Pɔɔlo Kɛlata mɔɔ ɔhɛlɛle ɔhɔmanle Felepaema la 2:14 - BAEBOLO ANZƐƐ BULUKU NWUANZANWUANZA

¹⁴ Bɛmmatendɛ bɛ nzo abo na bɛsu kpolera wɔ bɛ debie biala ɛyɛlɛ nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:14 Cross References

Edwɛndolɛ Buluku ne 106:25

Bɛdendɛle bɛ nzo abo wɔ bɛ ndanlɛ azua ne mɔ anu, bɛanyɛ tieyɛ bɛammaa Ɛdɛnkɛma.

Mrɛlɛbulɛ Buluku ne 13:10

Sonla mɔɔ ɛnde folɛ la mgbanyizonle ne fa ye kɔ ngyegyelɛ nu, na mɔɔ te folɛ la ze nrɛlɛbɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:27

“Kenle nyɛ yɛɛ munzule menli ɛhye mɔ fa adendɛ atia me a? Mede Yizilayɛma ɛdendɛlɛ mɔɔ bɛtendɛ bɛtia me la.

Edwɛkpa ne kɛmɔ Mateyu hɛlɛle la 20:11

Bɛduale bɛ kakɛ bɛwiele la, bɛdendɛle bɛ nzo abo bɛtiale egyinli menle ne kɛ,

Edwɛkpa ne kɛmɔ Maake hɛlɛle la 14:5

Anrɛɛ bɛkola bɛtɔne ye bɛdie ezukoa ala mɔɔ bo etaku nna nna ɛya nsa la na bɛfa bɛnea ehyianvolɛma!” Na bɛdendɛle raalɛ ne kpalɛ.

Edwɛkpa ne kɛmɔ Maake hɛlɛle la 9:14

Mɔɔ bɛradole ɛdoavolɛma mɔɔ ɛha la, bɛnwunle kɛ menli somaa ɛbɔ ɛyia bɛ, na mɛla kilehilevolɛma nee bɛ ɛlɛsu kpolera.

Edwɛkpa ne kɛmɔ Luku hɛlɛle la 5:30

Falasiima bie nee mɛla kilehilevolɛma bie mɔ mɔɔ boka Falasiima fane ne anwo la bizale Gyisɛse ɛdoavolɛma ne kɛ, “Duzu ati a bɛ nee adwuledievolɛma nee menli mɔɔ awie ɛmbu bɛ la to bɛ sa ɛyɛba ko anu ɛ?”

Ɛzoanvolɛma Gyima ne 15:2

Pɔɔlo nee Baanabase nee bɛ zule ɛhye anwo kpolera kpole kpalɛ. Zɔhane ati bɛdule menli kɛ bɛboka Pɔɔlo nee Baanabase anwo bɛhɔ Gyɛlusalɛm bɛhɔnwu ɛzoanvolɛma ne nee mgbanyima ne mɔ wɔ nwolɛ.

Ɛzoanvolɛma Gyima ne 15:39

Ɛhye anwo kpolerazulɛ yɛle kyengye kpalɛ manle bɛ mu nwiɔ bɛ avinli tetele. Baanabase vale Maake na ɔ nee ye pɛle azule hɔle Saepelɛse.

Ɛzoanvolɛma Gyima ne 15:7

Na bɛhehanle nwolɛ bie dedee la, Pita dwazole na ɔzele bɛ kɛ, “Ayi mɔ, bɛze kɛ mekɛ bie mɔɔ ɛraze ɛhɔ la, Nyamenle yele me bɛ avinli manle mengɔmbɔle Edwɛkpa ne nolo mengilele bɛdabɛ mɔɔ bɛnle Dwuuma la, amaa bɛdabɛ noko bɛade edwɛkɛ ne na bɛalie bɛali.

Ɛzoanvolɛma Gyima ne 6:1

Nzinlii, mɔɔ ɛnee akee ɛdoavolɛma ne anwo ɛlɛso la, ɛdendɛlɛ radɔle Dwuuma mɔɔ ka Giliki nee Dwuuma mɔɔ wɔ maanle ne anu la avinli. Dwuuma mɔɔ ka Giliki la se bɛbu bɛ nye bɛgua bɛ ahunlanvolɛ mraalɛ ne mɔ anwo zo wɔ dahuu ndɔnielilɛ nu.

Wulo 12:18

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu.

Wulo 14:1

Mɔɔ ye diedi le ekyi la, bɛlie ye wɔ bɛ avinli, noko bɛ nee ye mmasu ye adwenle nu nzuzulɛ biala anwo kpolera.

Wulo 16:17

Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo.

1 Kɔl 10:10

Eza ɔnle kɛ yɛtendɛ yɛ nzo abo, kɛmɔ bɛ bie mɔ yɛle na Ewule soanvolɛ zɛkyele bɛ la.

2 Kɔl 12:20

Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:15

Na saa bɛyɛ bɛ nwo kɛ ɛbɔ nu nane, bɛkeka bɛ nwo, na bɛyɛ bɛ nwo anwula a, ɛnee noko bɛnlea boɛ na bɛanguhu bɛ nwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:26

Ɔnle kɛ yɛmemaa yɛ nwo zo, yɛka yɛ gɔnwo mɔ ɛya, na yɛ nye bolo bɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

1 Tɛs 5:13

Bɛli bɛ eni kpole kpalɛ na bɛhulo bɛ wɔ bɛ gyima ne mɔɔ bɛyɛ la ati. Bɛmaa bɛ muala bɛ nloa ɛzɛ bɛ nwo.

1 Tɛs 5:15

Bɛnlea kɛ awie ɛnrɛva ɛtane ɛnrɛdua ɛtane kakɛ. Dahuu bɛyɛ bɛ adwenle kɛ bɛkɛyɛ kpalɛ bɛkɛmaa bɛ nwo ngoko nee awie mɔ gyɛne.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

Gyemise Kɛlata ne 1:20

Ɛyavalɛ ɛmmaa sonla ɛnzɔ Nyamenle anye.

Gyemise Kɛlata ne 3:14

Na saa bɛ ahonle nu bɛle anyebolo, bɛle angomedi a, ɛnee bɛmmatu bɛ nloa anu kɛ bɛze nrɛlɛbɛ na bɛyɛ ɛtane bɛtia nɔhalɛ ne.

Gyemise Kɛlata ne 5:9

Mediema, bɛmmatendɛ bɛ gɔnwo mɔ bɛ nzo abo, amaa bɛambua bɛdabɛ noko bɛ ndɛne. Ndɛnebuavolɛ ne ɛbikye, ɔgyi bɛ nlenkɛ ne mɔ anloa.

1 Pit 3:11

Ɔwɔ kɛ ɔtwe ɔ nwo ɔfi ɛtane nwo na ɔyɛ kpalɛ; ɔwɔ kɛ ɔkpondɛ anzonudwolɛ bo zo na ɔdi ɔ nzi.

1 Pit 4:9

Bɛmaa adenle bɛmaa bɛ mediema Kelaese ɛdoavolɛma ɛwolo bɛ mɔɔ adendɛbɛnzoabo biala ɛnle nu a.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.