Pɔɔlo Kɛlata mɔɔ ɔhɛlɛle ɔhɔmanle Felepaema la 4:4 - BAEBOLO ANZƐƐ BULUKU NWUANZANWUANZA

⁴ Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4 Cross References

Edwɛndolɛ Buluku ne 146:2

Mekɛ tendenle mɔɔ mede ngoane nu la, mebaye Ɛdɛnkɛma ayɛlɛ; mebado ayɛlɛyelɛ edwɛne meamaa me Nyamenle mekɛ mɔɔ ngoane wɔ me nu la.

Edwɛndolɛ Buluku ne 33:1

O bɛmɛ tenlenema, bɛli fɛlɛko wɔ mɔɔ Ɛdɛnkɛma ɛyɛ la ati! Bɛmɛ mɔɔ bɛdi boɛ la, bɛye ye ayɛlɛ.

Habakɛke Buluku ne 3:18

noko Ɛdɛnkɛma ati, mebali fɛlɛko, me ngoanelielɛ Nyamenle ne ati, me nye balie.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Ɛzoanvolɛma Gyima ne 16:25

Nɔe ne, kɛyɛ alevinli mu nwiɔ avinli, ɛnee Pɔɔlo nee Saelase ɛlɛyɛ nzɛlɛlɛ na bɛlɛto edwɛne bɛaye Nyamenle ayɛlɛ, na menli mɔɔ bɛdabɛ noko bɛgua efiade ne bie la ɛlɛtie bɛ.

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:8

Noko awie biala, saa yɛdayɛ o anzɛɛ Nyamenle soanvolɛma o, mɔɔ bɔ edwɛkpa gyɛne bie nolo ahile bɛ atia mɔɔ yɛha yɛhile bɛ dɛba la, munzule ɛha ye.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:18

Zɔhane ala yɛɛ ɔwɔ kɛ bɛdabɛ noko bɛ nye die na bɛ nee me di fɛlɛko a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:1

Awieleɛ ne, mediema, bɛmaa bɛ nye ɛlie kɛ bɛra Awulae ɛkɛ a. Ɔnyɛ me ɛvɛlɛ kɛ mesi mɔɔ mehɛlɛ ye dɛba la azo wɔ bɛ kpalɛyɛlɛ ti a.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.