Pɔɔlo Kɛlata mɔɔ ɔhɛlɛle ɔhɔmanle Felepaema la 3:1 - BAEBOLO ANZƐƐ BULUKU NWUANZANWUANZA

¹ Awieleɛ ne, mediema, bɛmaa bɛ nye ɛlie kɛ bɛra Awulae ɛkɛ a. Ɔnyɛ me ɛvɛlɛ kɛ mesi mɔɔ mehɛlɛ ye dɛba la azo wɔ bɛ kpalɛyɛlɛ ti a.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:1 Cross References

1 Edk 15:28

Akee Yizilayɛma kɔsɔɔti vale anyelielɛ, aweɛnebɔlɛ, mɛne, sɔnwosɔnwo nee getaa bɔle agole lile Ɛdɛnkɛma Ngyekyeleɛ Ɛlɛka ne anzi toonwo bɛradwule Gyɛlusalɛm.

1 Edk 16:10

Bɛli fɛlɛko wɔ ye duma nwuanzanwuanza ne ati; bɛmaa bɛdabɛ mɔɔ bɛkpondɛ Ɛdɛnkɛma la anye ɛlie.

1 Edk 29:22

Zɔhane ati kenle ko ne bɛ nye liele na bɛlile, bɛnlonle wɔ Ɛdɛnkɛma anyunlu. Eza bɛzoale Sɔlɔmɔn bieko kɛ ɔle belemgbunli. Bɛkpokpale ye nwole bɛdule ye bɛmanle Ɛdɛnkɛma kɛ ɔle bɛ belemgbunli na bɛyɛle Zeedɔko bɛ sɛlɛvolɛ.

Nihɛmaya Buluku ne 8:10

Akee Nihɛmaya zele bɛ kɛ, “Bɛhɔ sua nu na bɛhɔlie bɛ nye; bɛli debie mɔɔ yɛ fɛ na bɛnlo nwanye fɛlɛko. Bɛmaa menli mɔɔ ɛnlɛ bie la bie. Ɔluakɛ ɛnɛ le Ɛdɛnkɛma kenle nwuanzanwuanza. Bɛmmadi nyane, ɔluakɛ fɛlɛkolilɛ ne mɔɔ Ɛdɛnkɛma fa maa la le bɛ anwosesebɛ.”

Dwobu Buluku ne 22:26

ɛbanyia anyelielɛ wɔ Tumivolɛ ne anu, na wɔakpogya ɛ nye zo wɔanlea Nyamenle.

Edwɛndolɛ Buluku ne 149:2

Bɛmaa Yizilayɛma ɛli fɛlɛko wɔ bɛ Bɔvolɛ ne ati; Zayɔnoma ɛli fɛlɛko wɔ bɛ Belemgbunli ne ati!

Edwɛndolɛ Buluku ne 32:11

O pɛlepɛlema, Ɛdɛnkɛma ati, bɛli fɛlɛko na bɛmaa bɛ nye ɛlie, bɛdabɛ kɔsɔɔti mɔɔ bɛ ahonle nu te la, bɛva anyelielɛ bɛdeɛdea nuhua.

Edwɛndolɛ Buluku ne 33:1

O bɛmɛ tenlenema, bɛli fɛlɛko wɔ mɔɔ Ɛdɛnkɛma ɛyɛ la ati! Bɛmɛ mɔɔ bɛdi boɛ la, bɛye ye ayɛlɛ.

Edwɛndolɛ Buluku ne 37:4

Maa ɛ nye ɛlie Ɛdɛnkɛma anwo, na ɔbamaa wɔanyia mɔɔ ɛkpondɛ la.

Edwɛndolɛ Buluku ne 42:4

Meka me nyane edwɛkɛ a, mekakye ɛhye mɔ amuala; kɛ menzile me nee ɛlɔne ne luale, na menlile bɛ ti, yɛdole ɛlɔnwɔne, yɛdole moyɛlɛ edwɛne, yɛvale fɛlɛko yɛdeɛdeanle nu, yɛhɔle Nyamenle sua nu yɛlile ɛvoyia la.

Edwɛndolɛ Buluku ne 5:11

Maa bɛdabɛ mɔɔ bɛbafea wɔ nuhua la anye ɛlie; na dahuu bɛdo anyelielɛ edwɛne. Die bɛ ti, amaa bɛdabɛ mɔɔ bɛkulo wɔ la, bɛava wɔ bɛadu bɛ nwo.

Edwɛndolɛ Buluku ne 97:1

Ɛdɛnkɛma le belemgbunli; bɛmaa ewiade amra anye ɛlie; bɛmaa maanle maanle mɔɔ gua nyevile nloa la ɛli fɛlɛko!

Ayezaya Buluku ne 41:16

Bɛbakpogya bɛ na anwoma ne abɔ bɛ ahɔ, na ahumu abɔ bɛ asande. Ɛdɛnkɛma ati, bɛ nye balie, na bɛaye Yizilayɛ Nwuanzanwuanza Ko ne ayɛlɛ.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Ayezaya Buluku ne 65:14

bɛnlea, me sonvolɛma ne bava fɛlɛkolilɛ ado edwɛne bɛ ahonle nu, na bɛmɛ, bɛbazu bɛali nyane bɛ ahonle nu na bɛaye awolɛ wɔ bɛ nwo mɔɔ yelɛyela bɛ la anwo.

Dwowɛle Buluku ne 2:23

“Bɛli fɛlɛko, O Zayɔnoma, na bɛmaa bɛ nye ɛlie Ɛdɛnkɛma bɛ Nyamenle ne anwo, ɔluakɛ yemaa ezule ɛdɔ ndɛ ɛbua bɛ benle, yemaa ezule ɛdɔ, nzule ɛbu bɛ nwo zo, alumua nee amozi ezule ɛdɔ kɛ dɛba ne ala la.

Zɛfanaya Buluku ne 3:14

O Zayɔnoma, bɛdo edwɛne; O Yizilayɛma, bɛdea nu! Bɛmaa bɛ nye ɛlie na bɛva bɛ ahonle muala bɛli fɛlɛko, O Gyɛlusalɛmma!

Zɛfanaya Buluku ne 3:17

Ɛdɛnkɛma, wɔ Nyamenle ne, nee wɔ de; ɔle katakyie mɔɔ maa ɛdi konim a. Ɔ nye balie ɛ nwo fɛlɛkolilɛ nu, ɔbava ye ɛhulolɛ yeakpɔda wɔ monle; yeava edwɛndolɛ yeamaa ɔ nye alie ɛ nwo,

Zɛkalaya Buluku ne 10:7

Yifelaemma bayɛ kɛ katakyiema, na bɛali fɛlɛko kɛ menli mɔɔ ɛnlo nza la. Bɛ mra banwu ye na bɛ nye alie, na bɛali fɛlɛko wɔ mɔɔ Ɛdɛnkɛma ɛyɛ la anwo.

Edwɛkpa ne kɛmɔ Mateyu hɛlɛle la 5:12

Bɛmaa bɛ nye ɛlie na bɛli fɛlɛko, ɔluakɛ bɛlɛ nwolɛ ahatualɛ kpole wɔ anwuma. Zɔhane ala yɛɛ bɛyɛle Nyamenle kpɔmanvolɛma ne mɔ mɔɔ lumua la a.

Edwɛkpa ne kɛmɔ Luku hɛlɛle la 1:47

yɛɛ me sunsum di fɛlɛko wɔ Nyamenle, me Ngoanedievolɛ ne ati,

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

Mɛla 12:18

Saa bɛdi a, ɔwɔ kɛ bɛbadi ye wɔ Ɛdɛnkɛma bɛ Nyamenle ne anyunlu, wɔ ɛleka mɔɔ ɔdaye ɔkɛhile la. Ɔwɔ kɛ bɛ nee bɛ mra mrenya nee mraalɛ, bɛ sonvolɛ mrenya nee mraalɛ nee Livaema mɔɔ wɔ bɛ azua zo la a badi a, na bɛmaa bɛ nye die wɔ Ɛdɛnkɛma bɛ Nyamenle ne anyunlu, wɔ debie biala mɔɔ bɛyɛ la anu.

Mɛla 16:11

Bɛ nee bɛ mra mrenya nee mraalɛ, bɛ sonvolɛ mrenya nee mraalɛ, Livaema nee nyɛvolɛ mɔɔ wɔ bɛ azua ne mɔ azo, nrisa nee ahunlanvolɛ mɔɔ wɔ bɛ avinli la ɛbɔ nu ɛli ɛvoyia ne anyelielɛ nu, wɔ Ɛdɛnkɛma anyunlu, wɔ ɛleka ko ne mɔɔ Ɛdɛnkɛma bɛ Nyamenle ne kɛhile kɛ bɛzonle ye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tɛs 5:16

Dahuu bɛmaa bɛ nye ɛlie,

Gyemise Kɛlata ne 1:2

Me mediema, saa sɔnea ngakyile dɔɔnwo ba bɛ nwo zo a bɛli nwolɛ fɛlɛko;

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

2 Pit 3:1

Ayi mɔ, kɛlata mɔɔ tɔ zo nwiɔ mɔɔ melɛkɛlɛ mearɛlɛ bɛ la ɛne. Wɔ bɛ mu nwiɔ anu, mebɔ mɔdenle kɛ mekakyehakye bɛ adwenle,

1 Sam 2:1

Hana zɛlɛle zele kɛ: “Ɛdɛnkɛma ɛmaa me nye ɛlie; Ɛdɛnkɛma ɛmaa me anwosesebɛ kpole! Na yemaa mezele me kpɔvolɛma, me nye ɛlie somaa, ɔboalekɛ wɔboa me.