Pɔɔlo Kɛlata mɔɔ ɔhɛlɛle ɔhɔmanle Felepaema la 1:8 - BAEBOLO ANZƐƐ BULUKU NWUANZANWUANZA

⁸ Nyamenle di me daselɛ kɛ me nwo mɔɔ dɔ bɛ la amuala vi Gyisɛse Kelaese ɔdaye mumua ne ahonle nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:8 Cross References

Dwobu Buluku ne 16:19

Nea, kɛkala bɔbɔ, me dasevolɛ ne wɔ anwuma, yɛɛ mɔɔ di me edwɛkɛ maa me la wɔ anwuma.

Ayezaya Buluku ne 16:11

Yemɔti me ɛkɛla kulu ɔ kunlu kɛ getaa kpole la wɔ Mowabe ati, yɛɛ medi Kɛɛ Hɛlɛse anwo nyane.

Ayezaya Buluku ne 63:15

Ɛdɛnkɛma, ɛwɔ anwuma lɔ, wɔ anyunlunyia ɛleka nwuanzanwuanza ne a to ɛ nye nea yɛ. Wɔ ɛhulolɛ kpole ne nee wɔ tumi ne wɔ nienwu? Wɔye wɔ ahunluyelɛyelalɛ ne nee wɔ anwunvɔnezelɛ ne wɔvi me nwo.

Gyɛlɛmaya Buluku ne 31:20

“Yizilayɛ, ɛle me ra nrenya mɔɔ mekulo wɔ, ɛle ralɛ nrenya mɔɔ ɛla me ahonle nwo. Mekɛ biala mɔɔ menwɔva ɛ nwo ɛya la, ɛnee ɛ nwo adwenle gyi me adwenle nu. Yemɔti me nwo dɔ wɔ; nɔhalɛ, mebanwu wɔ anwunvɔne. Medame Ɛdɛnkɛma a mese a.

Edwɛkpa ne kɛmɔ Luku hɛlɛle la 1:78

Ɔlua yɛ Nyamenle ne ahunlunyele kpole ti, ɔbamaa ngoanelielɛ kenle ne ado yɛ;

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 9:1

Kelaese ati nɔhalɛ kpalɛ a melɛka meahile bɛ la, membɔ adalɛ. Me adwenle nu wienyi, Sunsum Nwuanzanwuanza ne ɔdaye ɔze kɛ membɔ adalɛ,

2 Kɔl 13:9

Yɛdi fɛlɛko kɛ bɛkɛyɛ se na yɛmɛ yɛkɛyɛ bɛtɛɛ. Yɛsɛlɛ kɛ bɛkɛli munli.

2 Kɔl 6:12

Yɛnzi bɛ aze; saa azezilɛ bie wɔ ɛkɛ a ɛnee ɔvi bɛdabɛ bɛ atiakunluwɔzo.

2 Kɔl 7:15

Yemɔti ɔlɛ bɛ nwo ɛhulolɛ kpole, na ɔkakye bɛ muala bɛ tieyɛ nee kɛ bɛzile bɛvale ɛzulolɛ nee anwowozolɛ bɛyɛle ye akɔaba la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:20

(Nyamenle anyunlu, mɔɔ melɛka la amuala, adalɛ fee ɛnle nu.)

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:26

Bɛhakye ɛhye: Bɛlie Gyisɛse bɛli la ati bɛ kɔsɔɔti bɛ nee Gyisɛse Kelaese ɛbɔ nu ɛyɛ Nyamenle amra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:1

Bɛdie Kelaese bɛdi la ati bɛ nwo yɛ se. Ye ɛhulolɛ ne kyekye bɛ rɛle. Sunsum ne maa bɛdi ahua, ɔmaa bɛyɛ atiakunlukɛnlɛma bɛmaa bɛ nwo ngoko ngoko, na bɛse bɛ nwo anwunvɔne.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:26

Ɔ nwo ɛlɛdɔ bɛ muala, na ɔlɛdi nyane kɛ bɛdele ye anwonyane nganeɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Kɔlɔ 2:1

Bɛmaa menga gyima ɛsesebɛ mɔɔ meyɛ memaa bɛ nee menli mɔɔ wɔ Lawɔdesia, nee bɛdabɛ mɔɔ bɛtɛnwunle me nyunlu ɛlɛ la mengile bɛ.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tɛs 2:5

Bɛdabɛ bɛze ye wienyi kɛ yɛanva huhudi ɛdendɛlɛ kɛnlɛma yɛangeda anyebolo zo, Nyamenle di yɛ daselɛ wɔ ɛhye anwo.

1 Tɛs 2:8

Ɔlua bɛ nwo ɛhulolɛ mɔɔ yɛlɛ la ati yɛanga Edwɛkpa ne mɔɔ vi Nyamenle ɛkɛ ne la angome ala yɛangile bɛ; yɛvale yɛ ɛbɛlabɔlɛ noko yɛbokale nwo. Bɛ nwo hyia yɛ somaa!

2 Tem 1:4

Kɛmɔ mekakye monle mɔɔ ɛhwinle la ati, me nwo dɔ wɔ nɔɔzo nee ewiazo amuala, na me kunlu a anrɛɛ menwu wɔ, amaa me nye alie.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:12

Melɛsiane ye meamaa yeara ɛ nwo lɔ bieko, na fa ye kɛ medame ɔ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:20

Yemɔti, me diema, ɔlua Awulae ati, gyakyi ɛhye anu maa me, kɛmɔ Kelaese ati ɛle me diema la, na maa me nye ɛlie.

1 Dw 3:17

Saa awie mɔɔ lɛ ewiade ye anu ninyɛne la nwu ɔ diema mɔɔ ɛhyia, na ɔye ɔ nye ɔto ɛbɔ nu a, ɛnee kɛ ɔsi ɔka kɛ ɔkulo Nyamenle ɛ?