Pɔɔlo Kɛlata mɔɔ ɔhɛlɛle ɔhɔmanle Felepaema la 3:8 - BAEBOLO ANZƐƐ BULUKU NWUANZANWUANZA

⁸ Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8 Cross References

1 Arl 14:10

Ɔlua ɛhye ati mebadu wɔ ebia ne azo na meahu ɛ bo zo amra mrenya ne mɔ amuala, ngakula nee mgbanyinli kɔsɔɔti bawu. Mebabɔ ɛ bo zo tɔɔ na meayela bɛ kɛ bɛyela ewula la.

2 Arl 9:37

na Gyɛzɛbɛle funli bayɛ kɛ ewula la wɔ Gyɛzɛlii guabile zo, amaa awie annwu ye sonla holɛ na yeaze kɛ, Gyɛzɛbɛle a la ɛke la.’ ”

Dwobu Buluku ne 20:7

ɔbakpɔlɔ kɛ ɔdaye ye ebinli; na menli mɔɔ ɛnwu ye ɛlɛ la babiza kɛ, ‘Ɔwɔ ni?’

Edwɛndolɛ Buluku ne 126:6

Sonla ne mɔɔ fa ɛzunlɛ soa ye ma kɛ ɔkalua la, bava anyelielɛ adeɛdea nu, ava ye bɛyɔba ne ara sua nu.

Edwɛndolɛ Buluku ne 73:25

Menlɛ awie wɔ anwuma kɛ ɛdawɔ, yɛɛ memkpondɛ ɛhwee wɔ ewiade kɛ wɔmɔ.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Malakae Buluku ne 2:3

Mebahwi bɛ bo zo amra anyunlu, na meava bɛ azubɔlɛ nane ne mɔ ebinli meakpuda bɛ nyunlu, na meaye bɛ meavi me nye zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:30

Menvale membɔle ɛwɔkɛ kɛ memaa bɛahɔdɛnla ɛkɛ, noko bɛ nuhua ko bɔbɔ agyakɛ ba ɛnrɛtia azɛlɛ ne azo, kyesɛ Gyɛfɛni ara nrenya Kalɛbe yɛɛ Nɛn ara nrenya Dwɔhyua ala.

Edwɛkpa ne kɛmɔ Luku hɛlɛle la 1:43

Debie kpole ɛhye vi nienwu a ɛrado me a, kɛ me Awulae ɔ nli kɛra me ɛkpɔlalɛ?

Edwɛkpa ne kɛmɔ Luku hɛlɛle la 11:20

Na saa medua Nyamenle tumi ne azo a metu mbɔnsam a, ɛnee ɛhye kile kɛ Nyamenle Belemgbunlililɛ ne ɛdwu bɛ nwo ɛke dɛbadɛba.

Dw 14:20

Saa mekɛ zɔhane dwu a bɛkɛnwu kɛ mede Egya nu na bɛdabɛ noko bɛde me nu, na medame mede bɛ nu la.

Dw 14:7

Ɔvale ɔzɔle zo kɛ, “Saa bɛze me a anrɛɛ bɛze Egya noko, yɛɛ ɔvi ɛnɛ mɔɔ kɔ la, bɛnwu ye yɛɛ bɛze ye.”

Dw 16:3

Bɛbayɛ ɛhye mɔ amuala, ɔluakɛ bɛnze Selɛ ne yɛɛ bɛnze me.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 17:8

Nrɛlaleɛ mɔɔ ɛvale ɛmanle me la, meva memaa bɛ, yɛɛ bɛzɔ nu noko; bɛze kɛ ɔle nɔhalɛ kɛ mevi ɛ nwo lɔ a membale a, yɛɛ bɛdie bɛdi kɛ ɛdawɔ a ɛzoanle me a.

Dw 20:13

Bɛbizale ye kɛ, “Ɔmɔ, duzu ati a ɛlɛsu a?” Ɔbuale bɛ kɛ, “Bɛrava me Awulae bɛhɔ, na mennwu ɛleka mɔɔ bɛhɔdo ye a.”

Dw 20:28

Tɔmase buale kɛ, “Me Awulae nee me Nyamenle!”

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Wulo 8:18

Menea a amaneɛ mɔɔ yɛlɛnwu ye ɛke la kpole ɛnrɛdo kenlebie anyunlunyia mɔɔ yɛbanyia ye la.

Wulo 8:39

yɛɛ tumi anzɛɛ debie biala ɛnle ewiade ye anu, anwuma anzɛɛ azɛlɛ ti anu, anzɛɛ ewiade ye anu debie biala ɛnle ɛkɛ mɔɔ kɛhola kɛkpɔkye yɛ kɛvi Nyamenle ɛhulolɛ ne mɔɔ ɔlua yɛ Awulae Kelaese Gyisɛse anwo zo yɛnyia ye la anwo.

1 Kɔl 2:2

Ɔluakɛ membɔle me ti anu kpɔkɛ kɛ me rɛle kɛvi debie biala wɔ mekɛ mɔɔ me nee bɛ de la na ɔkɛha Gyisɛse Kelaese angome nee ye meanubaka ne azo ewule ne ala,

1 Kɔl 9:10

Anzɛɛ tɛ yɛmɛ yɛ ti a ɔhanle ɛhye a? Nɔhalɛ, bɛhɛlɛ ɛhye wɔ sonla ti. Bɛmaa mɔɔ so ɛya nee mɔɔ fa nu aleɛ la ɛyɛ bɛ gyima ne anyelazo nu kɛ bɛbanyia bɛ afoa nu aleɛ ɛdeɛ.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:16

ɔyele ɔ ra ne ɔhilele me kɛ akee menga Edwɛkpa ne mɔɔ fane Kelaese anwo mengile bɛdabɛ mɔɔ bɛnle Dwuuma la amuala mɔɔ ɛtɛtele la, meangɔmbiza sonla biala adwenle,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:13

kɔdwu kɛ awieleɛ ne, kɛmɔ yɛdie yɛdi na yɛze Nyamenle Ara ne la ati, yɛkɛbɔ nu yɛkɛyɛ ko na yɛayɛ kɛ menli mɔɔ bɛ adwenle ɛdi na bɛ nee Kelaese ɛzɛ atipɛne la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:1

Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:10

Mɔɔ mekpondɛ la a le kɛ menwɔnwu Kelaese na menwɔde ye ewudwazo tumi ne me nu, na me nee ye yɛkɛnwu amaneɛ na menwɔyɛ kɛ ɔdaye wɔ ye ewule nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:12

Menga kɛ meho medɔ zo anzɛɛ meli munli. Metɛbɔ mɔdenle kɛ me sa kɛha ahyɛlɛdeɛ ne mɔɔ yemɔti Kelaese Gyisɛse ɛva ɔ sa ɛdo me nwo zo la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:7

Noko ɔlua Kelaese ati, ninyɛne mɔɔ anrɛɛ anwo lɛ nvasoɛ maa me la ɛnɛ ɛnzɔ me nye bieko.

2 Tem 4:6

Mame, mekɛ ne ɛdwu mɔɔ bɛfa me bɛabɔ azu a, mekɛ mɔɔ mefa meavi ewiade ɛhye anu la ɛbikye.

Kɛlata mɔɔ bɛhɛlɛle bɛhɔmanle Hibuluma la 3:14

Ɔluakɛ alumua diedi ne mɔɔ yɛnyianle la, saa yɛsɔ nu ɛsesebɛ yɛkɔ awieleɛ a yɛɛ yɛ nee Kelaese kɛli agya a.

1 Pit 2:7

Bolɛ ɛhye sonle bolɛ kpole kpalɛ maa bɛdabɛ mɔɔ bɛdie bɛdi la, na bɛdabɛ mɔɔ bɛnlie bɛnli la, Nyamenle Edwɛkɛ ne se, “Bolɛ ko ne ala mɔɔ suatovoma ne kpole kɛ ɔle debie mgbane la, yemɔ ala a ɔrayɛle bolɛ mɔɔ anwo hyia kpalɛ la a.”

2 Pit 1:2

Nyamenle ɛlo bɛ dɔɔnwo na ɔmaa bɛ nzo nu ɛdwo bɛ molozo kɛ bɛnwu ye nee yɛ Awulae Gyisɛse a.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

2 Pit 1:8

Ɔluakɛ saa bɛlɛ subane kpalɛ zɛhae molozo a, ɔmaa bɛ nwo kpundi bɛ na bɛyɛ nla wɔ yɛ Awulae Gyisɛse Kelaese anwo deɛnwunlɛ nu.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

1 Dw 2:19

Menli ɛhye mɔ vi yɛ nu a hɔle a, na bɛmboka yɛ nwo. Saa bɛboka yɛ nwo a, anrɛɛ bɛ nee yɛ dɛnlanle. Bɛgyakyile yɛ bɛhɔle, amaa yeala ali wienyi kɛ bɛ biala ɛmboka yɛ nwo.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.