Pɔɔlo Kɛlata mɔɔ ɔhɛlɛle ɔhɔmanle Felepaema la 4:18 - BAEBOLO ANZƐƐ BULUKU NWUANZANWUANZA

¹⁸ Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18 Cross References

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:18

Yela boane ne mumua wɔ azukponle ne azo bɔ azu maa medame Ɛdɛnkɛma. Azubɔlɛ ɛhye mɔɔ bɛfa senle bɛbɔ bɛmaa Ɛdɛnkɛma la sɔ me nye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:3

na bɛfa ɛnlankɛ anzɛɛ boane kɛ bɛyela ye bɛabɔ azu, anzɛɛ bɛfa bɛaye ɛwɔkɛ, anzɛɛ bɛfa bɛayɛ ahunlunyele azubɔdeɛ, anzɛɛ ɛvoyialilɛ azubɔdeɛ bɛamaa Ɛdɛnkɛma a, amaa yeazɔ ɔ nye la,

Ɛzoanvolɛma Gyima ne 10:4

Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

2 Kɔl 11:8

Mekɛ mɔɔ meyɛ gyima ne wɔ bɛ avinli la, ɛnee asɔne ne bie mɔ a nea me a, yɛɛ saa meka ye kpalɛ a, ɛnee melɛwua asɔne ne mɔ, amaa meaboa bɛmɛ.

2 Kɔl 9:12

Ɔluakɛ bɛ ɛzonlenlɛ gyima ɛhye ɛmmaa Nyamenle menli ne ɛnnyia mɔɔ bɛkpondɛ la angome, na eza ɔmaa menli buke bɛ ahonle nu yɛ Nyamenle mo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:12

Meze ehyia di, meze ezukoa di. Mezukoa ɛhye mɔ ɛyɛlɛ, amaa ɛleka biala nee mekɛ biala anu, saa menyia ye medi o, meannyia ye meanli o, saa melɛ bie o, menlɛ bie o, me kunlu adwo me nwo.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.