Pɔɔlo Kɛlata mɔɔ ɔhɛlɛle ɔhɔmanle Felepaema la 3:9 - BAEBOLO ANZƐƐ BULUKU NWUANZANWUANZA

⁹ na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9 Cross References

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:23

Ɛdɛnkɛma zɛkyele debie biala mɔɔ die ɛnwomenle mɔɔ wɔ azɛlɛ ye azo la, sonla, nane, debie biala mɔɔ twenle ɔ nwo aze, yɛɛ nloma. Nowa nee bɛdabɛ mɔɔ bɛwɔ ɛlɛne ne anu la ala a hale a.

1 Arl 8:46

“Kɛmɔ ɛtane ɛmkpa sonla nwo la, saa wɔ menli ne fo wɔ, maa ɛfa bɛ nwo ɛya na ɛmaa bɛ kpɔvolɛma di bɛ nwo zo konim, fa bɛ donvula kɔ nlɔnu wɔ maanle gyɛne mɔɔ bikye anzɛɛ wɔ moa moa la azo,

2 Edk 32:25

Noko kɛmɔ ɛnee mgbanyizonle ɛmaa Hɛzikaya andɛba ɛmemaa zolɛ la ati, yeanyɛ Nyamenle mo wɔ nyele ɛhye anwo. Yemɔti Nyamenle ɛya ne rale ɔdaye, Gyɛlusalɛmma, yɛɛ Dwudama amuala anwo zo.

2 Edk 32:31

Yemɔti mɔɔ soanvolɛma mɔɔ Babelɔn mgbanyinli zoanle bɛ la rale kɛ bɛbabiza bɛanwu debie mɔɔ ɛlɛkɔ zolɛ wɔ ye maanle ne anu la, Nyamenle gyakyile debie biala manle ɔdaye, ɔvale ɔzɔle ye ɔnleanle, amaa yeanwu mɔɔ wɔ ye ahonle nu la.

Edwɛndolɛ Buluku ne 14:3

Noko bɛ muala bɛminli, bɛ muala bɛzɛkye bɔkɔɔ; sonla ko ɛnle ɛkɛ mɔɔ bɔ ɛbɛla kpalɛ a, kyɛkyɛ, ko bɔbɔ ɛnle ɛkɛ.

Edwɛndolɛ Buluku ne 143:2

Mmabua wɔ akɛlɛ ndɛne; ɔluakɛ ɛ nyunlu, awie biala ɛnli benle.

Edwɛndolɛ Buluku ne 19:12

Awie ɛngola ɛnnwu ɔdaye ye nvonleɛ, Ɛdɛnkɛma, die me fi me nvonleɛ mɔɔ vea la anu.

Nolo 7:20

Nɔhalɛ, tenlenenli biala ɛnle azɛlɛ ye azo mɔɔ kpalɛ ngome ala a ɔyɛ na ɔnyɛ ɛtane ɛlɛ a.

Ayezaya Buluku ne 46:13

Memaa bɛ ngoanelielɛ kenle ne ɛbikye, ɔnle moa fee, yɛɛ ɔnrɛhyɛ na me ngoanelielɛ ne ara. Mebalie Gyɛlusalɛm na meava anyunlunyia meamaa Yizilayɛ.”

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 53:6

Yɛ muala yɛminli kɛ mboane la; yɛ nuhua biala ɔdaye yeva ye adenle ɛdeɛ zo; Ɛdɛnkɛma ɛva yɛ ɛtane ne mɔ amuala ɛgua ɔ nwo zo.

Ayezaya Buluku ne 6:5

Na menganle kɛ, “Medame, mebɔ munzule! Meminli, ɔluakɛ mele sonla mɔɔ meka ɛtane, yɛɛ mede menli mɔɔ ka ɛtane la avinli. Noko akee menwu Belemgbunli ne, Tumivolɛ Ɛdɛnkɛma!”

Gyɛlɛmaya Buluku ne 23:6

Wɔ ye mekɛ zo, Dwudama banyia bɛ ti na Yizilayɛma anwo adɔ bɛ. Duma mɔɔ bɛbava bɛavɛlɛ ye la a le, ‘Ɛdɛnkɛma le tenlenenli.’

Gyɛlɛmaya Buluku ne 33:16

Mekɛ zɔhane anu Dwuda banyia ɔ ti na Gyɛlusalɛm anyia anzonudwolɛ. Na akee bɛbavɛlɛ suakpole ne ‘Ɛdɛnkɛma le Tenlenenli.’

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Edwɛkpa ne kɛmɔ Mateyu hɛlɛle la 9:13

Bɛhɔ bɛhɔkpondɛ Nyamenle Edwɛkɛ ɛhye abo: ‘Mekulo anwunvɔnezelɛ, na tɛ nane azubɔlɛ ɔ.’ Meamba menli mɔɔ ɛkpazi la ɛvɛlɛlɛ; membale bɛdabɛ mɔɔ awie ɛmbu bɛ bie la ɛvɛlɛlɛ!”

Wulo 1:17

Ɔluakɛ ɔvi mɔlebɛbo ne kɔdwu awieleɛ ne amuala, Nyamenle dua diedi zo a maa menli sɔ ɔ nye a. Nyamenle Edwɛkɛ ne se, “Mɔɔ bɛkɛlua ye diedi zo bɛkɛmaa ɔkɛzɔ Nyamenle anye la banyia ngoane.”

Wulo 10:10

Ɔluakɛ saa sonla fa ye ahonle die di a yɛɛ ɔka ye diedi ne ɔ nloa na ɔnyia ngoane a.

Wulo 16:7

Me gɔnwo mɔ Dwuuma nwiɔ ne mɔɔ bɛguale yɛ muala efiade, mɔɔ le Andulonaekɛse nee Dwuniase, mebiza bɛ ahye, ɛzoanvolɛma ne mɔ ze bɛ kpalɛ kpalɛ, yɛɛ bɛdoale Kelaese abo zo kolaa na meahakyi mearayɛ Kelaese ɛdoavolɛ.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:16

Noko mɔɔ yɛnwu ye la a le kɛ, tɛ mɛla ne azo ɛlilɛ yɛɛ maa sonla sɔ Nyamenle anye a, kyesɛ yɛdie Gyisɛse Kelaese yɛdi kolaa na yɛazɔ Nyamenle anye. Yɛdayɛ bɔbɔ, yɛliele Kelaese Gyisɛse yɛlile kolaa na Nyamenle alua zolɛ yeamaa yɛazɔ ɔ nye, na tɛ mɛla ne mɔɔ yɛlile zolɛ la ati ɔ. Ɔluakɛ sonla biala mɔɔ di mɛla ne azo la ɛnrɛzɔ Nyamenle anye ɛlɛ.

Mɛla 27:26

“ ‘Munzule ɛha sonla mɔɔ yeanli mɛla ɛhye mɔ azo la.’ “Menli ne amuala baha kɛ, ‘Amen!’

Pɔɔlo Kɛlata mɔɔ ɔhɛlɛle ɔhɔmanle Felepaema la 3:6

Mɔdenlebɔlɛ nu a menyɛle diedima ne kpɔdekpɔde, yɛɛ saa ɔhale kɛ sonla di mɛla ne azo na yeazɔ Nyamenle anye a, anrɛɛ menli fɔlɛ hweledede.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5

ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Kɛlata mɔɔ bɛhɛlɛle bɛhɔmanle Hibuluma la 6:18

Ɛhye ati, ninyɛne nwiɔ ɛhye mɔ a wɔ ɛkɛ mɔɔ ɛngakyi na ɔkile kɛ Nyamenle ɛnrɛbɔ adalɛ ɛlɛ a, amaa yɛdayɛ mɔɔ yɛnriandi yɛahɔvea ye nu la yɛanyia akɛnrasesebɛ yɛazɔ anyelazo ɛhye mɔɔ bɛva bɛzie yɛ nyunlu la anu kpalɛ.

Gyemise Kɛlata ne 3:2

Yɛ muala yɛfo wɔ ninyɛne dɔɔnwo anu. Sonla mɔɔ ɛnvo wɔ ye edwɛkɛ ɛhanlɛ nu la di munli na ɔkola ɔsɔ ɔ nwo.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

1 Dw 3:4

Awie biala mɔɔ yɛ ɛtane la di fɔlɛ kɛ ɔto Nyamenle mɛla ne, ɔluakɛ ɛtane le mɛladonlɛ.