Nipadrelane 1:9 - Ngudradreadrekadhane Ka Sisiu 魯凱語聖經

⁹ Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 1:9 Cross References

Matai 20:23

Ku Yesu la pelaela liniane iya kai, “Adravane numi maka ungulu ku mapalili ku kupuli, ai kadrwa ku pukuli kelrete ku lrika aneane ku lri ikai ki vanale si virili. Kilakikai taetalane, ku pinasikaiyane ki Ama padulru ki aneane lrika aneanane.”

Maruku 10:39

Kwi lalasu la tubalre iya kai, “Lri dulru nai!”. Ku Yesu la iya kai, “Kudra lrika awngulaneli ku yakupwane, adravane maka ungulu numi, si ku akipabanavaneli, la maka kipabanau numi;

Yuhani 16:33

Kai pelaelali numiane kilakikai, pakaiyaku ku akielreane numi nakwane si ikai ku sulivatane. Ikai kai kawmasane, yakai ku akwalriane numi; ai kagaranga, sabelengenga naku kikai kawmasane!”

Nisikawlane 1:15

Sangilribatenga ku minaka pialane ku vai yakai ku tayelrelreane ki lasinzia, lri ikai ku ta 120 ku kiapaelre. Ku Pitiru la acegecege si iya kai,

Nisikawlane 14:22

Kai lalasu la mwa kidruanga pakakececenge ku salrwane ki lasinzia, si pasapukupukwane liniane ku apacungulane satalu ki Yesu, la pelaelana liniane, “Lri tara ngukakaita ku makaalra ku akwalriane ala lri dulruta kamaninga ku umawmase ki kuni ki Twaumase.”

Ruma 8:17

Kudra lalalakengata ki Twaumase, lri kisupilrita kudra akaesadhane ka padulrudulru pasikai ki laumawmaseini ki Twaumase, lai lri kathadalranengata ki Kirisitu kisupilri ku pasikai ki Twaumase iniane; asi lwiyane, sana kivalata siamece ku sakwalrialri ki Kirisitu, lri kisupilrita ku lriguini.

Ruma 8:25

Alaiyasi sidramata kudra kaika nimakadrelane, lri dulruta kiadili ukalava.

2 Kurintu 1:7

Ku salrwane nai numiane kai ngiavelevele; wathingale nai, ku takisapalrane numi ku sakwalrialri nai, lri mialri numi kisupilri ku takisasane nai.

Pilripi 1:7

Taikaiyane numi ki kidremedremeli! Naika takabarengeeraneli numiane, asi lwiyane, adravane ka yakaiyaku kai taememengane, adravane sa ikaiya naku ki ngialralraingi pasikaikai ki hukuingi kidrikisi si pelaelaela, kiasupilringa numi makanaelre ku baai nakwane ki Twaumase ku mwakalrivili ka puku.

Pilripi 4:14

Ai, sa kipakwalrialriaku, wakela numi paralubu nakwane, kikai yai mathariri.

2 Tisaruniki 3:5

Ku Tamatama ani arake sangiluku numiane, lanu aru thingale kilrialringau ku sakialibake ki Twaumase, si tarumara ku baai ki Kirisitu ku kiadilane ku kidremedreme.

2 Timuthi 1:8

Lakamani, kusu madha talrumalrumale ku apasikaiyanesu ki Tamatamata pelaela, matiainu la madha iyaiya kai tangwaladhaneli ki Tamatama si kiemenge. Kusu singikaiya ku baai ki Twaumase ku puku, si pasikai ki hukuingi siamece kivala ku akwalriane.

Hiburu 10:36

Pakai ku apangimiane ku kidremedreme ki Twaumase si tarumara ku palraingingaini, kunumi tara kiadiila.

1 Pitiru 5:1

Lri sakaiyaku ku takaciwraneli kitubi numiane ka laciwru. Amaniaku ku peaelaelaela ku takwalriane ki Kirisitu, ku amavalavalane kisupilri lukabibilrili ku autaluvaivadhane ku lrigu. Kiatubiaku numiane,

Nipadrelane 1:1

Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 1:2

Ku Yuhani la pelaela liniane makanaelre ku dreleini, si akasi pasikai ki vaga ki Twaumase si kudra ki patengane ka sabulrwane ka pelaela ki Yesu Kirisitu.

Nipadrelane 1:4

Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 1:6

ala kamaningata ku barakalai ki kuni ki talialalai, si kauawngu pasikai ki Tamaini ka Twaumase. Ku lrigu si lrekeme ani papia ki Yesu Kirisitu, pakela lumamilringi! Amingi.

Nipadrelane 11:7

Kwi lalasu sapelaelanga ku vaga ki Twaumase, kudra kaiyanganai twalai ki valrulrange ka waudriwdripi lri kikaruburu liniane, lai pamalebe liniane, si lri papacai liniane.

Nipadrelane 12:11

Ku laretesaneta ngwakainga ki erai ki Lrulai ka Kiu si tapelaelane lini ku patengane ka sabulrwane si pamalebenga ki baralebale; kwi lalasu pakeela ku walreme ngiacacilri ku niake lini.

Nipadrelane 12:17

Ku baralebale la papia ki ababai kalisi, la katwase kikaruburu ki drumane ka agaganeini, ka makakaruburu ki sanaka umawmase ka paluludu ku drekase ki Twaumase, si masalru si pangimia ku tapelaelane ki Yesu ka patengane ka sabulrwane.

Nipadrelane 13:10

Kudra lri kiravase, lri tara kiravase; kudra lri kiara lrabu pacai, lai tara kiara lrabu kipapacai. Ngwalai kai, ku umawmase ki Twaumase lri tara ikai ku sakiadiadili si salrwane ku kidremedreme.”

Nipadrelane 14:12

Ngwalai kikai, lri tara kiadili kudra paluludu ku drekase ki Twaumase, si ka patengane ku kidremedreme papia ki Yesu ka laumawmase ki Twaumase.

Nipadrelane 19:10

La pidruraku icucubungu ki drapaleini, kisanu sukubu iniane, ai kwi lasu amia kai nakwane: “Madha piapia kikai! Kunaku si kusu, si ladrumane ka sinzia, sanaka palakelakebe ku padreele ki Yesu ku patengatengane ka sabulrwane, maramaraamau ka sasiakawlu. Kusu lri tara sukubusu ki Twaumase.” Asi lwiyane ku padrele ki Yesu ku patengane ka sabulrwane amani kudra wakandu ki layuginsia ka patengane ka sabulrwane.

Nipadrelane 20:4

La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.

Nipadrelane 3:10

Asi lwiyane paluludusu ku drekaseli, si patulrepenge kiadili, lakamani lu kelanga ku akwalriane kai kawmasane, lu kikilrialrialringaunga sanaka umawmase, lri palakebaku muswane.

Nipadrelane 6:9

Ku Lrulai ka Kiu sa mucaebe ku mwasakalrima ku hange wadrelaku ikai tailebe ki tapatarumaramarane yakai kudra laabake ki nangwakai ku tapelaelane ku vaga ki Twaumase, pakaelre ku kidremedreme pathingale si kipapacai ka umawmase.

Nipadrelane 7:14

La tubalreaku iya kai, “Sinsi, wathingalesu.” Kwi lasu la iya kai nakwane, “Kilakikai umawmase kialringaunga ku maadrau ka hakegai. Kwi lalasu arakai ku erai ki Lrulai ka Kiu pakalrapungu ku laimai lini.