Pɔɔlo Kɛlata mɔɔ ɔhɛlɛle ɔhɔmanle Felepaema la 2:13 - BAEBOLO ANZƐƐ BULUKU NWUANZANWUANZA

¹³ ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13 Cross References

1 Arl 8:58

Ɔboa yɛ ɔmaa yɛyɛ tieyɛ yɛmaa ye, amaa dahuu yɛayɛ ye ɛhulolɛdeɛ na yɛali ye mɛla nee ye ngilehilelɛ mɔɔ ɔvale ɔmanle yɛ ze mɔ la azo.

2 Edk 30:12

Nyamenle tumi ne noko yɛle gyima wɔ Dwuda manle menli ne amuala yɛle ko, na bɛyɛle debie biala mɔɔ belemgbunli ne nee ye mgbanyima ne mɔ luale Ɛdɛnkɛma duma nu hanle hilele bɛ la.

Ɛzela Buluku ne 1:1

Mekɛ mɔɔ bɛkava Saelɛse bɛazie Pɛhyea Maanle Maanle Belemgbunli la, ɛnee Ɛdɛnkɛma ɛlua ye kpɔmanvolɛ Gyɛlɛmaya anwo zo ɛha edwɛkɛ bie ɛdo ɛkɛ. Zɔhane ati amaa edwɛkɛ ne ayɛ nɔhalɛ la, mɔɔ Saelɛse yɛle Pɛhyea Maanle Maanle Belemgbunli la, ye ɛvolɛ ne mɔɔ lumua la anu, Ɛdɛnkɛma hanle ye ahonle manle ɔvale edwɛkɛ ne ɔdole gua. Saelɛse manle bɛhɛlɛle edwɛkɛ ne wɔ ngɛlata zo bɛhɔle maanle maanle ne mɔ mɔɔ ɔsie bɛ la amuala anu. Edwɛkɛ ne se:

Ɛzela Buluku ne 1:5

Na Dwuda nee Bɛngyaman mbusua ekpunli ne mɔ anu mgbanyima, sɛlɛvolɛma nee Livaema, nee awie biala mɔɔ Nyamenle ɛva ɔ sa ɛha ye ahonle la boɔboale bɛ nwo kɛ bɛkɔ bɛahɔboa Ɛdɛnkɛma Ɛzonlenlɛ Sua ne ɛzilɛ bieko wɔ Gyɛlusalɛm.

Ɛzela Buluku ne 7:27

Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Nihɛmaya Buluku ne 2:4

Na belemgbunli ne bizale me kɛ, “Duzu a menyɛ memaa wɔ a?” Menzɛlɛle anwuma anwuma Nyamenle ne

Dwobu Buluku ne 33:29

“Nea, Nyamenle yɛ ninyɛne ɛhye mɔ amuala fane kɛyɛ nyɛ maa sonla,

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 119:36

Maa me ahonle ɛbikye wɔ ngyehyɛlɛ ne mɔ ɛdɛla kɛ menwɔnyia me nwo.

Edwɛndolɛ Buluku ne 141:4

Mmamaa me nye die ɛtane nwo, na mepele amumuyɛ ɛyɛlɛ nwo. Mmamaa me nee nindavoma tu, yɛɛ mmamaa me nee bɛ to ɛsalɛ ɛyɛba ko anu.

Mrɛlɛbulɛ Buluku ne 21:1

Belemgbunli biala adwenle le kɛ azudenle wɔ Ɛdɛnkɛma asa anu; ɛleka mɔɔ ɔkulo la yɛɛ ɔmaa ɔse ɔdua a.

Ayezaya Buluku ne 26:12

O Ɛdɛnkɛma, ɛbamaa yɛ nzo nu adwo yɛ, wɔyɛ yɛ gyima ne kɔsɔɔti wɔmaa yɛ.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Buluku ne 32:38

Bɛbayɛ me menli, na meayɛ bɛ Nyamenle.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Dw 6:45

Nyamenle kpɔmanvolɛma hɛlɛle kɛ, ‘Nyamenle a kilehile menli kɔsɔɔti a.’ Awie biala mɔɔ te Selɛ ne ane na ɔtietia ɔ gyakɛ abo zo la ba me ɛkɛ.

Dw 6:65

Na ɔvale ɔzɔle zolɛ kɛ, “Ɛhye ati a menganle mengilele bɛ kɛ awie biala ɛnrɛhola ɛnrɛra me nwo kyesɛ Selɛ ne ɛva ye ɛrɛlɛ me la.”

Ɛzoanvolɛma Gyima ne 11:21

Awulae lile bɛ nzi manle menli dɔɔnwo liele lile na bɛhakyile bɛrale Awulae ɛkɛ.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

Wulo 9:16

Yemɔti, Nyamenle anwunvɔnezelɛ ne ɛngyi mɔɔ sonla kpondɛ la, anzɛɛ mɔɔ ɔkɛyele ɔ nwo kɛ ɔyɛ la azo.

1 Kɔl 12:6

Anwosesebɛ mɔɔ bɛfa bɛyɛ gyima ngakyile dɔɔnwo la wɔ ɛkɛ, noko Nyamenle ko ne ala a maa awie biala anwosesebɛ maa ɔfa ɔsonle a.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

2 Kɔl 3:5

Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

2 Tɛs 1:11

Ɛhye ati dahuu yɛsɛlɛ yɛmaa bɛ, yɛbiza yɛ Nyamenle ne kɛ ɔmaa bɛ nwo ɛfɛta ye ɛvɛlɛlɛ ne. Yɛsɛlɛ kɛ ɔlua ye tumi ne azo ɔmaa bɛhola bɛyɛ kpalɛ biala mɔɔ bɛkpondɛ kɛ bɛyɛ la na ɔmaa bɛ diedi nu gyima muala ɛli munli,

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.