Pɔɔlo Kɛlata mɔɔ ɔhɛlɛle ɔhɔmanle Felepaema la 4:6 - BAEBOLO ANZƐƐ BULUKU NWUANZANWUANZA

⁶ Bɛmmadwenle debie biala anwo. Wɔ debie biala anu bɛyɛ moyɛlɛ nzɛlɛlɛ na bɛva mɔɔ bɛhyia nwolɛ la bɛdo Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:6 Cross References

1 Arl 8:28

O Ɛdɛnkɛma, me Nyamenle, tie me nzɛlɛlɛ nee me modolɛ na wɔ akɛlɛ a le me. Tie me ɛzunlɛ na yɛ mɔɔ ɛnɛ kenle ye melɛsɛlɛ wɔ la maa me.

2 Edk 32:20

Na Belemgbunli Hɛzikaya nee Emɔzo ara Nyamenle kpɔmanvolɛ Ayezaya zɛlɛle ɛhye anwo, na bɛzunle bɛvɛlɛle Nyamenle.

Edwɛndolɛ Buluku ne 51:15

O Awulae, buke me nloa, na mebaye wɔ ayɛlɛ.

Edwɛndolɛ Buluku ne 55:17

Nɔsolɛ nu, nwonlomɔ nee ewiazo meka me nyane na mesu, na ɔbadie me ne.

Edwɛndolɛ Buluku ne 55:22

Fa wɔ adesoa ne maa Ɛdɛnkɛma, na ɔbazɔ wɔ nu; ɔnrɛmaa tenlenenli ɛnrɛkpo aze.

Edwɛndolɛ Buluku ne 62:8

O adɛsa, bɛva bɛ rɛle bɛwula Nyamenle anu dahuu; bɛha bɛ ngyianlɛ kɔsɔɔti bɛhile ye; Nyamenle le yɛ ɛvealeka.

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Mrɛlɛbulɛ Buluku ne 16:3

Fa wɔ gyima wula Ɛdɛnkɛma asa anu, na wɔ ngyehyɛlɛ muala bali munli.

Sɔlɔmɔn Edwɛne 2:14

Ɛle kɛ abubule mɔɔ vea bodane mɔɔ ɛkpuke la avinli. Maa menwu ɛ nyunlu kɛnlɛma ne, na mende ɛ ne fɛlɛko ne, ɔluakɛ ɛ ne yɛ fɛ, yɛɛ ɛ nyunlu le kɛnlɛma.

Gyɛlɛmaya Buluku ne 32:16

Mɔɔ menvale azɛlɛ ne anwo kɛlata ne memanle Nilaya ara nrenya Bɛlɛke la, nzinlii menyɛle nzɛlɛlɛ menzɛlɛle Ɛdɛnkɛma kɛ, “Awulae Nyamenle,

Gyɛlɛmaya Buluku ne 33:3

Bɛzu bɛvɛlɛ me, na mebalie zolɛ; mebaha ninyɛne mgbole nee mɔɔ vea mɔɔ bɛtɛnwunle bɛ ɛlɛ la anwo edwɛkɛ meahile bɛ.

Daneɛle Buluku ne 3:16

Hyeedelake, Mihyake, yɛɛ Abɛdenɛgo buale belemgbunli ne kɛ, “O Nana, Nɛbukadenɛza, ɔngyia kɛ yɛkɛbua wɔ edwɛkɛ ɛhye anwo bie.

Daneɛle Buluku ne 6:10

Daneɛle nwunle kɛ bɛlie mɛla ne bɛdo nu na belemgbunli ɛva ɔ sa ɛwula ɔ bo la, ɔhɔle sua nu, ɔbukebukele ye nvɛnzɛlɛ ne mɔ mɔɔ kɔne Gyɛlusalɛm afoa nu la ɔguale nwolɛ, na kenle ko biala ɔhotole ɔzɛlɛle na ɔyɛle ye Nyamenle ne mo fane nsa, kɛmɔ ɛnee ɔyɛ ye dɛba ne la.

Edwɛkpa ne kɛmɔ Mateyu hɛlɛle la 10:19

Saa bɛfa bɛ bɛkɔ kɛ bɛli bɛ edwɛkɛ a, bɛmmadwenle mɔɔ bɛbaha la anwo anzɛɛ kɛ bɛbazi bɛaha ye la anwo; saa mekɛ ne dwu a, bɛbava mɔɔ bɛbaha la bɛamaa bɛ.

Edwɛkpa ne kɛmɔ Mateyu hɛlɛle la 13:22

Ma ne mɔɔ guale mbowule nu la gyi ɛkɛ maa menli mɔɔ tie edwɛkɛ ne noko aleɛabo ɛbɛlabɔlɛ nwo adwenleadwenle nee anwonyia ɛhulolɛ nwo adwenle fo edwɛkɛ ne azo, na bɛnzo ma la.

Edwɛkpa ne kɛmɔ Mateyu hɛlɛle la 6:34

Ɛhye ati bɛmmadwenle ɛhyema anwo; ɛhyema ɔdaye ɔ nee ɔ ti anwo adwenleadwenle ɛdeɛ lua. Ɔngyia kɛ bɛkɛva kenle ko anwo adwenleadwenle ɛdeɛ bɛkɛboka ko ɛdeɛ nwo.

Edwɛkpa ne kɛmɔ Mateyu hɛlɛle la 6:8

Bɛmmayɛ ye kɛ menli zɔhane mɔ yɛ ye la, ɔluakɛ bɛ Ze mɔɔ wɔ anwuma la ze mɔɔ bɛhyia nwolɛ la amuala kolaa na bɛabiza ye.

Edwɛkpa ne kɛmɔ Luku hɛlɛle la 10:41

Awulae buale ye kɛ, “Maata, Maata! Ninyɛne dɔɔnwo gyegye wɔ sɛkye wɔ adwenle.

Edwɛkpa ne kɛmɔ Luku hɛlɛle la 12:22

Akee Gyisɛse zele ye ɛdoavolɛma ne kɛ, “Ɛhye ati meka meahile bɛ, bɛmmadwenle aleɛ mɔɔ bɛdi bɛanyia ngoane anzɛɛ ɛdanlɛ mɔɔ bɛkɛheda la anwo.

Edwɛkpa ne kɛmɔ Luku hɛlɛle la 12:29

“Yemɔti bɛmmamaa bɛ adwenle sɛkye wɔ mɔɔ bɛkɛli nee mɔɔ bɛkɛnlo la anwo.

Edwɛkpa ne kɛmɔ Luku hɛlɛle la 18:1

Akee Gyisɛse bule ɛrɛlɛ ɛhye hilele ye ɛdoavolɛma ne mɔ vale hilele kɛ ɔwɔ kɛ bɛyɛ nzɛlɛlɛ dahuu na ɔnle kɛ bɛkpo aze.

Edwɛkpa ne kɛmɔ Luku hɛlɛle la 18:7

Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

1 Kɔl 7:21

Nyamenle vɛlɛle wɔ la ɛnee ɛle akɛlɛ ɔ? Ɔnle debie, mmadwenle nwolɛ; noko saa adenle bie azo ɛkɛhola ɛkɛkpɔne ɛ nwo a, yɛ ye zɔhane.

1 Kɔl 7:32

Mekpondɛ kɛ bɛye adwenleadwenle muala bɛfi ɛkɛ. Nrenya mɔɔ ɛngya raalɛ la dwenle Awulae gyima ne anwo, ɔluakɛ ɔbɔ mɔdenle kɛ ɔkɛzɔ Awulae anye;

2 Kɔl 1:11

ɔlua bɛ nzɛlɛlɛ ti. Zɔhane ala yɛɛ menli dɔɔnwo bayɛ Nyamenle mo wɔ yɛ ti, kɛ ɔlua menli somaa nzɛlɛlɛ zo yelo yɛ ɛlolɛ kpole zɛhae a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:20

Bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:18

Bɛva nzɛlɛlɛ bɛyɛ ɛhye mɔ amuala na bɛbiza Nyamenle moalɛ. Mekɛ biala bɛzɛlɛ kɛmɔ sunsum ne kile la. Zɔhane ati bɛmaa bɛ nye ɛbolo bɛbodo bɛzɛlɛ kpalɛ wɔ Sunsum ne anu dahuu. Bɛyɛ bɛ nye gyɛlɛmgbɛɛnye na bɛmmamaa bɛ sa kpa; bɛzɛlɛ dahuu bɛmaa Nyamenle menli ne noko,

Kɔlɔ 3:15

Bɛmaa Kelaese anzonudwolɛ ne mɔɔ ɔmaa bɛ la ɛvinde bɛ kpɔkɛbɔlɛ nu, ɔluakɛ Nyamenle ɛvɛlɛ bɛ muala wɔ asɔne ye anu kɛ bɛdɛnla anzonudwolɛ nu. Bɛnwu nyele.

Kɔlɔ 3:17

Debie biala mɔɔ bɛyɛ, edwɛkɛ biala mɔɔ bɛka, nyɛleɛ biala anu, bɛyɛ ye wɔ Awulae Gyisɛse duma nu, na bɛlua ɔ nwo zo bɛyɛ Nyamenle Selɛ ne mo.

Kɔlɔ 4:2

Bɛyɛ nzɛlɛlɛ dahuu, bɛzie bɛ adwenle koonwu wɔ bɛ nzɛlɛlɛ nu, na bɛyɛ Nyamenle mo.

1 Tem 2:1

Zɔhane ati, edwɛkɛ mɔɔ lumua la a le kɛ, anrɛɛ bodo, sɛlɛ maa ɛ nwo nee awie mɔ na yɛ Nyamenle mo wɔ menli kɔsɔɔti ati.

1 Tem 5:5

Kunlanvolɛ mɔɔ ɛnlɛ awie ɛnnea ye la, ɛva ɔ nye ɛdo Nyamenle anwo zo, na ɔhɔ zolɛ ɔbodo ɔzɛlɛ na ɔbiza moalɛ aledwolɛ nee alehyenlɛ.

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

1 Pit 5:7

Bɛva bɛ adwenleadwenle muala bɛgua ɔ nwo zo, ɔboalekɛ ɔdwenle bɛ nwo.

1 Sam 1:15

Hana zele ye kɛ, “Me menle, mele raalɛ mɔɔ me adwenle ɛha ɛbɔ nu a. Metɛnonle nwanye anzɛɛ nza ɛsesebɛ biala; me nyane edwɛkɛ a melɛka meahile Ɛdɛnkɛma a.

1 Sam 30:6

Edwɛkɛ dole Devidi, ɔluakɛ ye menli ne yɛle kɛ bɛsi ye awolɛ, ɔboalekɛ awie biala ɛlɛdi nyane kpole kɛ bɛhye ɔ ye nee ɔ mra bɛhɔ a. Na Devidi Ɛdɛnkɛma ye Nyamenle ne manle ye akɛnrazilɛ.

1 Sam 7:12

Akee Samoɛle vale bolɛ kpɔnlanle Mezepa nee Hyɛn avinli na ɔvɛlɛle ye “Ɛbɛnizɛ” na ɔzele kɛ, “Ɛdɛnkɛma ɛboa yɛ toonwo a, yeradwu ɛnɛ a.”