Pɔɔlo Kɛlata mɔɔ ɔhɛlɛle ɔhɔmanle Felepaema la 4:13 - BAEBOLO ANZƐƐ BULUKU NWUANZANWUANZA

¹³ Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13 Cross References

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 45:24

“Bɛbaha wɔ me nwo kɛ, Ɛdɛnkɛma anu yɛɛ yɛnwu tenleneyɛlɛ nee tumi a. Bɛdabɛ mɔɔ bɛva ɔ nwo ɛya la bara ye ɛkɛ na bɛ nyunlu agua aze.

Edwɛkpa ne kɛmɔ Mateyu hɛlɛle la 14:29

Gyisɛse zele ye kɛ, “Bɛla!” Yemɔti Pita vi ɛlɛne ne anu dwule na ɔbɔle ɔ bo kɛ ɔtia azule ne anye yeahɔ Gyisɛse anwo lɔ.

Dw 15:7

Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.