Pɔɔlo Kɛlata mɔɔ ɔhɛlɛle ɔhɔmanle Felepaema la 2:21 - BAEBOLO ANZƐƐ BULUKU NWUANZANWUANZA

²¹ Bɛdabɛ mɔɔ bɛha la biala ɛlɛbɔ ye ɛbɛla mɔɔ hyia ye la, na yegyakyi mɔɔ Gyisɛse Kelaese kpondɛ kɛ ɔyɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:21 Cross References

2 Arl 12:6

Noko mɔɔ Dwowahye lile ɛvolɛ abulanwiɔ nee nsa wɔ ebia ne azo la ɛnee sɛlɛvolɛma ne ɛtɛyɛle Ɛzonlenlɛ Sua ne anwo gyima biala.

Ayezaya Buluku ne 56:11

Ahwea ne mɔ le adidikpoku kpole kpalɛ; bɛdi a bɛ ko ɛnyi ɛlɛ. Mboaneneavolɛma ne mɔ noko ɛnlɛ ndelebɛbo; biala ɛva ɔdaye ye adenle ɛdeɛ zo. Biala dwenle ɔ ngome ye kpalɛyɛlɛ nwo.

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Edwɛkpa ne kɛmɔ Mateyu hɛlɛle la 16:24

Akee Gyisɛse zele ye ɛdoavolɛma ne kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo na ɔdoa me.

Edwɛkpa ne kɛmɔ Luku hɛlɛle la 14:26

“Awie biala mɔɔ ba me nwo arayɛ me ɛdoavolɛ, na yeangulo me edwɛkɛ yeandɛla ɔ ze nee ɔ nli, ɔ ye nee ɔ mra, ɔ mediema mrenya nee mraalɛ nee ɔdaye mumua ne ɔ nwo la ɛnrɛhola ɛnrɛyɛ me ɛdoavolɛ.

Ɛzoanvolɛma Gyima ne 13:13

Pɔɔlo nee ɔ gɔnwo mɔ vi Peefɔso la bɛvale ɛlɛne bɛrale Pɛga, wɔ Pamefelea maanzinli nu, na Dwɔn Maake gyakyile bɛ ɛkɛ ne ziale hɔle Gyɛlusalɛm.

Ɛzoanvolɛma Gyima ne 15:38

noko Pɔɔlo adwenle a le kɛ suzuamgba ala mɔɔ Maake kpole bɛ wɔ Pamefelea, ɔgyakyile bɛ ɛkɛ ne na ɔ nee bɛ anyɛ gyima ne anwie la, ɔngyia kɛ bɛ nee ye kɛhɔ.

1 Kɔl 10:24

Awie biala mmadwenle ɔ ngome ye boɛyɛlɛ nwo. Bɛdwenle bɛ gɔnwo mɔ ɛdeɛ nwo.

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

1 Kɔl 13:5

ɛhulolɛ ɛnyɛ ninyɛne mgbane mgbane, yɛɛ ɔndendɛ ɛtane ɔntia awie; ɔnle angomedi, ɔnva ɛya yɛɛ ɔmbu ɛtane nwo mgbonda;

2 Kɔl 1:5

Kɛmɔ yɛ nee Kelaese nwu ye amaneɛ ne mɔ la, zɔhane ala yɛɛ ɔlua ɔ nwo zo yɛ nee ye nyia ye arɛlekyekyelɛ ne mɔ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:4

Awie biala mmadwenle ɔ ngomekye ye boɛyɛlɛ nwo, na ɔdwenle ɔ gɔnwo mɔ noko ɛdeɛ nwo.

2 Tem 1:15

Ɛze kɛ awie biala mɔɔ wɔ Ehyea maanzinli ne anu la ɛnriandi me; Fegyɛlɛse nee Hɛmɔgyɛnize bɛdabɛ bɛboka bɛ.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

2 Tem 4:16

Awie biala angyinla me nzi wɔ alumua ne mɔɔ mekaza me ne wɔ edwɛkɛlilɛ ne anu la. Bɛ muala bɛkpole me. Mesɛlɛ kɛ Nyamenle ɛva ɛhyɛ bɛ.