Pɔɔlo Kɛlata mɔɔ ɔhɛlɛle ɔhɔmanle Felepaema la 3:5 - BAEBOLO ANZƐƐ BULUKU NWUANZANWUANZA

⁵ Menlile dapɛne ko ala la yɛɛ bɛyɛle me mrenyanu nzonlɛ a. Bɛwole me Yizilayɛnli, mevi Bɛngyaman abusua nu yɛɛ mele Hibulunli tɛnyetɛnye, egya nee ɔmɔ le Hibuluma, yɛɛ ɔba mɛla ne anwo edwɛkɛ a, mele Falasiinli.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:5 Cross References

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:13

Na awie ko mɔɔ vile ɛsalɛ la nriandile rahanle hilele Hibulunli Ebilam. Ebilam ɛnee de ɛleka bie mɔɔ bikye Amɔlenli Mameli oku mbaka ne mɔ mɔɔ bɛyɛ ɛzonlenlɛ wɔ bɛ bo la. Mameli amediema mrenya a le Ɛhyekɔlo nee Enɛ, yɛɛ bɛmɛ nsa bɛle Ebilam konle nu agɔnwolɛma.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:15

Ɔluakɛ nɔhalɛ nu, bɛwuale me a bɛ nee me vi Hibulu azɛlɛ zo rale a, yɛɛ ɛke noko, metɛyɛle ɛhwee mɔɔ ɔwɔ kɛ bɛto me efiade a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:12

Mekɛ ne anu ɛnee yɛ nee Hibulunli kpavolɛ bie mɔɔ le sinzavolɛma safohyenle ne sonvolɛ la a gua ɛkɛ a. Yɛhanle yɛ ɛlalɛ ne mɔ yɛhilele ye, na ɔhilele ɛlalɛ ne mɔ abo ɔhilele yɛ, kɛmɔ sonla ko biala ye ɛlalɛ ne de la.

Dwona Buluku ne 1:9

Dwona buale kɛ, “Mele Hibulunli. Mesonle Ɛdɛnkɛma, Nyamenle ne mɔɔ wɔ anwuma la. Yemɔ a ɔbɔle nyevile nee azɛlɛ a.”

Edwɛkpa ne kɛmɔ Luku hɛlɛle la 1:59

Ye kenle mɔtwɛ ne azo, bɛyɛle kakula ne mrenyanu nzonlɛ, na bɛyɛle kɛ bɛfa ye bɛado ɔ ze Zɛkalaya.

Edwɛkpa ne kɛmɔ Luku hɛlɛle la 2:21

Mɔɔ ɔlile kenle mɔtwɛ la, bɛyɛle kakula ne mrenyanu nzonlɛ na bɛdonle ye duma Gyisɛse. Duma ɛhye a Nyamenle soanvolɛ ne vale manle ye kolaa na bɛanrenzɛ ye a.

Edwɛkpa ne kɛmɔ Luku hɛlɛle la 5:38

Mɔɔ bɛyɛ la a le kɛ, bɛfa nwanye ndokuma bɛgua nwoma kodoku fofolɛ nu.

Ɛzoanvolɛma Gyima ne 22:3

“Mele Dwuunli, bɛwole me wɔ Taasɛse mɔɔ wɔ Selesea maanle nu la. Bɛtetele me wɔ Gyɛlusalɛm ɛke wɔ nwomanli Gameeleɛle sukulu ne anu. Menzukoale yɛ nlenya mɔ mɛla ne nee amaamuo ne kpalɛ, na mendule me nwo memanle Nyamenle, kɛmɔ kɛkala bɛde la.

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Wulo 11:1

Ɛnee akee mebiza kɛ, se ɛnee Nyamenle ɛkpo ye menli ne o? Ɔnle zɔhane fee! Medame, mele Yizilayɛnli, Ebileham anlɔnra mɔɔ vi Bɛngyaman abusua nu.

2 Kɔl 11:22

Saa bɛle Hibuluma a, medame mele Hibulunli. Saa bɛle Yizilayɛma a, medame mele Yizilayɛnli. Saa bɛle Ebileham nlɔnra a, medame mele Ebileham anlɔnra.

1 Sam 4:6

Mɔɔ Filisitiama dele ɛwudolɛ kpole ne la, bɛzele kɛ, “Na ɛwudolɛ kpole ɛhye mɔɔ vi Hibuluma azokoɛleɛ ne ba la abo a le duzu?” Na bɛdele kɛ Ɛdɛnkɛma Ngyekyeleɛ Ɛlɛka ne ɛdwu azokoɛleɛ ɛkɛ ne.