Nipadrelane 12:3 - Ngudradreadrekadhane Ka Sisiu 魯凱語聖經

³ Kai belenge la adrelaneana ku vaevanga ka matiasamaimali ku tangimiane: Yakai ku vaeva ku duduli ka maadrau ka baralebale, twapitu ku awlru, laka mangeale ku lawngu, ku awlru la sipagamucu ku pagamucu ki talialalai.

Nipadrelane 12:3 Cross References

Isaiya 27:1

Kwini ki vai, ku Tamatama lri arakai ku makecenge marangisi ka dramu pathavungu ki baralebale, ka amani kudra tara apapiyaiya padaalru akabalrithi ka sidrumane ka sulrau, lai lri papacai kudra tumaelaelane ka waudriwdripi ikai laveke.

Isaiya 51:9

Tamatama, pacuna si paralubu nakwane! Mia kunadruuma, arakaiya ku pukusu palribulu nakwane! Amanisu ka wamalra burau pawtatiki ki maelaelane ka waudriwdripi ikai laveke ka Rahabe, amanisu ka waculrulu ki baralebale.

Isaiya 9:15

Kwidra tarudrawdrangenga si kiamatikaikai ka umawmase yai amani ka awlru, kwidra kawariva cacapange ka yuginsia yai amani ka tawthu.

Daniele 2:41

Kudra drelesu ku maibu ki adreme si dae ka drapale si galawgau ki drapale yai papia ki lubibilrili yakai ku vaeva ku mauvagai ka kuni ku lri mutaluvaivai; kwini yakai ku adreme ka puku, asi lwiyane niapaelreane ku adreme si dae.

Daniele 2:42

Kudra niapaelreane ku adreme si dae ka galawgau ki drapale yai amani kudra ki kuni lri kagarange ku talidrumane, ku talidrumane lai lri turamuru.

Daniele 7:20

La mialriaku apithingale ku pacugane kudra yakai belenge ki awlruini kudra mangeale ka lawngu si wacebe sakabilrilane ka tikiyane ka lawngu, la malra tuluthu kudra ki drumane ku tulru ka lawngu. Kwini tikiyane ka lawngu yakai ku maca si wadulru tuadrau lu kawriva ka ngudwi, athingalane ka matikikiwcu ki drumane ka lawngu.

Daniele 7:24

Kudra mangeale ka lawngu yai amani kudra lri macucungulu rathudu ki kuni ka tamangeale ka latalialalai. Sakabilrilinga ku maelane ka tangeea ka talialalai lri ngidrakale, makakaela kudra ki siaswalane ka talialalai; kwi lasu lri balre ki tatulru ka talialalai.

Nipadrelane 12:1

Kikai kwidra, kai belenge adrelane ku vaeva ku maadrau la matisamali ku tangimiane: Yakai ku tangea ku ababai ku siapalimemelre ki vai, ku drapale la dredre ki dramare, la sipagamucu ku yakai ku 12 ku tariau ka pagamucu.

Nipadrelane 12:13

Kwini baralebale sa ngithathingale ka kiaverevere pikai lebe, matwase saladha ki twalalake ku sawvalai ka ababai.

Nipadrelane 12:17

Ku baralebale la papia ki ababai kalisi, la katwase kikaruburu ki drumane ka agaganeini, ka makakaruburu ki sanaka umawmase ka paluludu ku drekase ki Twaumase, si masalru si pangimia ku tapelaelane ki Yesu ka patengane ka sabulrwane.

Nipadrelane 12:4

Kwi baralebale la arakai ku tawthu pelrepelre ku taingeane ki nipautulrwane ki tariau subelebelenge, si verevere pikai lebe. La acegecege ikai cucubungu kwini ki lri tulalakenga ka ababai, lri ukalava kwini ki daini sana kitulalake, lai lri malra thamukulu.

Nipadrelane 12:7

Sakabilrilinga, kai belenge la makaruruburu. Ku Mikaele si sasiakawluini belenge makakaruburu ki baralebale, ku baralebale si sasiakawluini la mialri kainganai kidresenge kikaruburu.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:1

Pacuungulu, wadreelaku ku vaeva ka waudriwdripi ku twalai ki laveke ubelenge. Kwini waudriwdripi mangeale ku lawngu si ka pitu ku awlru, kwini ki lalawngu la sipagamucu ku pagamucu ki talialalai, kwini ki laawlru la pacase sunanagane tusinalrelreme ki Twaumase.

Nipadrelane 13:2

Ku dreleli kwini waudriwdripi mia ki vaeva ka lrikulau; ku drapale mia ki drapale ki cumai, ku ngudui mia ki ngudui ki raiyungu. Ku baralebale la malra ku pukuini ku taetalane ku takatalialaladhaneini si maadrau ka lrekeme baai patuelre kwini ki waudriwdripi.

Nipadrelane 13:4

Wasukubu makanaelre kwini ki baralebale, asi lwiyane kwi baralebale wamalra ku lrekemeini si baai ki waudriwdripi. Kwi lalasu la mialri sukubu kwini ki waudriwdripi, si iya kai, “Aneane ku lri maka kiramau kai ki waudriwdripi? Aneane ku lri maka kiecebe iniane?”

Nipadrelane 15:1

La dreeleana naku ikai belenge ku taingeane ka matiasamali ku tangimiane, maadrau si la matisamali. Tapitu ku sasiakawlu belenge ku arathungu kwini ki bibiilrilinga ka taipitwane ka amatikurwane, asi lwiyane ku Twaumase lri ikai kikai ki amatikurwane si pangimia ku elathaneini.

Nipadrelane 16:13

Pacuungulu, la drelaku ku tulru ku ngialisiane ka ri, mia ki iyau, ka la twalai ngibwale ki ngudui ki baralebale, waudriwdripi, si kaika patengane ka yuginsia.

Nipadrelane 17:12

“Kudra drelesu ku mangeale ka lawngu amani kudra ki kaiyana pathagili rathudu ka talialalai; ai kwi lalasu lri tarumara ku puku ki talialalai, si taelre ki waudriwdripi rathudu nguvaeva ki zikange.

Nipadrelane 17:16

Kudra drelesu ku mangeale ka lawngu si kudra waudriwdripi lri kavalracevace kwini ki pairairange, lri ravase ku lamanemaneini patuelre, lai lrika mulaimaimainga kwini alisu; kwi lawaudriwdripi lri lama ku beateini, si arakai ku apwi lama iniane.

Nipadrelane 17:7

Ku sasiakawlu belenge la kivaga nakwane iya kai: “Asu kasamali? Kavai ki ababai si kavai ngurigirigini ka pitu ka awlru mangeale ka lawngu ka waudriwdripi ku kaika kithingaleini lri pelaelaku muswane.

Nipadrelane 19:12

Ku macaini mia ki apwi kelrakelrabe, la salikakalra sipagamucu. La pacase ikai ki kinawmasaneini ku nagane, ai kathaneini, kadrwa ku umawmase ku wathingale ka manemane ku pacugane.

Nipadrelane 20:2

Kwi lasu waruthuku kwini ki baralebale, kaamani kudra sidrumanane ka sulrau, ka Akema, la si Satange, wakerenge iniane patara kudrulu ka caili.