Pɔɔlo Kɛlata mɔɔ ɔhɛlɛle ɔhɔmanle Felepaema la 2:7 - BAEBOLO ANZƐƐ BULUKU NWUANZANWUANZA

⁷ Ɔkpɔlale ɔ kunlu ɔyɛle ɔ nwo akɛlɛ na bɛwole ye kɛ sonla biala la, Ɔrale kɛ ɔle sonla,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:7 Cross References

Edwɛndolɛ Buluku ne 22:6

Na mame, mele sonlɛ, menle sonla; menli ɛmbu me, yɛɛ bɛ muala bɛkpo me.

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 49:3

Na ɔzele me kɛ, “Ɛle me sonvolɛ, Yizilayɛ, wɔmɔ ɛ ti, menli baye me ayɛlɛ.”

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Daneɛle Buluku ne 9:26

Mekɛ zɔhane anzi bɛbahu sonla ne mɔɔ bɛkpokpa ye nwole la atisesebɛ nu. Na belemgbunli holɛ ko ne mɔɔ bara la ɛlɔnema ne bazɛkye suakpole ne nee ɛleka nwuanzanwuanza ne. Ye awieleɛ bara kɛ azuyilɛ na nzinlii yeawie konle. Ninyɛne dɔɔnwo bazɛkye, kɛmɔ Nyamenle ɛhyehyɛ la.

Zɛkalaya Buluku ne 3:8

Akee tie, Dwɔhyua, wɔmɔ a ɛle Sɛlɛvolɛ Kpanyinli a, ɛ nee ɛ gɔnwo mɔ mɔɔ dede ɛ nyunlu ɛke la amuala, bɛdie, ɔboalekɛ bɛle menli mɔɔ saleɛ doa bɛ a. Mebaye me sonvolɛ ne mɔɔ bɛfɛlɛ ye Baka Ɛhane la meahile bɛ!

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Mateyu hɛlɛle la 12:18

“Bɛnlea, me sonvolɛ ne mɔɔ mekpa nu meye ye la ɛne, yemɔ a ɔle sonla mɔɔ mekulo ye na me nye die ɔ nwo a. Mebava me Sunsum meawula ye, na yeabɔ me ndɛnebualɛ ne nolo yeahile maanle maanle muala.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Maake hɛlɛle la 9:12

Ɔbuale bɛ kɛ, “Ɔwɔ kɛ amgba Yilaegya dumua ba batoto ninyɛne muala boɛ. Na duzu ati a Nyamenle Edwɛkɛ ne ka kɛ Sonla Ra ne banwu amaneɛ somaa, na menli akpo ye ɛ?

Edwɛkpa ne kɛmɔ Luku hɛlɛle la 22:27

Mɔɔ tɛnla aze di debie, yɛɛ mɔɔ sonle mɔɔ ɛlɛdi debie la, boni a le kpole a? Mɔɔ tɛnla aze la ɔ. Na mame, me nee bɛ de kɛ mesonle bɛ.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Wulo 1:3

Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

Wulo 15:3

Ɔluakɛ Kelaese andwenle ɔdaye mumua ne ɔ nwo. Nyamenle Edwɛkɛ ne se, “Aholoba mɔɔ menli bɔle wɔ la ɛragua me nwo zo.”

Wulo 15:8

Ɔluakɛ meka meahile bɛ kɛ Kelaese yɛle ɔ nwo sonvolɛ wɔ Dwuuma ati, vale hilele kɛ Nyamenle di nɔhalɛ, kɛ ɔkɛmaa ye ɛwɔkɛ ne mɔɔ ɔbɔle yɛ nlenya mɔ la kɛyɛ zɔhane,

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

2 Kɔl 13:4

Na saa ɔyɛle bɛtɛɛ ɔwule meanubaka ne azo bɔbɔ a, ɔlua Nyamenle tumi zo ɔde ngoane nu. Yɛdayɛ noko yɛle bɛtɛɛ wɔ Kelaese ati, na ɔlua Nyamenle tumi ne azo yɛ nee ye badɛnla na yɛ nee bɛ ali.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:6

Yemɔ bɔbɔ mɔɔ ɔ nee Nyamenle bɛ su le ko la, yeandwenle nwo yeampele kɛ ɔ nee Nyamenle kɛzɛ.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 13:3

Bɛhakye bɛdabɛ mɔɔ bɛgua bɛ efiade la, na bɛdwenle bɛ nwo kɛ asɛɛ bɛ nee bɛ a gua efiade ne a. Bɛhakye menli mɔɔ ɛlɛnwu amaneɛ la, na bɛdwenle bɛ nwo kɛ bɛdabɛ noko bɛlɛnwu nyane ne bie.

Kɛlata mɔɔ bɛhɛlɛle bɛhɔmanle Hibuluma la 4:15

Yɛ Sɛlɛvolɛ Kpanyinli ɛhye le sonla mɔɔ se yɛ anwunvɔne wɔ yɛ sinlidɔlɛ nwo a. Yɛlɛ Sɛlɛvolɛ Kpanyinli mɔɔ bɛzɔle ye bɛnleanle kɛ yɛdayɛ la, noko yeanyɛ ɛtane biala.