Pɔɔlo Kɛlata mɔɔ ɔhɛlɛle ɔhɔmanle Felepaema la 4:5 - BAEBOLO ANZƐƐ BULUKU NWUANZANWUANZA

⁵ Bɛmaa awie biala ɛnwu kɛ bɛlɛ abotane molozo. Awulae ɛbikye.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:5 Cross References

Edwɛkpa ne kɛmɔ Mateyu hɛlɛle la 6:25

“Ɛhye ati meka meahile bɛ, bɛmmadwenle mɔɔ bɛbali anzɛɛ mɔɔ bɛbanlo bɛanyia ngoane, anzɛɛ ɛdanlɛ mɔɔ bɛbaheda la anwo. Asoo ngoane ɛngyia ɛndɛla aleɛ, anzɛɛ nwonane ye ɛngyia ɛndɛla ɛdanlɛ?

Edwɛkpa ne kɛmɔ Mateyu hɛlɛle la 6:34

Ɛhye ati bɛmmadwenle ɛhyema anwo; ɛhyema ɔdaye ɔ nee ɔ ti anwo adwenleadwenle ɛdeɛ lua. Ɔngyia kɛ bɛkɛva kenle ko anwo adwenleadwenle ɛdeɛ bɛkɛboka ko ɛdeɛ nwo.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

1 Kɔl 16:22

Awie biala mɔɔ ɛngulo Awulae la, munzule ɛha ye. Yɛ Awulae, bɛla!

1 Kɔl 6:7

Saa bɛ nee bɛ gɔnwo mɔ twe manzonle bɔbɔ a ɛnee noko bɛha aze. Duzu ati a bɛngulo kɛ awie kɛvo bɛ ɛ? Duzu ati a bɛngulo kɛ awie kɛsisi bɛ ekyii ɛ?

1 Kɔl 8:13

Yemɔti, saa aleɛ zɛhae kɛmaa me diema bie kɛkpo aze a, ɛnee menrɛli aleɛ zɔhane bieko na aloa abɔ, amaa me diema bie anyɛ ɛtane.

1 Kɔl 9:25

Awie biala mɔɔ kazu ɛnriandilɛ la siezie ɔ nwo kpalɛ wɔ adenle biala anu. Ɔyɛ ye zɔhane, amaa bɛabɔ ye nwolɛ abɔtile, abɔtile ɛhye bɔbɔ ɛngyɛ na yeazɛkye. Na yɛmɛ Keleseɛnema, yɛsu ɛnriandilɛ yɛdie abɔtile mɔɔ ɛnzɛkye ɛlɛ la.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Tɛs 2:2

bɛmmamaa bɛ adwenle yɛ bɛ kpomgbondee anzɛɛ bɛmmadi nyane wɔ nwolɛ na bɛdwenle kɛ asɛɛ Awulae Kenle zɔhane ɛraze dɛbadɛba. Ɔkɛyɛ kɛ bekezɛ ɔvindele Sunsum nu edwɛkɛ bie anu anzɛɛ Nyamenle Edwɛkɛ ne nolobɔlɛ nu, anzɛɛ yɛhɛlɛ ye wɔ yɛ ngɛlata mɔɔ yɛva yɛrɛlɛ bɛ la bie anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

Kɛlata mɔɔ bɛhɛlɛle bɛhɔmanle Hibuluma la 10:25

Bɛmmamaa yɛgyakyi kɛ yɛkɛhɔ yɛ nyianu ne, kɛmɔ bie mɔ yɛ la. Bɛdabɛ bɛkola bɛnwu kɛ Awulae Kenle ne ɛbikye, yemɔti bɛmaa yɛsosɔ yɛ nwo ngoko ngoko.

Kɛlata mɔɔ bɛhɛlɛle bɛhɔmanle Hibuluma la 10:37

Nyamenle Edwɛkɛ ne se, “Ɔnrɛhyɛ biala na sonla ne mɔɔ ba la ara, ɔnrɛzi aze fee.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 22:7

Na Gyisɛse zele kɛ, “Bɛdie, ɔnrɛhyɛ biala na meara!” Nyilalɛ ɛha bɛdabɛ mɔɔ bɛkɛli Nyamenle edwɛkɛ ne mɔɔ wɔ buluku ɛhye anu la azo la.