Pɔɔlo Kɛlata mɔɔ ɔhɛlɛle ɔhɔmanle Felepaema la 4:17 - BAEBOLO ANZƐƐ BULUKU NWUANZANWUANZA

¹⁷ Tɛ kɛ asɛɛ mekpondɛ nwanle la ati ɔ, na mekpondɛ kɛ mɔɔ bɛyɛ la anwo ba nvasoɛ dɔɔnwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:17 Cross References

Mrɛlɛbulɛ Buluku ne 19:17

Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

Maeka Buluku ne 7:1

Abule ɛbu me! Ɔluakɛ meyɛ kɛ sonla mɔɔ ɛhɔne ɛlɛku ye na bɛtete ye wawaa nzoleɛ muala la, vanye ma ɛwie vanye mbaka zo, yɛɛ feege ma mɔɔ ɛlielie la bie ɛnle ɛkɛ na meade bie meazɔ me ɛbolɛ.

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 15:8

Saa bɛyɛ Nyamenle ɛhulolɛdeɛ a, ɛnee bɛlɛye Egya anyunlunyia bɛahile; na ye zɛhae azo a bɛlua a bɛkɛhile kɛ bɛle me ɛdoavolɛma a.

Wulo 15:28

Saa mewie gyima ɛhye di na mefa mɔɔ bɛnyia ye la mekɔmaa bɛ mewie a, mebaraze meahɔ Sepeen, na mebava bɛ nwo ɛkɛ ne mearakpɔla bɛ.

2 Kɔl 11:16

Mesi zolɛ bieko: bɛ nuhua biala mmadwenle kɛ mele kɔnwɔne; na saa bɛbu me zɔhane bɔbɔ a, ɛnee eza noko bɛlie me kɛ kɔnwɔne, amaa meanyia bie meadu me nwo ekyii.

2 Kɔl 9:5

Zɔhane ati medwenle nwolɛ kɛ ɔhyia kɛ metu mediema ɛhye mɔ kɛ bɛlumua me nyunlu wɔ bɛ nwo lɔ, na bɛaboɔboa ahyɛlɛdeɛ ne mɔ mɔɔ bɛvale bɛbɔle ɛwɔkɛ la anloa bɛado ɛkɛ, amaa saa meba a yeanyɛ kɛ asɛɛ awie yɛɛ ɛhye bɛ mialeranu kɛ bɛyɛ a, na bɛdabɛ bɛkulo kɛ bɛboa la ati ɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:11

Mɔɔ melɛka la ɛngile kɛ me nwo ɛhyele me, ɔluakɛ mezukoa kɛ me kunlu kɛdwo me nwo mekɛ biala wɔ gyinlabelɛ biala mɔɔ mewɔ nu la anu.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

2 Pit 2:15

Bɛgyakyi adenle kpalɛ ne na bɛminli nwɔnda; bɛva Biyɔ ara Beelam mɔɔ doale ezukoa anyebolo na ɔlile ɛtane

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.