Nipadrelane 11:3 - Ngudradreadrekadhane Ka Sisiu 魯凱語聖經

³ Lri sikawlaku ku tadrusa ku sialaimai ku kaimadhane ku lri akasi; kwi lalasu lri pelaela ku vaga ki Twaumase tara 1,260 ka vai.”

Nipadrelane 11:3 Cross References

Tabekacane 37:34

Ku Yakubu la tubi turamuru si purici ku sapakabelebelengane ka laimai, sipalimemelre ku kaimadhane, la pasikai ki lalakeini tubi turamuru kaulai.

2 Samuile 3:31

Ku Davidi la drekase ki Yuabe si lakwapingini makitu thuriace ku laimai, si sisakalremeane ku kaimadhane, pasikai ki Abinere si tubi. Saka tasukubane ki tasateatedrane, ku talialalai ka Davidi la ilrilrikudru ki varukuru tupapalra katwase.

1 Latalialalai 21:27

Sa maka kawrivanga ku Ilria, ku Ahabe la thuriace ku laimai, si mwalra, la silaimai ku lalasare ka kaimadhane. Kwini lasu la kai kanekane; la silaimai ku lalasare ka kaimadhane apece, la guruthunganenga ki sulriane masasawlriwlriwlri dadavace.

2 Latalialalai 19:1

Sa kilalra ku talialalai ka Hezekia ku tapelaelane lini, takwa tubi ki lisiane; la thuriace ku laimai, sipalimemelre ku lalasare ka kaimadhane, mudaane ki daane ki Tamatama.

1 Lacaili 21:16

Ku Davidi la drele kwini ki sasiakawlu belenge acegecege ikai belenge, ku alrimaini waecenge ku dramu, ka lri amudunga Yerusalrime. Ku Davidi si laciwru la makitu silaimai ku sakalremelremeane, ku lringau lini gwaruthungane ikai daedae sukusukubu.

Nihimi 9:1

Kai ki dramare ki mwasaka 24 ki vai, ku swa Iseraylri yasarubu maelrelre laisi, pasikai ki pasalrivane lini kiangeange ku kidremedreme. Kwini lalasu matatwakudhanga ki la maelane ka zuku makanaelre. Kwini lalasu sialaimai ku kaimadhane, ngicacabungu ku dae, pathingale ka watubitubi, ala acegecege si ngipapelaela ku pasalrivane lini si pasalrivane ki cucungulane lini.

Yubu 16:15

Watubiaku, la sipalimemelre ku kaimadhane; ngwapukwanenga naku nene ikai ki thuvugu ka dae.

Lasenai 69:11

lu sisakalremeanaku, kwi lalasu mwalralrakai nakwane makanaelre.

Isaiya 22:12

Lukamaninga kwidra, ku abebeelengenga ka Tamatama ka abebeelengenga ki sanaka kwapingi lri patubi numiane si karaleale, la kiriti ku isiu ki awlru, si silaimai ku kaimadhane.

Yerimia 1:10

Lri baadhaku ku puku muswane kaikameane; lri papiasu ki sanaka kuni sanaka umawmase pia ku awngane ku akucane, ku aburukane, ku akabebetethane, ku abalreane, ku atupelane tudaane, si apacegecegane.”

Silringau 2:10

Ku latarudrawdrange ki swa Ziyungu wanene ikai cakena, la iceelrebe ka kadrwa ku lingau. Kwi lalasu sialaimai ku kaimadhane, la sabulu ku thuvugu pwa ki awlru; ku latawvailelekete ki swa Yerusalrime masulringa guruthungane si gurapangane ikai cakena.

Izikile 4:6

Kikai sapathavungane lu alikainga, lri papiasu vanale cicigiane apece maka masupatele ka vai, pasikai ki pasalrivane ki swa Yuda kwalri, ku minakavalane ku vai mararaamau ki nitara cailane.

Daniele 12:7

Kwini sasiakawlu belenge la cidingi ku drusa ku alrima, si papia belenge, pangukai ku nagane ki palralrawthu panianiake ka Twaumase kiketekete. Kialalraku ki lasu amia kai, “Lri taratulru ka caili si apararamau. Lu palikainga ku takihakegadhane ki kawkawlu ki Twaumase, kilakikai lri ngilribate patuelre.”

Daniele 7:25

Kwi lasu lri palribate ku vaga, si kiecebe ki Abebeelengenga ka Twaumase, si tulilisi ki kawkawlu ki Twaumase. Kwi lasu kiadremedremedreme ku apakabalrithane ki lahulrice ki takisuswane si latatulrisilrisiane. Ku kawkawlu ki Twaumase lri kirathudu iniane taratulru ka caili si apararamau.

Daniele 8:14

Kialalraku kudra ki sasiakawlu belenge sa tubalre, “Kilakikai lri pacungulu tara 1,150 ka vai. Ikai kikai, ku daane ki Twaumase kadrwa kulri patarumara ku sapatarumarane ki maungu si mialrealre. Lu ngilribatenga kikai, kai daane ki Twaumase ala lri siwlriwlriane kuna tangimiamiane ki siaswalane.”

Yuile 1:13

Ku yakai ki tapatarumaramarane kauawngu ka labarakalai, silaimadha ku kaimadhane si tubi! Mudaana ki daane ki Twaumase si tubi taleare! Asi lwiyane lri kai ikainga ku taleke, ku mathariri ku bava ku apatarumarane ki Twaumase numi.

Yuna 3:5

Kai cekele Ninivi ku laumawmase masalrunga ku vaga ki Twaumase. La kalrithethenga kwi lalasu ku alaisane makanaelre sanaka aneane, ikai kwini ki cekele makanaelre ku umawmase, adravane ka tarudrawdrange ka lavavalake, la sipalimemelre ku kaimadhane makanaelre ka sapelaelane ka ngiatatasiwlriwlringa.

Yuna 3:8

Ku umawmase si nilapulapwane ka waudriwdripi sipalimemeelra makanaelre ku kaimadhane. Sanaka aneeanenga tara kakalitha papia ki Twaumase inulri, si isadra ku ngialisiane ku kakudhane, madha piapia ku pangwa lrumai si ribici.

Taasipane 11:26

La ikai ku tadrusa ku marudrange ka Ilridade si Midade la asurwana ikai ki tasuladhane, kai wamwa ki Alrivilrivi ka balrawbau, ikai kwini ki tasuladhane, ku Ri la mulebe mwa liniane, kwini lalasu la ngimia ki yuginsia kikandu si kawriva.

Matai 11:21

Ku Yesu la iya kai, “Swa Kerazine, lri kipadradresengesu ku amatikurwane! Swa Bithesaida, lri kipadradresengesu ku amatikurwane! Ku taikaiyaneli numiane si pia ku pinangu Twaumasane ka puku, ana piane ikai ki swa Tayre si swa Sidune, kwi swakai kwini ku laumawmase nai ngikakabungunga ku kaimadhane si ngicacabungunga ku abu, ka sapelaelane kwini ki lalasu ala ka wacilringa ki ngialisiane si papianga ki madringelrese.

Matai 18:16

Kwi lasu alaiyasi kai kilalra, ililuka ku tadrusa ku palrasu si katwase mwa; lukamiyaiya kwini sanaka nikaelaelane yakai ku tadrusa ku tatulru ku umawmase ku lri dulru siwmi.

Luka 10:13

“Swa Kerazine, lri kipadradresengesu ku amatikurwane! Swa Bithesaida, lri kipadradresengesu ku amatikurwane! Ku taikaiyaneli numiane si pia ku pinangu Twaumasane ka puku ana piane ikai ki swa Tayre si swa Sidune, kwi swakai kwini ku laumawmase nai neneenga ikai daedae, si ngikakabungu ku kaimadhane la ngicacabungu ku abu, ka sapelaelane kwini ki lalasu ala ka wacilringa ki ngialisiane si papianga ki madringelrese!

Luka 24:48

Kunumi amani numi kudra lri akasi pasikai kilakikai.

Yuhani 15:27

Lakamiyaiya numi, lri pasikai numi nakwane pelaela, asi lwiyane singipathagili numi ikai taelre nakwane.”

Yuhani 3:27

Ku Yuhani la iya kai, “Lu kaika Twaumase ka patarwamara, kadrwa ku adulrwane ki umawmase tarumara malra ku manemanenga.

Nisikawlane 1:8

Ai ku Siri lu mulebe mwa numiane, lri kisuete numi ku puku, si ikai Yerusalrime, Yuda kidruanga, si Samaria palraelre, pakela sanaka ininiinunga kai kawmasane, pasikaikai nakwane akasi.”

Nisikawlane 13:31

si la ikai kwidra ki minakapialane ka vai, la kingikalrale adrelane kudra ki natwapapapalra iniane twalai Galrilri mwa ka Yerusalrime ka laumawmase, kikai laumawmase kaikameane ikai Iseraylri la kamaninga ku tarapelaelaela pangukai iniane.

Nisikawlane 2:32

Kikai Yesu, ku Twaumase pasiaelanga iniane; kuta makanaelre wadreleta si lrika amanita ku lri pelaela.

Nisikawlane 3:15

Miyaiya kai, kunumi papacainga numi kudra ki Tamatama ki niake; ai ku Twaumase pasiaelanenga iniane patwalai ki wapacai. Amani nai ku tarapelaelaela ki kikai miyaiya kai.

1 Kurintu 12:28

Ikai kiwkai, ku Twaumase wabaai pasudalepe ki sanaka umawmase ku adulrwane kaungu; ku kelreteini: Ku aswalaalanga amani kai nisikawlane, ku mwasakadrusa amani kai yuginsia, ku mwasakatulru amani kai tarabulrubulru; ala kamani kai paiya ku pinangu Twaumasane ka puku, ala kamani kai yakai ku puku pawdringai ki macaeme; ku drumane la ikaiyana ku wadulru paralubu ki palrapalra, wadulru marasikai ki laawngane, wadulru iya ku vaga ki abake.

2 Kurintu 13:1

Kikai lrika saka ngusitulrululi kela lrikape numiane. Kai Sisiu amianga kai, “Sanaka wakukusu lu tadrusa tatulru ku wasiwmi pasudalepe si pelaela ki umawmase lri maka acegeecege.”

Ipisu 4:11

Lakamani kwidra, “Wabaai ku migemi ki sanaka umawmase.” Wakelrete ku lri ikai ku anisikawlane ku la ayuginsia, la tarapelaelaela ku hukuingi, la ikai ku la abukusi ku atarabulrubulru.

Tapelane Drekase 17:6

Ai lri tara ikaai ku tadrusa, ku tadrusa papubebelenge ku peaelaela ka patengane kwini tapasalrivane ki lasu, ala lri papacai iniane; kunumi madha singikaikai ki tangeangea ku vagaini si papacai iniane.

Tapelane Drekase 19:15

“Luka tangeangea ku umawmase ku wasiwmi kai lri maka tupasalrivane ki umawmase; lu lribate ki tadrusa ku wasiwmi lri dulru tupasalrivane ki umawmase.

Nipadrelane 11:2

Ai, madha lekelekete kwi kalatadrane ki daane ki Twaumase, asi lwiyane kwini latadre nibadhanenga ki sakamaelanane ka umawmase; kwi lalasu lri pwadradreedre ki Saniange ka cekele tara 42 ka dramare.

Nipadrelane 11:6

Kwi lalasu yakai ku puku lini elebe belenge, ikai ki tapelaelaelane lini ku vaga ki Twaumase ka vai, lri kai paudale belenge; kwi lalasu la ikai ku puku lini magagemegeme ki laberai ki acilai, paerai ki acilai; la ikai ku puku ngisasingikai ku kidremedreme arakai ku makaelaela ku matikurwane pakiangeange ki kawmasane.

Nipadrelane 12:6

Kwini ababai mwabere muubulane, wamwa kudra padulru ki Twaumase pasikai iniane; ikai kwini, kwi alisu la kisirapale tara 1,260 ka vai.

Nipadrelane 13:5

Kwini waudriwdripi wamalra ku aparamurane tudreadrekase ku ngudui, la kipasudalepe ku puku ku adulrwane pia ngilralraingi tara 42 ka dramare.

Nipadrelane 19:10

La pidruraku icucubungu ki drapaleini, kisanu sukubu iniane, ai kwi lasu amia kai nakwane: “Madha piapia kikai! Kunaku si kusu, si ladrumane ka sinzia, sanaka palakelakebe ku padreele ki Yesu ku patengatengane ka sabulrwane, maramaraamau ka sasiakawlu. Kusu lri tara sukubusu ki Twaumase.” Asi lwiyane ku padrele ki Yesu ku patengane ka sabulrwane amani kudra wakandu ki layuginsia ka patengane ka sabulrwane.

Nipadrelane 20:4

La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.