Pɔɔlo Kɛlata mɔɔ ɔhɛlɛle ɔhɔmanle Felepaema la 3:7 - BAEBOLO ANZƐƐ BULUKU NWUANZANWUANZA

⁷ Noko ɔlua Kelaese ati, ninyɛne mɔɔ anrɛɛ anwo lɛ nvasoɛ maa me la ɛnɛ ɛnzɔ me nye bieko.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:7 Cross References

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:17

Na mɔɔ bɛ nee bɛ dwule suakpole ne kandiba la, bɛ nuhua ko zele kɛ, “Bɛnriandi bɛlie bɛ ngoane. Bɛmmato bɛ nye bɛ nzi, yɛɛ bɛmmagyinla ɛleka biala wɔ bɔnza ne anu. Bɛnriandi bɛhɔ awoka ne mɔ azo lɔ, anrɛɛ bɛkɛha esike nu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:26

Na Lɔɔto aye ne mɔɔ ɛnee li ɔ nzi la dole ɔ nye ɔ nzi, na ɔhakyile ngyenle mpila.

Dwobu Buluku ne 2:4

Na Seetan buale Ɛdɛnkɛma kɛ, “Ɔle zɔhane, na ye nwonane ne noko ɛ! Sonla kɛhulo kɛ ɔkɛdɛnla ngoane nu tɛla kɛ ɔkɛminli anwonyia biala mɔɔ ɔlɛ la.

Mrɛlɛbulɛ Buluku ne 13:8

Debie mɔɔ sonla fa kpɔne ɔ nwo fi ɛbɛlabɔlɛ awoba nu la a le ye anwonyia, na ehyianli ɛnlɛ bie mɔɔ ɔfa ɔdie ɔ nwo a.

Mrɛlɛbulɛ Buluku ne 23:23

Su ezukoa tɔ nɔhalɛ, nrɛlɛbɛ, ngilehilelɛ, yɛɛ ndelebɛbo; mmatɔne bie.

Nolo 3:6

mekɛ mɔɔ bɛkpondɛ, yɛɛ mekɛ mɔɔ bɛminli debie; mekɛ mɔɔ bɛfa bɛsie, yɛɛ mekɛ mɔɔ bɛfuandi bɛto;

Edwɛkpa ne kɛmɔ Mateyu hɛlɛle la 16:26

Saa sonla nyia ewiade ninyɛne ne amuala na ɔminli ye ɛkɛla a, duzu nvasoɛ a ɔnyia a? Ɔnnyia ɛhwee! Debie biala ɛnle ɛkɛ mɔɔ sonla kɛhola kɛva kɛzenza ye ngoane a.

Edwɛkpa ne kɛmɔ Maake hɛlɛle la 10:50

Nrenya ne dwazole, ɔvuandinle ye ɛdanlɛ ne ɔguale, na ɔrale Gyisɛse anwo ɛkɛ ne.

Edwɛkpa ne kɛmɔ Luku hɛlɛle la 14:26

“Awie biala mɔɔ ba me nwo arayɛ me ɛdoavolɛ, na yeangulo me edwɛkɛ yeandɛla ɔ ze nee ɔ nli, ɔ ye nee ɔ mra, ɔ mediema mrenya nee mraalɛ nee ɔdaye mumua ne ɔ nwo la ɛnrɛhola ɛnrɛyɛ me ɛdoavolɛ.

Edwɛkpa ne kɛmɔ Luku hɛlɛle la 14:33

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛ nuhua ko biala angyakyi debie biala mɔɔ ɔlɛ la anzi ɛlilɛ a, ɔnrɛhola ɔnrɛyɛ me ɛdoavolɛ a.

Edwɛkpa ne kɛmɔ Luku hɛlɛle la 16:8

“Na nrenya sukoavolɛ ne hanvole gyaneavolɛ anyebolo ne wɔ ye nrɛlɛbɛ mɔɔ ɔbɔle ɔyɛle ye alane gyima ne la anwo, ɔluakɛ ɔnwunle kɛ ɛtane ewiade ye anu amra ze awule nwo nrɛlɛbɛ fa yɛ nwule ninyɛne nea bɛ nwo tɛla wienyi nu amra.”

Ɛzoanvolɛma Gyima ne 27:38

Akee mɔɔ awie biala ako yile la bɛdule abɛlɛ mɔɔ wɔ ɛlɛne ne anu la bie bɛguale nyevile nu, amaa ɛlɛne ne ayɛ felafela.

Kɛlata mɔɔ bɛhɛlɛle bɛhɔmanle Hibuluma la 11:26

Ɔdwenlenle nwo kɛ saa sonla doa Kelaese ne abo zo na ɔnwu amaneɛ a, ɔle kpalɛ ɔtɛla kɛ ɔkɛnyia Yigyibiti anwonyia kɔsɔɔti a, ɔluakɛ ɛnee ɔ nye la ahyɛlɛdeɛ mɔɔ kenle bie Nyamenle bava amaa ye la azo.