Pɔɔlo Kɛlata mɔɔ ɔhɛlɛle ɔhɔmanle Felepaema la 4:8 - BAEBOLO ANZƐƐ BULUKU NWUANZANWUANZA

⁸ Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8 Cross References

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

2 Sam 1:23

“Sɔɔlo nee Dwɔnatan, bɛ ɛhulolɛ yɛ nwanwane; bɛde aze la bɛle ko, bɛ ewule nu, bɛ avinli antete, bɛ nwo ndɛne tɛla kɔleɛ, bɛ anwosesebɛ tɛla awenade.

2 Sam 23:3

Yizilayɛ Nyamenle ne ɛdendɛ; Yizilayɛ pepɛdievolɛ ne ɛze me kɛ, “Belemgbunli mɔɔ fa pɛlepɛlelilɛ sie ye menli, na ɔfa Nyamenlezulolɛ ɔsie bɛ la,

Edwɛndolɛ Buluku ne 82:2

“Kenlenzu a bɛkɛgyakyi mgbɔvodɛne ɛbualɛ, na bɛkɛgyakyi kɛ bɛdi bɛaboa amumuyɛma a?

Mrɛlɛbulɛ Buluku ne 11:1

Ɛdɛnkɛma kyi tone mɔɔ bɛwua nu la, na ɔ nye die tone mɔɔ bɛnwua nu la anwo.

Mrɛlɛbulɛ Buluku ne 12:4

Yelɛ kpalɛ le ɔ hu kyɛlɛ zo kpɔba, na yelɛ mɔɔ bɔ ɔ hu anyiemgba la le ewule wɔ ɔ hu mbowule nu.

Mrɛlɛbulɛ Buluku ne 16:11

Tone kpalɛ mɔɔ nzisi ɛnle nu la le Ɛdɛnkɛma ɛdeɛ, yɛɛ ninyɛne mɔɔ wɔ kodoku ne anu la le ɔ sa anloa gyima.

Mrɛlɛbulɛ Buluku ne 20:7

Nyilalɛ ɛha mralɛ mrenya mɔɔ bɛ ze le tenlenenli na ɔfa adwenle ɔbɔ ye ɛbɛla la.

Mrɛlɛbulɛ Buluku ne 31:10

Yelɛ kpalɛ, nwane a kɛnyia ye a? Ɔsonle bolɛ ɔtɛla anwoneɛ.

Mrɛlɛbulɛ Buluku ne 31:29

Ɔ hu ka kɛ, “Mraalɛ dɔɔnwo ɛbɔ mɔdenle kpalɛ wɔ bɛ hu mɔ anwo, na wɔmɔ, ɛtɛla bɛ kɔsɔɔti.”

Mrɛlɛbulɛ Buluku ne 31:31

Kanvo yelɛ kpalɛ wɔ ye gyima mɔɔ ɔyɛ la anwo, na maa bɛye ye ayɛlɛ bagua nu wɔ ɔ sa anloa gyima nwo.

Sɔlɔmɔn Edwɛne 5:16

Ye ɛdendɛlɛ yɛ fɛ kpole, ye debie biala twe ahonle. Me kulovolɛ ne nee me gɔnwo ne kɛ de la ɛne, O Gyɛlusalɛm mraalɛ.

Ayezaya Buluku ne 26:7

Tenlenenli adenle la aze fɛɛnye; ɛyɛ tenlenenli adenle ne tonlotonlo.

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Edwɛkpa ne kɛmɔ Maake hɛlɛle la 6:20

Hɛlɔdo zulole, ɔboalekɛ Dwɔn le sonla mɔɔ ye ɛbɛla tenrɛ na ɔ nwo te a, yemɔti ɔvale ye ɔziele kpalɛ. Ɔhulole kɛ ɔkɛdie Dwɔn anloa edwɛkɛ, noko kenle mɔɔ ɔkɛdie ye la ɛnee ɔ ti akunlu ɛzɛkye bɔkɔɔ.

Edwɛkpa ne kɛmɔ Luku hɛlɛle la 16:15

Gyisɛse zele bɛ kɛ, “Bɛmɛ, bɛle menli bie mɔɔ bu bɛ nwo wɔ menli nyunlu kɛ asɛɛ bɛdi pɛlepɛle, noko Nyamenle ze bɛ ahonle ne mɔ anu. Ɔluakɛ mɔɔ menli dwenle a ɔsonle bolɛ wɔ bɛ nye zo la le debie mgbane wɔ Nyamenle anye zo.

Edwɛkpa ne kɛmɔ Luku hɛlɛle la 2:25

Mekɛ ne anu ɛnee nrenya bie mɔɔ bɛfɛlɛ ye Semɛyɔn la wɔ Gyɛlusalɛm. Nrenya ɛhye le sonlakpalɛ. Nyamenle nwo ɛzulolɛ wɔ ye nu na ɔlɛkendɛ Yizilayɛma ngoanelielɛ ne. Sunsum Nwuanzanwuanza ne wɔ ye nu,

Edwɛkpa ne kɛmɔ Luku hɛlɛle la 23:50

Nrenya bie wɔ ɛkɛ, bɛfɛlɛ ye Dwosefi. Ɔvi Arelematia mɔɔ wɔ Dwudiya maanzinli nu la. Nrenya ne le sonlakpalɛ, ɔdi nɔhalɛ na ɔlɛkendɛ Nyamenle Belemgbunlililɛ ne ɛralɛ. Ɔboka Ayiama ne anwo, noko yeanlie bɛ kpɔkɛbɔlɛ ne nee mɔɔ bɛyɛle la yeando nu.

Dw 7:18

Awie mɔɔ di ɔ ti anwo kilehile la kpondɛ ɔdaye ɔ ngome ɔ nyunlu. Mɔɔ kpondɛ anyunlunyia maa mɔɔ zoanle ye la ka nɔhalɛ ne, yɛɛ nvonleɛ biala ɛnle ye nu.

Ɛzoanvolɛma Gyima ne 10:22

Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 22:12

“Nrenya bie wɔ Dɛmasekɛse ɛkɛ, bɛfɛlɛ ye Ananayase, ɔdi mɛla ne azo kpalɛ, yɛɛ Dwuuma mɔɔ wɔ Dɛmasekɛse la amuala bu ye.

Ɛzoanvolɛma Gyima ne 6:3

Yemɔti, ayi mɔ, bɛnlea na bɛye bɛ nuhua nsuu mɔɔ menli bu bɛ, mɔɔ Sunsum Nwuanzanwuanza ne wɔ bɛ nwo zo na bɛze nrɛlɛbɛ la bɛmaa yɛ, na yɛva bɛ yɛzie zɛhae gyima ye anloa,

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

Wulo 13:3

Ɔluakɛ ɔnle kɛ awie biala mɔɔ di boɛ la sulo menli mɔɔ maanlebulɛ ne wɔ bɛ sa nu la kyesɛ menli mɔɔ di ɛtane la ala. Bɛmkpondɛ kɛ bɛsulo sonla mɔɔ tumi wɔ ɔ sa nu la ɔ? Ɛnee bɛbɔ ɛbɛla kpalɛ, na ɔkɛhanvo bɛ.

Wulo 14:18

Awie biala mɔɔ sonle Kelaese wɔ zɛhae adenle zo la yɛɛ Nyamenle anye die ɔ nwo na ɔsɔ menli nye a.

Wulo 2:29

Dwuunli kpalɛ ne a le sonla ne mɔɔ sunsum nu yeyɛ ye ahonle nu mrenyanu nzonlɛ na ɔnyɛ ye nwonane nu debie la. Sonla ɛhye nyia ye nganvolɛ fi Nyamenle ɛkɛ, ɔnnyia ye ɔnvi menli lɔ.

1 Kɔl 4:5

Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

2 Kɔl 13:7

Yɛsɛlɛ Nyamenle kɛ bɛnrɛyɛ ɛtane, tɛ kɛ amaa bɛanwu kɛ yɛho yɛdɔ zolɛ ɔ, na amaa yɛmɛ, saa ɔzɔho kɛ yɛkpo aze bɔbɔ a, bɛmɛ bɛayɛ mɔɔ le fɔɔnwo la.

2 Kɔl 6:8

Bɛdi yɛ eni yɛɛ bɛgua yɛ nyunlu aze; bɛbɔ yɛ aholoba yɛɛ bɛye yɛ ayɛlɛ. Bɛbu yɛ alanema, noko yɛdi nɔhalɛ;

2 Kɔl 8:18

Yɛlɛsoa ye nee adiema ne mɔɔ asɔne ne mɔ amuala di ye eni wɔ Edwɛkpa ne nolobɔlɛ nwo la.

2 Kɔl 8:21

Debie titile mɔɔ gyi yɛ nye zo la a le kɛ yɛkɛyɛ mɔɔ tenrɛ wɔ Nyamenle nee menli nyunlu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:25

Zɔhane ati, bɛmmabɔ adalɛ bieko; awie biala ɛha nɔhalɛ ɛhile ɔ gɔnwo, ɔboalekɛ yɛ muala yɛle menli ko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:9

Ɔluakɛ wienyi nu yɛɛ kpalɛyɛlɛ, pɛlepɛlelilɛ nee nɔhalɛlilɛ dɔɔnwo vi ba a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:14

Zɔhane ati bɛziezie bɛ nwo bɛzie, bɛva nɔhalɛ bɛyɛ akyeso bɛhye; bɛva pɛlepɛlelilɛ bɛyɛ bulalɛ enyinlike bɛbutu bɛ kɛnra azo

Mɛla 16:20

Pɛlepɛle ala a bɛli ɔ nzi a, amaa bɛanyi bɛahyɛ na bɛava azɛlɛ ne mɔɔ Ɛdɛnkɛma bava amaa bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:1

Awieleɛ ne, mediema, bɛmaa bɛ nye ɛlie kɛ bɛra Awulae ɛkɛ a. Ɔnyɛ me ɛvɛlɛ kɛ mesi mɔɔ mehɛlɛ ye dɛba la azo wɔ bɛ kpalɛyɛlɛ ti a.

Kɔlɔ 4:5

Bɛdabɛ mɔɔ bɛnlɛ diedi la, bɛ nee bɛ ɛzia nrɛlɛbɛ nu, na bɛdendɛ bɛhile bɛ wɔ mekɛ biala mɔɔ bɛkɛnyia nuhua adenle la.

1 Tɛs 4:12

Saa bɛyɛ ye zɔhane na bɛanva bɛ rɛle bɛanzɔ awie a, bɛdabɛ mɔɔ bɛwɔ amozi na bɛnle diedima la kɛbu bɛ bie.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

1 Tem 3:11

Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.

1 Tem 3:4

Ɔwɔ kɛ ɔyɛ sonla mɔɔ kola bu ɔdaye ye awuke ne kpalɛ na ɔ mra fa enililɛ tie ye edwɛkɛ a.

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

1 Tem 5:2

mraalɛ mgbanyinli ne mɔ, tendɛ kile bɛ kɛ ɛ nli mɔ, yɛɛ mbɛlɛra ne mɔ noko, yɛ bɛ kɛ ɛ mediema mraalɛ, wɔ adenle mɔɔ nuhua te la anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:8

Ɔwɔ kɛ awie biala kola wolo ye na ɔkulo kpalɛyɛlɛ, ɔwɔ kɛ ɔkola ɔsɔ ɔ nwo, ɔyɛ sonla mɔɔ ye subane le kpalɛ, ɔ nwo te na ɔdi ɔ nwo eni.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:2

Kilehile mrenya mgbanyinli ne mɔ maa bɛyɛ bɛ nye gyɛlɛmgbɛɛnye, bɛdwenle, bɛzie bɛ nwo diinyi, bɛmaa bɛ diedi ɛyɛ nla, na bɛnyia ɛhulolɛ nee abotane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Kɛlata mɔɔ bɛhɛlɛle bɛhɔmanle Hibuluma la 11:2

Ɔluakɛ bɛ diedi ti yɛɛ mɔmoane amra dɔɔnwo mɔɔ ɛhɔ la zɔle Nyamenle anye a.

Kɛlata mɔɔ bɛhɛlɛle bɛhɔmanle Hibuluma la 13:18

Bɛhɔ zolɛ bɛzɛlɛ bɛmaa yɛ. Yɛsi pi kɛ yɛ adwenle nu le wienyi, ɔboalekɛ yɛkpondɛ kɛ dahuu yɛyɛ mɔɔ le kpalɛ la.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 4:8

Mɔɔ hyia kpalɛ la, bɛva bɛ ahonle muala bɛhulo bɛ nwo ngoko ngoko, ɔboalekɛ ɛhulolɛ maa bɛfa ɛtane dɔɔnwo bɛkyɛ.

2 Pit 3:1

Ayi mɔ, kɛlata mɔɔ tɔ zo nwiɔ mɔɔ melɛkɛlɛ mearɛlɛ bɛ la ɛne. Wɔ bɛ mu nwiɔ anu, mebɔ mɔdenle kɛ mekakyehakye bɛ adwenle,

1 Dw 3:18

Me mra ngakula, bɛmmamaa yɛfa edwɛkɛ ɛhanlɛ anzɛɛ yɛ nloa mgbane yɛkulo menli; ɔwɔ kɛ ɔyɛ nɔhalɛ ɛhulolɛ kpalɛ, na eza ɔfinde yɛ nyɛleɛ nu.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

Wulu 3:11

Kɛkala, me ra raalɛ, mmasulo; debie biala mɔɔ wɔbiza la, mebayɛ meamaa wɔ, ɔluakɛ awie biala mɔɔ wɔ sua ye azo la ze kɛ ɛle raalɛ mɔɔ lɛ subane a.