Pɔɔlo Kɛlata mɔɔ ɔhɛlɛle ɔhɔmanle Felepaema la 2:16 - BAEBOLO ANZƐƐ BULUKU NWUANZANWUANZA

¹⁶ na bɛzɔ ngoane edwɛkɛ ne anu boɛ, amaa Kenle mɔɔ Kelaese kɛra la meanyia bie meadu me nwo kɛ meanzu ɛnriandilɛ ne mgbane anzɛɛ meanyɛ me gyima ne mgbane.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:16 Cross References

Edwɛndolɛ Buluku ne 40:9

Meha wɔ ngoanelielɛ nwo edwɛkɛ fɛlɛko ne, wɔ mekɛ mɔɔ wɔ menli ne amuala yiale la. Kɛmɔ ɛdawɔ ɛze la, O Ɛdɛnkɛma, metɛgyakyile wɔ nolobɔlɛ ne.

Edwɛndolɛ Buluku ne 71:17

O Nyamenle, ɔvi me mgbavolɛ nu yɛɛ ɛvale me ɛhilehilelɛ a, yɛɛ metɛbɔ wɔ nwanwane nyɛleɛ ne mɔ nolo.

Ayezaya Buluku ne 49:4

Na menganle kɛ, “Medame, mevɛ mgbane, mezɛkye me anwosesebɛ mgbane, mɔɔ nvasoɛ biala ɛnle zolɛ a.” Noko me anwosesebɛ wɔ Ɛdɛnkɛma ɛkɛ, yɛɛ me ahatualɛ wɔ me Nyamenle ne ɛkɛ.

Edwɛkpa ne kɛmɔ Mateyu hɛlɛle la 10:27

Mɔɔ menwɔha menwɔhile bɛ wɔ awozinli nu la, bɛha ye bagua nu, yɛɛ mɔɔ bɛde ye azukue nu la, bɛbɔ ye nolo wɔ azua ti zo.

Edwɛkpa ne kɛmɔ Luku hɛlɛle la 12:8

“Meka meahile bɛ, awie biala mɔɔ kɛbɔ ye te wɔ bagua nu kɛ ɔle me ɛdeɛ la, medame Sonla Ra, mebayɛ ye zɔhane ala meamaa ye wɔ Nyamenle soanvolɛma anyunlu.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Dw 6:68

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Kɔl 9:26

Ɛhye ati, kɛmɔ me ɛnriandilɛ ne gyi kpɔkɛ zo la, dahuu menriandi fɔɔnwo; mele kɛ sonla mɔɔ ko la. Mentoto me abotokuma ne mɔ mgbane mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:11

Ɔyɛ me kɛ bɛmaa mevɛ mgbane!

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tɛs 3:5

Ɛnee akee mengola ye me kunlu di bieko, ɛhye ati menzoanle Temɔte kɛ ɔranlea kɛ bɛ diedi ne si gyi la. Ɔnrɛyɛ nɔhalɛ kɛ Abɔnsam kɛhola kɛzɔ bɛ muala kɛnlea dedee kɛmaa yɛ gyima mɔɔ yɛyɛle la amuala kɛyɛ mgbane!

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

1 Pit 1:23

Ɔluakɛ bɛlua tease Ɛdɛnkɛma Nyamenle ne edwɛkɛ zo bɛwo bɛ fofolɛ kɛ bɛle mralɛ mɔɔ ɛnwu ɛlɛ la na bɛnle menli mɔɔ wu la amra.

1 Dw 1:1

Yɛlɛkɛlɛ bɛ wɔ ngoane Edwɛkɛ ne mɔɔ mɔlebɛbo ne ɛnee ɔwɔ ɛkɛ ne na yɛde, yɛnwu ye yɛ nye zo, yɛnlea ye kpalɛ, na yɛva yɛ sa yɛha ye la anwo.

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.