Pɔɔlo Kɛlata mɔɔ ɔhɛlɛle ɔhɔmanle Felepaema la 3:11 - BAEBOLO ANZƐƐ BULUKU NWUANZANWUANZA

¹¹ amaa me nye ala kɛ Nyamenle badwazo medame noko avi ewule nu ara ngoane mɔɔ ɛnlɛ awieleɛ la anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:11 Cross References

Edwɛndolɛ Buluku ne 49:7

Nɔhalɛ, awie biala ɛnrɛhola ɔ nwo kpɔne, anzɛɛ ye ngoane nwo kakɛ tua maa Nyamenle,

Edwɛkpa ne kɛmɔ Luku hɛlɛle la 14:14

na Nyamenle kɛyila wɔ. Ɔluakɛ bɛmɛ, bɛdabɛ bɛnrɛhola bɛnrɛzie wɔ ɛdeɛ ne abo zo. Nyamenle ala a bazie ɔ bo zo amaa wɔ wɔ mekɛ mɔɔ menli kpalɛ ne mɔ vi ewule nu kɛdwazo la a.”

Dw 11:24

Maata buale kɛ, “Meze kɛ ɔbadwazo yeara ngoane nu wɔ mekɛ ne mɔɔ li awieleɛ la anu.”

Ɛzoanvolɛma Gyima ne 23:6

Mɔɔ Pɔɔlo nwunle kɛ menli mɔɔ ɛrayia la bie mɔ boka Sadusiima fane ne anwo na foa ko dɔɔnwo noko boka Falasiima fane ne anwo la, ɔdeanle nu ɔzele kɛ, “Mediema Yizilayɛma! Mele Falasiinli, yɛɛ Falasiinli a wole me a. Bɛ nee me ɛra ɛke kɛ bɛbali me edwɛkɛ, ɔboalekɛ melɛ anyelazo kɛ bɛbadwazo mɔwuamra bɛara ngoane nu bieko.”

Ɛzoanvolɛma Gyima ne 26:7

Ɛwɔkɛ ne ati yɛɛ yɛ mbusua ekpunli bulu nee nwiɔ ye gua ɛzonlenlɛ zo alehyenlɛ nee aledwolɛ, kɛ saa bɛkɛnyia ye a. Na anyelazo ɛhye ala ati, Nana, yɛɛ Dwuuma ɛlɛto me ɛzonle zɛhae a.

Ɛzoanvolɛma Gyima ne 27:12

Eza ahonle ne azo bɔbɔ ɛnle kpalɛ biala mɔɔ bɛdi fɔsɛlɛ ɛkɛ ne a ɔyɛ boɛ a. Ɛhye ati bɛdabɛ mɔɔ bɛwɔ ɛlɛne ne anu la anu somaa ne ala hulole kɛ bɛkɛdu bɛkɛdɔ azule nye bieko na bɛkɛbɔ mɔdenle bɛkɛdwu Fonekese mɔɔ lɛ ahonle kpalɛ wɔ Kiliti na ɔ nye wɔ nyiakɛ adɔleɛ nee ɛbɔ nu adɔleɛ la, na bɛkɔdi fɔsɛlɛ ne wɔ ɛkɛ.

Wulo 11:14

amaa meawula me gɔnwo mɔ Dwuuma anyebolo, na ɔlua zo bɛalie bie mɔ ngoane.

1 Kɔl 15:23

Bɛdwazo awie biala wɔ ye mekɛ nloa: Kelaese a lumua a, na akee saa ɔdwu ye ɛralɛ bieko a bɛadwazo bɛdabɛ mɔɔ bɛle Kelaese ɛdeɛ la.

1 Kɔl 9:22

Saa mewɔ bɛdabɛ mɔɔ bɛ diedi ɛnli munli la anu noko a, meyɛ me nwo kɛ bɛ nuhua bie la, amaa me sa aha bɛ. Zɔhane ala yɛɛ me nee menli muala yɛ ko a, amaa adenle biala azo mealua mealie bie mɔ ngoane meamaa Nyamenle.

1 Kɔl 9:27

Mebɔ mɔdenle mesɔ me nwo na megyinla me ti koonwu medie abotokuma kpalɛ, amaa mame mɔɔ mebɔ edwɛkɛ ne nolo la meandɔ sinli wɔ sɔnea ne anu.

2 Kɔl 11:3

Noko mesulo kɛ, kɛmɔ ɛwɔlɛ ne vale adalɛ nrɛlɛbɛ bɛlɛbɛlale Yivi la, zɔhane ala yɛɛ bɛbazɛkye bɛ adwenle a, amaa bɛahwe bɛ nwo bɛavi Kelaese ɛzonlenlɛ kpalɛ ne mɔɔ di munli la anwo.

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

2 Tɛs 2:3

Bɛmmamaa awie biala bɛlɛbɛla bɛ wɔ adenle biala anu. Ɔluakɛ Kenle ne ɛnrɛra kyesɛ “Atuadelɛ” ɛra zolɛ kpalɛ na mɛladonlɛ ɛhakyi ɔ nwo “Amumuyɛnli” ne mɔɔ bɛbabua ye ewule fɔlɛ la ɛra.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Kɛlata mɔɔ bɛhɛlɛle bɛhɔmanle Hibuluma la 11:35

Diedi zo yɛɛ ɔlua mɔɔ mraalɛ mɔɔ bɛ mra wule la bɛdwazole bɛ bɛrale ngoane nu a. Bie mɔ noko mɔɔ kpole ewiade ye anu fanwodi biala la, bɛyɛle bɛ asa na bɛwule, amaa Nyamenle adwazo bɛ ahɔ ngoane kpalɛ nu.

Yekile 20:5

Mɔwuamra mɔɔ hale la anzia amba ngoane nu toonwo ɔhɔdwule ɛvolɛ apenle ko ne awieleɛ. Ewudwazo ne mɔɔ lumua la ɛne.