Pɔɔlo Kɛlata mɔɔ ɔhɛlɛle ɔhɔmanle Felepaema la 2:11 - BAEBOLO ANZƐƐ BULUKU NWUANZANWUANZA

¹¹ na awie biala aha ye baguase kɛ, Gyisɛse Kelaese le Awulae, bɛava bɛawula Nyamenle Selɛ ne anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:11 Cross References

Edwɛndolɛ Buluku ne 110:1

Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

Edwɛndolɛ Buluku ne 18:49

Ɛhye ati Ɛdɛnkɛma, mebaye wɔ ayɛlɛ wɔ maanle maanle avinli, na meado ayɛlɛyelɛ edwɛne meamaa wɔ.

Gyɛlɛmaya Buluku ne 23:6

Wɔ ye mekɛ zo, Dwudama banyia bɛ ti na Yizilayɛma anwo adɔ bɛ. Duma mɔɔ bɛbava bɛavɛlɛ ye la a le, ‘Ɛdɛnkɛma le tenlenenli.’

Edwɛkpa ne kɛmɔ Mateyu hɛlɛle la 10:32

“Awie biala mɔɔ kɛha ye baguase kɛ ɔle me ɛdeɛ la, medame menwɔyɛ ye zɔhane ala menwɔmaa ye wɔ Egya mɔɔ wɔ anwuma la anyunlu.

Edwɛkpa ne kɛmɔ Luku hɛlɛle la 2:11

Ɛnɛ kenle ye bɛwo bɛ Ngoanedievolɛ ne, mɔɔ le Awulae Kelaese ne wɔ Devidi sua zo.

Dw 12:42

Noko bɔbɔ, Dwuu mgbanyima ne mɔ anu dɔɔnwo liele Gyisɛse lile; na Falasiima ati bɛangola nwolɛ edwɛkɛ ka bagua nu anrɛɛ bɛkɛye bɛ ali bɛkɛvi nyianu sua ne anu.

Dw 13:13

Bɛfɛlɛ me Kilehilevolɛ nee Awulae, na ɔle kpalɛ kɛ bɛkɛvɛlɛ me zɔhane a, ɔluakɛ mele zɔhane.

Dw 13:14

Mele bɛ Awulae nee bɛ Kilehilevolɛ, noko menrinzinrinzi bɛ gyakɛ anwo. Bɛdabɛ noko bɛnrinzinrinzi bɛ gyakɛ anwo ngoko ngoko.

Dw 14:13

yɛɛ mɔɔ bɛkɛbiza ye biala wɔ me duma nu la, mebayɛ, amaa bɛalua Ralɛ ne anwo zo bɛaye Selɛ ne anyunlunyia bɛahile.

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Dw 20:28

Tɔmase buale kɛ, “Me Awulae nee me Nyamenle!”

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Dw 9:22

Ye awovolɛ ne hanle ɛhye, ɔluakɛ bɛsulo Dwuu mgbanyima ne mɔ. Dwuu mgbanyima ne mɔ ɛbɔ kpɔkɛ kɛ awie biala mɔɔ kɛha kɛ Gyisɛse le Mɛzaya la, bɛkɛye ye bɛkɛvi nyianu sua ne anu.

Ɛzoanvolɛma Gyima ne 10:36

Bɛdabɛ bɛze kɛ ɔzile mɔɔ ɔlua Gyisɛse Kelaese, mɔɔ le menli kɔsɔɔti Awulae la anwo zo Nyamenle vale anzonudwolɛ nwo Edwɛkpa ne rɛlɛle Yizilayɛma la.

Ɛzoanvolɛma Gyima ne 2:36

“Zɔhane ati, bɛmaa Yizilayɛma amuala ɛnwu ye wienyi kɛ, Gyisɛse ɛhye mɔɔ bɛbɔle ye meanubaka nu la, yemɔ ala yɛɛ Nyamenle ɛyɛ ye Awulae nee Mɛzaya a.”

Wulo 14:11

Ɔluakɛ Nyamenle Edwɛkɛ ne se, “Awulae se, suzuamgba ala mɔɔ mame a mele tease Nyamenle ne la, awie biala babu ndwɛlɛ wɔ me nyunlu, yɛɛ menli muala bayeyɛ me kɛ mele Nyamenle.”

Wulo 14:9

Ɔluakɛ ɛhye ati a Kelaese wule na bɛdwazole ye bɛrale ngoane nu a, amaa yeayɛ anyewɔzo amra nee mɔwuamra Awulae.

Wulo 15:9

na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se, “Zɔhane ati mebaye wɔ ayɛlɛ wɔ menli mɔɔ ɛnle Dwuuma la avinli. Mebado ayɛlɛyelɛ edwɛne meayeyɛ wɔ”

1 Kɔl 12:3

Zɔhane ati ɔwɔ kɛ bɛnwu ye wienyi kɛ awie biala mɔɔ Nyamenle Sunsum ne wɔ ye nu la ɛngola ɛnga kɛ “Munzule ɛha Gyisɛse!” Yɛɛ awie biala noko ɛngola ɛnga kɛ “Gyisɛse le Awulae”, kyesɛ Sunsum Nwuanzanwuanza ne de ye nu.

1 Kɔl 15:47

Ndɛtɛlɛ a Nyamenle vale bɔle sonla ne mɔɔ lumua la a, na sonla ne mɔɔ tɔ zolɛ nwiɔ la vi anwuma a rale a.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Dw 4:15

Awie biala mɔɔ ka to gua kɛ Gyisɛse a le Nyamenle ara ne la, Nyamenle nee ye de, yɛɛ ɔdaye noko ɔ nee Nyamenle de.

1 Dw 4:2

Debie mɔɔ kɛmaa bɛkɛhola bɛkɛnwu kɛ sunsum ne vi Nyamenle ɛkɛ ne la a le ɛhye: sunsum biala mɔɔ ka to gua kɛ Gyisɛse Kelaese rale kɛ sonla la le Nyamenle Sunsum,

2 Dw 1:7

Adalɛma dɔɔnwo ɛdwazo ewiade ɛleka muala. Bɛmɛ a le menli ne mɔɔ ɛnlie ɛndo nu kɛ Gyisɛse Kelaese rale kɛ sonla ala la. Sonla zɛhae le mɛlɛbɛla na ɔle Kelaese Kpɔvolɛ.

Yekile 3:5

Sonla ne mɔɔ kɛli konim la bɛbayɛ ye fufule nwohyee, na menrɛye ye duma menrɛvi teasema buluku ne anu. Mebaha ye wienyi wɔ Egya nee Nyamenle soanvolɛma anyunlu ɛkɛ ne kɛ bɛle me ɛdeɛ.