Pɔɔlo Kɛlata mɔɔ ɔhɛlɛle ɔhɔmanle Felepaema la 2:9 - BAEBOLO ANZƐƐ BULUKU NWUANZANWUANZA

⁹ Ɔlua zo Nyamenle ɛkpogya ye zo na yemaa ye duma fofolɛ mɔɔ tɛla aluma muala.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:9 Cross References

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:15

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛndolɛ Buluku ne 110:5

Awulae gyi wɔ fema zo, ɔfa ɛya a ɔbabubu arelemgbunli.

Edwɛndolɛ Buluku ne 89:27

Na mebayɛ ye me ra mɔɔ lumua, mɔɔ le belemgbunli mɔɔ bo arelemgbunli muala anwo azo wɔ azɛlɛ ye azo a.

Edwɛndolɛ Buluku ne 91:14

Kɛmɔ ɔbeta me ɛhulolɛ nu la ati, mebalie ye; mebawowa ye, ɔboalekɛ ɔze me duma.

Ayezaya Buluku ne 52:13

Bɛnlea, me sonvolɛ ne bakpazi, bɛbali ye eni na bɛamaa ye zo. Ɔbayɛ sonlakpole kpalɛ.

Ayezaya Buluku ne 53:12

Yemɔti mebamaa ye ɛleka wɔ mgbolema avinli, na ɔ nee anwosesebɛma ahyɛ ninyɛne mɔɔ bɛnyianle bɛ wɔ konle nu la, ɔboalekɛ ɔvale ɔ nwo ɔmanle kɛ bɛhu ye, na bɛdianle ye bɛbokale mɛladonlɛma anwo. Ɔvale menli dɔɔnwo ɛtane ɔdole ɔ nwo zo, na ɔkpale mɛladonlɛma ati kyɛlɛ.”

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Daneɛle Buluku ne 7:14

Bɛmanle ye ebialilɛ tumi, anyunlunyia, yɛɛ enililɛ, amaa aleɛabo maanle maanle mɔɔ ka aneɛ ngakyile la azonle ye. Ye belemgbunlililɛ ne ɛnlɛ awieleɛ, ɔnrɛpɛ nu ɔnrɛze ɛlɛ yɛɛ awie ɛnrɛhola ye sɛkye.

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Luku hɛlɛle la 10:22

“Egya ɛva ninyɛne kɔsɔɔti ɛwula me sa nu. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.”

Dw 13:3

Gyisɛse ze kɛ Selɛ ne ɛmaa ye tumi bɔkɔɔ; ɔze kɛ ɔdaye Gyisɛse, ɔvi Nyamenle anwo lɔ a ɔrale a na eza ɔbazia yeahɔ Nyamenle anwo lɔ.

Dw 17:11

Kɛkala melɛba ɛ nwo lɔ; menle ewiade ye anu bieko, na bɛmɛ bɛwɔ ewiade ye anu. Selɛ Nwuanzanwuanza, wɔ duma ne mɔɔ ɛvale ɛmanle me la tumi nu ti, fa bɛ sie gyɛlɛɛnye, amaa bɛayɛ ko kɛ ɛdawɔ nee medame yɛle la.

Dw 17:12

Mɔɔ ɛnee me nee bɛ de la, menziele bɛ gyɛlɛɛnye wɔ wɔ duma ne mɔɔ ɛvale ɛmanle me la tumi nu. Membɔle bɛ nwo bane, na ko bɔbɔ amminli, kyesɛ kokye ne, Dwudase musuofoɔ ala mɔɔ ɔwɔ kɛ minli la, amaa Nyamenle Edwɛkɛ ne ayɛ nɔhalɛ.

Dw 17:5

Egya, fa me anyunlunyia maa me, anyunlunyia ne mɔɔ bɛkabɔ ewiade ye la ɛnee melɛ ye la, fa maa me wɔ ɛ nyunlu ɛke kɛkala.

Ɛzoanvolɛma Gyima ne 5:31

Na yemɔ yɛɛ Nyamenle ɛmaa ye zo ɛzie ye ye fema zo ɛyɛ ye Adenlekilevolɛ nee Dievolɛ kɛ ɔhile Yizilayɛma adenle ɔmaa bɛnlu bɛ nwo na bɛanyia ɛtanefakyɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.

Kɔlɔ 1:18

Yemɔ a ɔle ye sonlabaka ne, mɔɔ le Asɔne ne ati a, yemɔ a ɔle debie biala mɔlebɛbo a, yɛɛ yemɔ a ɔle bɛdabɛ mɔɔ bɛdwazole bɛ bɛvile ewule nu la kpanyinli a, amaa debie biala anu yealumua.

2 Tɛs 1:12

amaa ɔlua zo bɛali yɛ Awulae Gyisɛse duma ne eni, na bɛdabɛ noko ɔlua yɛ Nyamenle ne nee Awulae Gyisɛse Kelaese ɛlolɛ zo bɛali bɛ eni.

Kɛlata mɔɔ bɛhɛlɛle bɛhɔmanle Hibuluma la 1:4

Nyamenle manle Ralɛ ne yɛle kpole dɛlale Nyamenle soanvolɛma amuala, yɛɛ duma mɔɔ ɔvale ɔmanle ye la tɛla bɛ ɛdeɛ ne amuala.

Kɛlata mɔɔ bɛhɛlɛle bɛhɔmanle Hibuluma la 1:9

Ɛkulo mɔɔ le fɔɔnwo la na ɛkyi mɔɔ ɛnli mɛla zo la. Ɛhye ati yɛɛ Nyamenle, wɔ Nyamenle ne, ɛkpa nu ɛye wɔ na yemaa wɔ nidi nu anyelielɛ kpole mɔɔ tɛla mɔɔ yeva yemaa ɛ gɔnwo mɔ amuala la a.”

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.

2 Pit 1:17

Yɛwɔ ɛkɛ ne yɛɛ Nyamenle Selɛ ne dele ɔ nyunlu, wulale ye anyunlunyia a. Yɛwɔ ɛkɛ ne yɛɛ ɛnelɛ ne vi Anyunlunyia Bedevinli ne ɛkɛ ne hanle kɛ, “Me Ra mɔɔ mekulo ye la ɛne, me nye die ɔ nwo kpole!”

3 Dw 1:7

Ɔluakɛ sumunli kɛ bɛbɔle bɛ adendulɛ ne abo kɛ bɛbɔ Kelaese edwɛkɛ ne nolo la, bɛtɛdiele moalɛ biala bɛtɛfile bɛdabɛ mɔɔ bɛnle Kelaese ɛdoavolɛma la ɛkɛ.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”