Pɔɔlo Kɛlata mɔɔ ɔhɛlɛle ɔhɔmanle Felepaema la 3:10 - BAEBOLO ANZƐƐ BULUKU NWUANZANWUANZA

¹⁰ Mɔɔ mekpondɛ la a le kɛ menwɔnwu Kelaese na menwɔde ye ewudwazo tumi ne me nu, na me nee ye yɛkɛnwu amaneɛ na menwɔyɛ kɛ ɔdaye wɔ ye ewule nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:10 Cross References

Gyɛlɛmaya Buluku ne 9:23

Ɛdɛnkɛma se, “Nrɛlɛbɛvolɛma mmafa bɛ nrɛlɛbɛ ne tu bɛ nwo, anwosesebɛma mmafa bɛ anwosesebɛ ne tu bɛ nwo, yɛɛ sukoavolɛma mmafa bɛ anwonyia ne tu bɛ nwo.

Edwɛkpa ne kɛmɔ Mateyu hɛlɛle la 20:23

Gyisɛse zele bɛ kɛ, “Nɔhalɛ, bɛkɛhola bɛkɛnlo amaneɛnwunlɛ dwora ne mɔɔ mebanlo nu la anu, noko tɛ me a meye sonla mɔɔ badɛnla me fema zo anzɛɛ me bɛne zo la a, ɔluakɛ ɛleka zɔhane mɔ le menli mɔɔ Egya ɛziezie ɛmaa bɛ la ɛdeɛ.”

Dw 10:18

Awie ɛngola ɛnye me ngoane. Medame me ngome a mekola megyakyi nu a. Melɛ adenle mekola mefa memaa, yɛɛ melɛ adenle mefa me debie bieko. Mɔɔ Egya ɛhyehyɛ ɛmaa me kɛ ɔwɔ kɛ meyɛ la ɛne.”

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

Wulo 8:29

Bɛdabɛ mɔɔ Nyamenle ɛkpa nu ɛye bɛ la, yeva bɛ yezie ahane kɛ bɛbayɛ kɛ ɔ Ra ne la, amaa Ralɛ ne ayɛ mediema dɔɔnwo adiema kpanyinli.

Wulo 8:36

Nyamenle Edwɛkɛ ne se, “Bɛdabɛ bɛ ti yɛgyi ewule avinli alehyenlɛ muala; na bɛyɛ yɛ kɛ mboane mɔɔ bɛ nee bɛ ɛlɛkɔ ahunleɛ.”

2 Kɔl 1:10

Ewule ɛzulolɛ zɛhae anu yɛɛ ɔyele yɛ ɔvile a, yɛɛ ɔkɛye yɛ nu somaa; yɛɛ eza yɛ rɛle wɔ ye nu kɛ ɔkɛye yɛ nu bieko,

2 Kɔl 1:5

Kɛmɔ yɛ nee Kelaese nwu ye amaneɛ ne mɔ la, zɔhane ala yɛɛ ɔlua ɔ nwo zo yɛ nee ye nyia ye arɛlekyekyelɛ ne mɔ a.

2 Kɔl 13:4

Na saa ɔyɛle bɛtɛɛ ɔwule meanubaka ne azo bɔbɔ a, ɔlua Nyamenle tumi zo ɔde ngoane nu. Yɛdayɛ noko yɛle bɛtɛɛ wɔ Kelaese ati, na ɔlua Nyamenle tumi ne azo yɛ nee ye badɛnla na yɛ nee bɛ ali.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:17

Ɔvi ɛnɛ mɔɔ kɔ la awie biala mmagyegye me bieko, ɔboalekɛ ahapenle mɔɔ wɔ me nwo la kile kɛ mele Kelaese Gyisɛse akɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:13

kɔdwu kɛ awieleɛ ne, kɛmɔ yɛdie yɛdi na yɛze Nyamenle Ara ne la ati, yɛkɛbɔ nu yɛkɛyɛ ko na yɛayɛ kɛ menli mɔɔ bɛ adwenle ɛdi na bɛ nee Kelaese ɛzɛ atipɛne la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Kɔlɔ 2:13

Mekɛ bie mɔɔ ɛraze ɛhɔ la ɛnee ɔlua bɛ ɛtane ti, nee kɛmɔ bɛnle Dwuuma na bɛnle Mosisi mɛla ne abo la ati, ɛnee bɛwu sunsum nu, na kɛkala Nyamenle ɛva bɛ nee Kelaese ɛra ngoane nu, na yeva yɛ ɛtane ne mɔ amuala yehyɛ yɛ.

Kɔlɔ 3:1

Bɛdwazo bɛ nee Kelaese bɛra ngoane nu. Yemɔti bɛmaa bɛ ahonle ɛdoa ninyɛne mɔɔ wɔ anwuma lɔ, ɛleka mɔɔ Kelaese de ye belemgbunli ebia nu wɔ Nyamenle asa fema zo la abo zo.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

2 Pit 1:13

Menea a ɔle kpalɛ kɛ ɔwɔ kɛ mekakyehakye bɛ adwenle wɔ edwɛkɛ ɛhye mɔ anwo wɔ mekɛ mɔɔ mede ngoane ɛhye anu la.

1 Dw 2:3

Saa yɛdi ye mɛla ne mɔ azo a, ɛnee amgba yɛze ye.

1 Dw 2:5

Sonla mɔɔ di Nyamenle edwɛkɛ ne azo la, yemɔ a le sonla ne mɔɔ Nyamenle ɛhulolɛ ne di munli wɔ ye nu la. Adenle ɛhye azo a yɛdua yɛnwu ye kpalɛ kɛ yɛ nee Nyamenle le agɔnwolɛ a.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.