Pɔɔlo Kɛlata mɔɔ ɔhɛlɛle ɔhɔmanle Felepaema la 1:4 - BAEBOLO ANZƐƐ BULUKU NWUANZANWUANZA

⁴ Eza kenle biala mefa fɛlɛkolilɛ mesɛlɛ memaa bɛ muala,

Pɔɔlo Kɛlata mɔɔ ɔhɛlɛle ɔhɔmanle Felepaema la 1:4 Cross References

Edwɛkpa ne kɛmɔ Maake hɛlɛle la 5:5

Alehyenlɛ nee aledwolɛ muala ɛnee ɔluolua azie ne nee awoka ne mɔ azo ɔteɛdea nuhua na ɔfa awolɛ ɔpepɛ ɔ nwo.

Edwɛkpa ne kɛmɔ Luku hɛlɛle la 15:10

Meka meahile bɛ kɛ, zɔhane ala yɛɛ Nyamenle soanvolɛma di fɛlɛko wɔ ɛtanenli ko mɔɔ kɛnlu ɔ nwo la anwo a.”

Edwɛkpa ne kɛmɔ Luku hɛlɛle la 15:7

Meka meahile bɛ kɛ zɔhane ala yɛɛ anyelielɛ kɛra anwuma lɔ wɔ ɛtanevolɛ ko mɔɔ kɛnlu ɔ nwo la anwo kɛdɛla menli abulahɔnla nee ngɔnla mɔɔ di boɛ na bɛngyia anlubɛnwo la a.

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Pɔɔlo Kɛlata mɔɔ ɔhɛlɛle ɔhɔmanle Felepaema la 2:2

Akee mesɛlɛ bɛ kɛ bɛhye bɛ nwo file, bɛnyia adwenle ko, bɛhulo bɛ nwo ngoko ngoko na bɛmaa me fɛlɛkolilɛ ne ɛli munli.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:18

Ɔluakɛ dahuu meka, yɛɛ ɛnɛ noko melɛ nyanelilɛ melɛsi zolɛ a: menli dɔɔnwo wɔ ɛkɛ mɔɔ bɛ ɛbɛlabɔlɛ ne ɛmaa bɛyɛ Kelaese meanubaka ne azo ewule ne anwo agbɔvolɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:1

Zɔhane ati, me mediema kulovolɛma, mɔɔ me nwo dɔ bɛ a, me ahyɛlɛdeɛ mɔɔ me nye die bɛ nwo, na mefa bɛ metu me nwo a! Mediema kpalɛ, bɛgyinla kpundii kɛ bɛle Kelaese ɛdeɛ.

Kɔlɔ 2:5

Ɔluakɛ menle bɛ nwo lɔ ɛdeɛ, noko me nee bɛ de wɔ sunsum nu, na ɔyɛ me fɛ kɛ menwu kɛ bɛsi bɛdi bɛ nwo eni nee kɛ bɛ diedi wɔ Kelaese anu si de kpundii la.

1 Tɛs 1:2

Dahuu yɛyɛ nzɛlɛlɛ a, yɛbɔ bɛ duma yɛyɛ Nyamenle mo wɔ bɛ muala bɛ ti.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:7

Adiema kulovolɛ, medi fɛlɛko kpole wɔ wɔ ɛhulolɛ mɔɔ ɛlɛ ye la anwo, na yemaa me akɛnrazilɛ! Wɔmaa Nyamenle menli muala anye ɛlie.

2 Dw 1:4

Ɔyɛle me fɛ kpole kɛ menwunle kɛ ɛ mra ne mɔ bie mɔ li nɔhalɛ ne anzi, kɛmɔ Nyamenle Selɛ ne zele yɛ la.