Pɔɔlo Kɛlata mɔɔ ɔhɛlɛle ɔhɔmanle Felepaema la 4:9 - BAEBOLO ANZƐƐ BULUKU NWUANZANWUANZA

⁹ Bɛyɛ ninyɛne mɔɔ bɛzukoa na bɛlie bɛdo nu bɛvi me ɛdendɛlɛ nee me nyɛleɛ nu la, na Nyamenle ne mɔɔ maa yɛ anzonudwolɛ la nee bɛ badɛnla.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:9 Cross References

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Mateyu hɛlɛle la 7:21

“Tɛ awie biala mɔɔ kɛvɛlɛ me kɛ, ‘Awulae, Awulae’ la a banyia Anwuma Belemgbunlililɛ ne a, na bɛdabɛ mɔɔ bɛyɛ mɔɔ Egya mɔɔ wɔ anwuma la kpondɛ kɛ bɛyɛ la a banyia ye a.

Edwɛkpa ne kɛmɔ Luku hɛlɛle la 6:46

“Kɛmɔti a bɛfɛlɛ me ‘Awulae, Awulae,’ noko bɛnyɛ mɔɔ menwɔze bɛ kɛ bɛyɛ la ɛ?

Edwɛkpa ne kɛmɔ Luku hɛlɛle la 8:21

Gyisɛse zele bɛ kɛ, “Me nli nee me mediema a le bɛdabɛ mɔɔ bɛtie Nyamenle edwɛkɛ ne na bɛdi zolɛ la.”

Dw 13:17

Kɛkala mɔɔ bɛnwu nɔhalɛ ɛhye la, saa bɛfa bɛyɛ gyima a bɛkɛli fɛlɛko kpole!

Dw 15:14

Saa bɛyɛ mɔɔ meha mehile bɛ la a, ɛnee bɛle me gɔnwo mɔ.

Dw 2:5

Gyisɛse ɔ nli zele sonvolɛma ne mɔ kɛ, “Mɔɔ ɔkɛha ɔkɛhile bɛ biala la, bɛyɛ.”

Ɛzoanvolɛma Gyima ne 9:6

Dwazo kɔ suakpole ne azo na bɛbahile wɔ debie mɔɔ ɔwɔ kɛ ɛyɛ la.”

Wulo 15:33

Nyamenle mɔɔ maa anzonudwolɛ la nee bɛ muala ɛdɛnla. Amen.

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

1 Kɔl 10:31

Bɛdie ɛ. Debie biala mɔɔ bɛyɛ la, saa aleɛ a bɛdi o, saa nzule a bɛno o, bɛyɛ bɛde Nyamenle anyunlu.

1 Kɔl 14:33

ɔluakɛ Nyamenle ɛnle basabasa Nyamenle. Ɔle anzonudwolɛ Nyamenle. Kɛmɔ bɛyɛ ye wɔ Nyamenle asɔnema ne mɔ amuala anu la,

1 Kɔl 4:16

Yemɔti mesɛlɛ bɛ, bɛva me gyakɛ.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

Mɛla 5:1

Mosisi manle Yizilayɛma amuala rayiale na ɔzele bɛ kɛ, “Yizilayɛma, bɛdie mɛla nee ngyehyɛlɛ ne mɔ mɔɔ meka meahile bɛ ɛnɛ kenle ye la. Bɛzukoa na bɛli bɛ muala azo boɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:17

Me mediema, bɛ muala bɛva me gyakɛ. Yɛmaa bɛ ndonwo kpalɛ, yemɔti bɛnlea bɛdabɛ mɔɔ bɛdi zolɛ la boɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:7

Na Nyamenle anzonudwolɛ ne mɔɔ bo sonla ndelebɛbo muala azo la bazie bɛ ahonle nee bɛ adwenle gyɛlɛɛnye wɔ Kelaese ati.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 2:14

Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

2 Tɛs 3:4

Awulae ɛmaa yɛ adwenle ɛzi pi wɔ bɛ nwo, yemɔti yɛze kɛ bɛlɛyɛ mɔɔ yɛhanle yɛhilele bɛ la, na eza bɛbahɔ zolɛ bɛayɛ ye zɔhane dahuu.

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Gyemise Kɛlata ne 1:22

Bɛmmabɛlɛbɛla bɛ nwo bɛyɛ mɔɔ asɛɛ bɛtie ye edwɛkɛ ne ala a; bɛyɛ mɔɔ bɛkɛde la.

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

1 Dw 3:22

Debie biala mɔɔ yɛkɛbiza ye la, yɛ sa ka ye, ɔluakɛ yɛdi ye mɛla ne mɔ azo na yɛyɛ mɔɔ sɔ ɔ nye la.