Pɔɔlo Kɛlata mɔɔ ɔhɛlɛle ɔhɔmanle Felepaema la 3:19 - BAEBOLO ANZƐƐ BULUKU NWUANZANWUANZA

¹⁹ Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19 Cross References

Edwɛndolɛ Buluku ne 17:14

O Ɛdɛnkɛma, fa wɔ tumi ne die me fi menli sa nu, menli mɔɔ bɛ kyɛfoa a le ewiade la. Maa mɔɔ wɔva wɔzie bɛ la ɛyi bɛ ko; maa bɛ mra ɛnyia bie ɛmaa ɔbo zo; na bɛdabɛ bɛgyakyi bie bɛmaa bɛ mra.

Edwɛndolɛ Buluku ne 52:1

O katakyie, duzu ati a ɛfa wɔ amumuyɛ ɛtu ɛ nwo zɛhae ɛ? Nyamenle anwunvɔnezelɛ ne wɔ ɛkɛ ne dahuu.

Gyɛlɛmaya Buluku ne 44:17

Yɛbayɛ debie biala mɔɔ yɛvua kɛ yɛyɛ la. Yɛbakpu ɛyɛlɛ yɛamaa Anwomanyunlu Belemgbunli Raalɛ ne, na yɛagua nza yɛaye ɛdɛne yɛamaa ye, kɛmɔ yɛ nee yɛ ze mɔ, yɛ arelemgbunli nee maanle mgbanyima yɛyɛle ye wɔ Dwuda azuamgbole zo nee Gyɛlusalɛm guabile ne mɔ azo la. Ɔluakɛ mekɛ zɔhane yɛnyianle aleɛ dɔɔnwo, yɛkpazile, yɛɛ munzule biala ando yɛ.

Yizikeɛle Buluku ne 13:19

Bɛbɔ adalɛ bɛhile me menli ne mɔ mɔɔ kulo adalɛ la, bɛgua me nyunlu aze wɔ me menli ne anyunlu, bɛlie baale nee kpanwo, bɛhu menli mɔɔ ɔnle kɛ wu la, na bɛlie menli mɔɔ fɛta ewule la ngoane.

Yizikeɛle Buluku ne 34:3

Na bɛmɛ, bɛku mɔɔ ɛlɔ la bɛdi, bɛpepɛ bɛ nwo enrinli bɛnwo ndanlɛ bɛkeda; noko bɛmmaa mboane ne mɔ aleɛ.

Hozia Buluku ne 4:7

“Mekɛ mɔɔ bɛ nwo ɛlɛso la, mekɛ mɔɔ ɛnee bɛlɛyɛ ɛtane dɔɔnwo bɛatia me la ɛne, yemɔti mebamaa bɛ enililɛ ahakyi anyiemgba.

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Maeka Buluku ne 3:5

Nyamenle kpɔmanvolɛma bɛlɛbɛla Nyamenle menli ne minli bɛ. Saa bɛnyia ye bɛdi a ɛnee bɛse, “Anzonudwolɛ!” Awie mɔɔ annyia bie ammaa bɛ la ɛnee bɛzo konle bɛdoa ye. Yemɔti kɛ Ɛdɛnkɛma se la ɛne,

Malakae Buluku ne 1:12

Na bɛmɛ, saa bɛka kɛ ‘Ɛdɛnkɛma azukponle ne anwo ɛnde yɛɛ kpanwo ne ɛnle kpalɛ’ a ɛnee bɛgua azukponle ne anwo evinli.

Edwɛkpa ne kɛmɔ Mateyu hɛlɛle la 16:23

Gyisɛse hakyile ɔ nye na ɔzele Pita kɛ, “Seetan, se di me nzi nehae! Ɛndu folɛ kpalɛ. Wɔ adwenle ne le sonla adwenle. Ɔnvi Nyamenle ɛkɛ.”

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Luku hɛlɛle la 12:19

Na akee meaze me nwo kɛ, Me ɛkɛla, ɛ ti ɛyɛ boɛ! Wɔnyia ninyɛne kpalɛ dɔɔnwo mɔɔ nee wɔ badwu ɛvolɛ dɔɔnwo a. Die wɔ ɛnwomenle, di, no, na die ɛ nye!’

Edwɛkpa ne kɛmɔ Luku hɛlɛle la 16:19

“Nrenya sukoavolɛ bie woale ɛkɛ; ɔhedale ndanlɛ ngɛnlɛma mɔɔ awolɛ yɛ se la na ɔlile ɔ ti dahuu.

Edwɛkpa ne kɛmɔ Luku hɛlɛle la 18:4

Mekɛ dɔɔnwo ne ala ɛnee ɔngulo kɛ ɔkɛboa raalɛ ne, na nzinlii ɔhanle ɔhilele ɔ nwo kɛ, ‘Menzulo Nyamenle, yɛɛ membu sonla bɔbɔ ɛdeɛ,

Wulo 16:18

Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.

Wulo 6:21

Na duzu nvasoɛ yɛɛ bɛnyianle ye wɔ ninyɛne mɔɔ bɛyɛle na ɛnɛ bɛse nwolɛ nyiane la anwo a? Nyɛleɛ ɛhendeɛ ne mɔ awieleɛ a le ewule!

1 Kɔl 3:3

ɔluakɛ bɛtɛgua zolɛ bɛtɛbɔ bɛ ɛbɛla kɛ ewiade ɛhye anu amra la. Asoo mɔɔ nungule ɛhwenlɛ nee butulelilɛ ɛnzea bɛ adenle la, ɛnee ɛhye ɛngile kɛ bɛ nee ewiade ɛhye anu amra bɔ bɛ ɛbɛla ko?

1 Kɔl 5:2

Ɛhye ɛnyɛ bɛ nyiane bɔbɔ? Bɛli nwolɛ nyane na bɛye sonla zɔhane mɔɔ ɛbɔ munzule ɛbɛla ɛhye la wɔ bɛ avinli.

1 Kɔl 5:6

Bɛ adubɛnwo ye ka bie! Bɛnze kɛ, “Fɛlɛ ko dɔ sonlɛ na ɔla fɛlɛ dɔɔnwo avinli a ɔsɛkye bɛ muala.”

2 Kɔl 11:12

Mebahɔ zolɛ meayɛ mɔɔ melɛyɛ ye kɛkala la, amaa ɛzoanvolɛma zɔhane mɔ annyia kpɔkɛ angyinla zolɛ andu bɛ nwo kɛ bɛyɛ bɛ gyima, kɛmɔ yɛyɛ ye la.

2 Kɔl 11:15

Yemɔti ɔnyɛ ɛzulolɛ kɛ Seetan sonvolɛma kɛhakyi bɛ nwo kɛ bɛle Nyamenle sonvolɛma kpalɛ a. Bɛbanyia ninyɛne mɔɔ bɛyɛ la anwo ahatualɛ mɔɔ fɛta la wɔ awieleɛ ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:13

Bɛdabɛ mumua ne mɔɔ bɛ nye ɛbolo mrenyanu nzonlɛyɛlɛ nwo bɔbɔ la, bɛnli mɛla ne azo nretee zɛhae. Bɛkulo kɛ bɛmɛ Galeehyeama bɛyɛ bɛ mrenyanu nzonlɛ, amaa bɛanyia bie bɛadu bɛ nloa anu kɛ bɛmɛ a bɛmaa bɛlɛdi zɛhae mɛla ne azo a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:21

Bɛdabɛ mɔɔ bɛha la biala ɛlɛbɔ ye ɛbɛla mɔɔ hyia ye la, na yegyakyi mɔɔ Gyisɛse Kelaese kpondɛ kɛ ɔyɛ la.

Kɔlɔ 3:2

Bɛdwenle ninyɛne mɔɔ wɔ anwuma lɔ la anwo na bɛgyakyi mɔɔ wɔ azɛlɛ ye azo la.

2 Tɛs 1:9

Bɛbadea menli zɔhane mɔ na bɛaye bɛ bɛavi Awulae anye zo nee ye anyunlunyia tumi ne abo, na bɛazɛkye bɛ ɛzɛkyelɛ mɔɔ ɛnlɛ awieleɛ la.

2 Tɛs 2:12

Ye awieleɛ a le kɛ, bɛbazɛkye bɛdabɛ mɔɔ bɛanlie nɔhalɛ ne bɛanli na bɛ nye die ɛtane nwo la amuala.

2 Tɛs 2:8

kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.

1 Tem 6:5

Eza bɛ nee menli mɔɔ bɛ adwenle ɛzɛkye na nɔhalɛ ne ɛvi bɛ sa la su kpolera dahuu. Bɛ adwenle a le kɛ bɛdua nyamenlezonlenlɛ zo bɛanyia bɛ nwo.

2 Tem 3:4

bɛbaye bɛ gɔnwo mɔ bɛamaa, bɛbayɛ mgbaha na bɛ ti anu ayɛ bɛ fɛ; bɛbahulo anyelielɛ bɛadɛla Nyamenle,

Gyemise Kɛlata ne 4:16

Na bɛmɛ, bɛmemaa bɛ nwo zo, bɛtu bɛ nloa anu; na adubɛnwo ɛhye mɔ amuala le ɛtaneyɛlɛ.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

2 Pit 2:13

Amumuyɛ mɔɔ bɛyɛ awie mɔ la, bɛbadua bɛ nwolɛ kakɛ. Bɛ anyelielɛ ala a le ewia henlema nza ɛbolɛ nee adwɔmanebɔlɛ mgbole; bɛ nwo yɛ nyiane yɛɛ ɔyɛ anyiemgba bɔbɔ kɛ bɛ nee bɛ kɛdu a. Mekɛ mɔɔ bɛ nee bɛ de ɛkponle ko anwo bɛlɛkpula bɛ sa la ɛnee bɛlɛbɛlɛbɛla bɛ.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Dwuudu Kɛlata ne 1:10

Menli ɛhye mɔ ka debie biala mɔɔ bɛnde ɔ bo la anwo edwɛkɛ ɛtane, yɛɛ ninyɛne mɔɔ bɛ nane adwenle ne maa bɛte ɔ bo la bɛmɛ a le ninyɛne mɔɔ sɛkye bɛ la.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Yekile 18:7

Bɛmaa ɔde nyane na ye amaneɛnwunlɛ ne ɛyɛ kpole kɛ ye anyunlunyia nvoanle ne mɔɔ ɔnyianle, nee ye anwoneɛ ne mɔ mɔɔ ɔvale ɔyɛle ɔ nwo la. Kɛmɔ ɔde a ɔka ɔkile ɔ nwo kɛ, ‘Mele belemgbunli raalɛ! Menle kunlanvolɛ raalɛ, menrɛnwu nyane deɛ holɛ’ la,

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.

1 Sam 2:29

Duzu ati yɛɛ bɛkɛyɛ adidikpoku wɔ azubɔlɛ nane nvɛyeba kpalɛ ne mɔ mɔɔ me menli ne kɛva kɛmaa me la anwo na ɛkɛli ɛ mra ne mɔ eni ɛkɛdɛla me a?