Pɔɔlo Kɛlata mɔɔ ɔhɛlɛle ɔhɔmanle Felepaema la 2:3 - BAEBOLO ANZƐƐ BULUKU NWUANZANWUANZA

³ Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3 Cross References

Mrɛlɛbulɛ Buluku ne 13:10

Sonla mɔɔ ɛnde folɛ la mgbanyizonle ne fa ye kɔ ngyegyelɛ nu, na mɔɔ te folɛ la ze nrɛlɛbɛ.

Edwɛkpa ne kɛmɔ Luku hɛlɛle la 18:14

Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Wulo 12:10

Bɛva mediema ɛhulolɛ bɛhulo bɛ nwo ngoko kɛ bɛle Kelaese ɛdoavolɛma, na bɛbɔ mɔdenle bɛpele bɛbu bɛ gɔnwo mɔ kpalɛ kpalɛ.

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

Wulo 2:8

Bie mɔ noko le angomedi, bɛkpo mɔɔ le nɔhalɛ la na bɛdi ɛtane nzi. Bɛ nwo zo yɛɛ Nyamenle bawola ye ɛya kpole ne agua a.

1 Kɔl 15:9

Ɔluakɛ medame a mele ɛzoanvolɛma ne mɔ anu ekyi kpalɛ kpalɛ, mɔɔ menfɛta kɛ bɛkɛvɛlɛ me ɛzoanvolɛ a, ɔboalekɛ menyɛle Nyamenle menli ne kpɔdekpɔde.

1 Kɔl 3:3

ɔluakɛ bɛtɛgua zolɛ bɛtɛbɔ bɛ ɛbɛla kɛ ewiade ɛhye anu amra la. Asoo mɔɔ nungule ɛhwenlɛ nee butulelilɛ ɛnzea bɛ adenle la, ɛnee ɛhye ɛngile kɛ bɛ nee ewiade ɛhye anu amra bɔ bɛ ɛbɛla ko?

2 Kɔl 12:20

Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:15

Na saa bɛyɛ bɛ nwo kɛ ɛbɔ nu nane, bɛkeka bɛ nwo, na bɛyɛ bɛ nwo anwula a, ɛnee noko bɛnlea boɛ na bɛanguhu bɛ nwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:26

Ɔnle kɛ yɛmemaa yɛ nwo zo, yɛka yɛ gɔnwo mɔ ɛya, na yɛ nye bolo bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21

Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:14

Bɛmmatendɛ bɛ nzo abo na bɛsu kpolera wɔ bɛ debie biala ɛyɛlɛ nu,

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

Kɔlɔ 3:8

Na kɛkala ɔwɔ kɛ bɛgua ninyɛne ɛhye mɔ amuala lɔ: ninyɛne mɔɔ le kɛ ɛya ɛvalɛ, ahonle kpole, ɛkpɔlɛ, yɛɛ dumanzɛkyelɛ. Bɛmmamaa aholoba anzɛɛ edwɛkɛ ɛtane fi bɛ nloa anu finde.

1 Tem 6:4

memaa ɔ nwo zo ala na ɔnze debie biala. Kpolerazulɛ nee edwɛkɛ kpɔkɛ nwo butulelilɛ ɛyɛ ye subane; na ɛhye noko nee nungunlehwenlɛ, manzonle, aholoba ɛbɔlɛ nee menli nwo adwenle ɛtane ɛvalɛ a lua a.

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”