Pɔɔlo Kɛlata mɔɔ ɔhɛlɛle ɔhɔmanle Felepaema la 2:4 - BAEBOLO ANZƐƐ BULUKU NWUANZANWUANZA

⁴ Awie biala mmadwenle ɔ ngomekye ye boɛyɛlɛ nwo, na ɔdwenle ɔ gɔnwo mɔ noko ɛdeɛ nwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:4 Cross References

Ɛseta Buluku ne 2:22

Mɔdekae dele ɛhye anwo bie, ɔfetele zolɛ ɔhilele Belemgbunli Raalɛ Ɛseta, na Ɛseta hanle hilele belemgbunli ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:6

Na Mosisi hanle hilele Gaade nee Wulubɛn mbusua ekpunli ne mɔ kɛ, “Ɛnee bɛ mediema ne mɔ ɛhɔ konle nloa na bɛmɛ bɛdɛnla ɛke ɔ?

Edwɛkpa ne kɛmɔ Mateyu hɛlɛle la 18:6

“Awie ko biala mɔɔ kɛmaa ngakula ɛhye mɔ anu ko kɛgyakyi ye diedi mɔɔ ɔlɛ ye wɔ me nu la anu na ɔkɛkpo aze la, ɛnee noko ɔle kpalɛ kɛ anrɛɛ bɛdwele ɛdibolɛ ɛlomboɛ kpalɛ bɛhendanle ɔ kɔme na bɛhɔdole ye nyevile kɔme zo lɔ.

Wulo 12:15

Bɛ nee mɔɔ di fɛlɛko la ɛli fɛlɛko na bɛ nee mɔ su la ɛzu.

Wulo 15:1

Ɔwɔ kɛ yɛdayɛ mɔɔ yɛ diedi nu yɛ se la yɛboa bɛdabɛ mɔɔ bɛ diedi nu ɛnyɛ se la wɔ bɛ debie biala anu. Ɔnle kɛ yɛmaa yɛ nye die yɛ ngome yɛ nwo ala.

1 Kɔl 10:24

Awie biala mmadwenle ɔ ngome ye boɛyɛlɛ nwo. Bɛdwenle bɛ gɔnwo mɔ ɛdeɛ nwo.

2 Kɔl 11:29

Saa awie yɛ bɛtɛɛ a, ɛnee medame me nwo ɛgolo me; yɛɛ saa bɛtwe awie bɛkɔ ɛtane nu a, ɛnee me kunlu yelɛyela me.

2 Kɔl 6:3

Yɛmkpondɛ kɛ yɛtenda awie agyakɛ anu na awie anyia yɛ gyima ne anwo edwɛkɛ ɛtane aha.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:21

Bɛdabɛ mɔɔ bɛha la biala ɛlɛbɔ ye ɛbɛla mɔɔ hyia ye la, na yegyakyi mɔɔ Gyisɛse Kelaese kpondɛ kɛ ɔyɛ la.

Gyemise Kɛlata ne 2:8

Saa bɛdi Belemgbunlililɛ ne anwo mɛla ne, mɔɔ Nyamenle Edwɛkɛ ne se la kɛ, “Kulo ɛ gɔnwo kɛ ɛdawɔ ɛ nwo” la azo a, ɛnee bɛlua nɔhalɛ adenle ne anu.