4

Wasukubu makanaelre kwini ki baralebale, asi lwiyane kwi baralebale wamalra ku lrekemeini si baai ki waudriwdripi. Kwi lalasu la mialri sukubu kwini ki waudriwdripi, si iya kai, “Aneane ku lri maka kiramau kai ki waudriwdripi? Aneane ku lri maka kiecebe iniane?”

Nipadrelane 16:10

Ku mwasakalrima ka sasiakawlu belenge la malra kwini kisi si gugu pikai ki taetalane ki talialalai ki waudriwdripi. Ku dradrimitane la kirimu kabungu ki kuni ki waudriwdripi, ku umawmase la ngwalai ki takiangeangane takipakwalriane si ngikakacenga ku lridame lini.

Nipadrelane 17:12

“Kudra drelesu ku mangeale ka lawngu amani kudra ki kaiyana pathagili rathudu ka talialalai; ai kwi lalasu lri tarumara ku puku ki talialalai, si taelre ki waudriwdripi rathudu nguvaeva ki zikange.

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 2:13

Wathingalaku kwi taikaiyanesu amani ku tagemegemane atalialalai ki Satange. Tengatengane kwi kidremedremesu papia nakwane, adravane kipapacai ku taraakasikasi nakwane ka Anetipase ikai ki taikaiyane ki Satange, kaisu wacilri ku salrwanesu papia nakwane.

Nipadrelane 20:2

Kwi lasu waruthuku kwini ki baralebale, kaamani kudra sidrumanane ka sulrau, ka Akema, la si Satange, wakerenge iniane patara kudrulu ka caili.