Pɔɔlo Kɛlata mɔɔ ɔhɛlɛle ɔhɔmanle Felepaema la 2:15 - BAEBOLO ANZƐƐ BULUKU NWUANZANWUANZA

¹⁵ amaa awie annwu nvonleɛ biala wɔ bɛ nwo anzɛɛ anzu bɛ nɔhalɛlilɛ nwo kpolera kɛ bɛle Nyamenle amra mɔɔ evinli fee ɛnle bɛ nwo, wɔ adalɛ nee ɛtane ewiade ye anu a. Saa bɛwɔ bɛ avinli a bɛda kɛ bɛmɛ a bɛle ewiade ahɛnlaneɛ a,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:15 Cross References

Edwɛndolɛ Buluku ne 122:5

Ɛkɛ ne yɛɛ bɛzieziele arelemgbunli ndɛnebualɛ mbia ne mɔ a, Devidi abusua ɛlɔnwɔne arelemgbunli mbia ne mɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:35

Yizilayɛma nwu kɛ Mosisi anyunlu ɛlɛta. Mosisi eza fa ɛdanlɛ ne keda ɔ nyunlu kɔkpula mekɛ mɔɔ ɔkɛhɔ Ɛdɛnkɛma Ndanlɛ Sua ne anu bieko kɛ ɔ nee Ɛdɛnkɛma kadendɛ la.

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Mrɛlɛbulɛ Buluku ne 8:8

Edwɛkɛ biala mɔɔ vi me nloa anu la le tenlene edwɛkɛ; adalɛ ɛnle nu anzɛɛ abɛladolɛ ɛnle nu.

Ayezaya Buluku ne 60:1

Bɛdwazo, bɛda, ɔluakɛ bɛ wienyi ne ɛra, Ɛdɛnkɛma anyunlunyia ne ɛlɛta.

Daneɛle Buluku ne 6:4

Mgbanyima ne nee amɛnladoma ne mɔ bɔle kpɔkɛ kɛ bɛnea Daneɛle maamulɛ ne anu boɛ bɛakpondɛ nvonleɛ bie bɛatia ye, na bɛannyia ɛzonle biala bɛando Daneɛle anwo zo, ɔboalekɛ ɔdi nɔhalɛ; bɛannwu ɛtane anzɛɛ nvonleɛ wɔ ye maamulɛ nu.

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Edwɛkpa ne kɛmɔ Mateyu hɛlɛle la 17:17

Gyisɛse buale kɛ, “Bɛmɛ mɔɔ bɛnlɛ diedi na bɛfo a! Me nee bɛ ɛdɛnla, menyia bɛ nwo abotane ɔhɔdwu kenlenzu? Fa kakula nrenya ne bɛla ɛke.”

Edwɛkpa ne kɛmɔ Mateyu hɛlɛle la 5:45

amaa bɛayɛ bɛ Ze mɔɔ wɔ anwuma la amra. Ɔluakɛ yemɔ, ɔmaa ye ezule tɔ na ye ewia fi maa ɛtanevolɛma nee kpalɛyɛlɛma amuala.

Edwɛkpa ne kɛmɔ Mateyu hɛlɛle la 5:48

Zɔhane ati, kɛmɔ bɛ Ze mɔɔ wɔ anwuma la anwo te la, bɛmaa bɛdabɛ noko bɛ nwo ɛde bɔkɔɔ.

Edwɛkpa ne kɛmɔ Luku hɛlɛle la 1:6

Bɛ mu nwiɔ bɛbɔle ɛbɛla kpalɛ mɔɔ nwolɛ te la wɔ Nyamenle anyunlu, na bɛlile Nyamenle mɛla ne mɔ azo bɔkɔɔ.

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Dw 5:35

Dwɔn le kɛ kɛnlaneɛ la, ɔzɔle na ɔdale, noko bɛ nye liele ye wienyi ne anu mekɛ ekyi bie ala.

Ɛzoanvolɛma Gyima ne 2:40

Na Pita hɔle zolɛ hanle edwɛkɛ dɔɔnwo hilele bɛ na ɔdule bɛ folɛ kɛ, “Bɛhwe bɛ nwo bɛvi amaneɛ mɔɔ amumuyɛma ɛhye mɔ banwu ye la anu.”

Ɛzoanvolɛma Gyima ne 20:30

Mekɛ bara mɔɔ menli vi bɛ avinli badwazo araha edwɛkɛ adalɛ ahwe diedima ne bie mɔ ahɔli bɛ nzi a.

Wulo 16:19

Awie biala ɛde bɛ nganeɛ wɔ bɛ nɔhalɛlilɛ wɔ Edwɛkpa ne anwo, yemɔti me nye die bɛ nwo kpole kpalɛ. Mekpondɛ kɛ bɛnwu nrɛlɛbɛ wɔ mɔɔ le kpalɛ la anwo na bɛkpɔlɔkpɔla bɛ sa anwo bɔkɔɔ bɛfi ɛtane nwo.

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

2 Kɔl 6:17

Yemɔti kɛ Awulae se la ɛne, “Bɛgyakyi bɛ na bɛhwe bɛ nwo bɛvi bɛ nwo. Bɛmmafa bɛ sa bɛka debie mɔɔ anwo ɛnde la, na menwɔlie bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Mɛla 32:5

Bɛanli nɔhalɛ bɛammaa ye, bɛnle ɔ mra ko, ɔboalekɛ bɛ nwo lɛ dɛne; bɛle awolɛndoazo ɛtane, anzosesebɛma.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:6

Mɔdenlebɔlɛ nu a menyɛle diedima ne kpɔdekpɔde, yɛɛ saa ɔhale kɛ sonla di mɛla ne azo na yeazɔ Nyamenle anye a, anrɛɛ menli fɔlɛ hweledede.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

1 Tem 3:10

Bɛzɔ menli zɛhae mɔ bɛnlea kolaa na saa edwɛkɛ ɛnle bɛ nwo a, bɛazonle asɔne ne kɛ bɛle boavolɛma.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.

1 Tem 5:20

Twi bɛdabɛ mɔɔ ɛtane ala a bɛyɛ la anyunlu wɔ bagua nu, amaa menli mɔɔ ɛha la azulo.

1 Tem 5:7

Fa folɛdulɛ ɛhye maa bɛ, amaa awie annyia edwɛkɛ ɛtane biala anga wɔ bɛ nwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:10

Bɛmmayɛ awule ndɛbandɛba biala. Ɔwɔ kɛ dahuu bɛkile kɛ bɛle kpalɛ, bɛdi nɔhalɛ, amaa ngilehilelɛ ne mɔɔ fane Nyamenle yɛ Ngoanedievolɛ ne anwo la ayɛ nvasoɛ wɔ debie biala mɔɔ bɛyɛ la anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:15

Kilehile ɛhye mɔ amuala na fa wɔ tumi ne kpokpoti wula wɔ ngilehilelɛ nee bɛ nyunlu ɛhwilɛ nu. Mmamaa awie biala fa ɛ nyunlu kyikyi aze.

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

Yekile 2:5

Ɛdawɔ nea na nwu wɔ aze mɔɔ wɔdɔ la. Nu ɛ nwo na twe ɛ nwo fi wɔ ɛtane ne mɔ mɔɔ wɔyɛ la anwo, na yɛ mɔɔ alumua ne ɛyɛle la. Saa wɔannu ɛ nwo, wɔangyakyi ɛtane ɛyɛlɛ a mebara mearaye wɔ kɛnlaneɛ baka ne meavi ɔ bo zo ne.

Yekile 3:9

Tie, menli ekpunli ekyi ne mɔɔ le Seetan ɛdeɛ, alanema ne mɔɔ kile kɛ bɛle Dwuuma noko bɛnle Dwuuma la, mebamaa bɛarabu ndwɛlɛ wɔ ɛ nyunlu, na bɛ muala bɛanwu kɛ mekulo wɔ.